[menalove2031]

انا مستحقش انا مستحقش اشوف يارب محبتك
انا مستحقش مستحقش اعيش يارب فى رحمتك

انا كل همى انى اعمل كل شىء بيجرك انا حتى ما فكرت انى فى يوم يارب افرحك
وبقيت كمان عايش يادوب عشان ادمر سكتى وبقيت بشوف كل الشرور هى الوسيلة فى دنيتى

انامستحقش مستحقش اشوف يارب محبتك
انا مستحقش مستحقش اعيش يارب فى رحمتك

انا عمرى ما فكرت مره انى ابقى فى قصتك انا كنت برفض اى حاجة عرفها ممكن تبسطك
ونسيت كمان ان الزمان هو الى لازم ينتصر
وان الى خان حبك زمان مات فى حياته وانكسر

انا مستحقش مستحقش اشوف يارب محبتك
انا مستحقش مستحقش اعيش يارب فى رحمتك

انا نفسى اعرف بس امتى هقدر ارجع من جديد ويتولد فرحك فى قلبى واعيش باقى حياتى سعيد
ويبقى قلبى فيه قصور كلها بتشع النور
وانت بكلامك تسكن فيه وتعيش معايا طول الدهور

المصدر: †† ارثوذكس †† - من قسم: القسم الادبي

[b o b b a]

موصوع حلو اوي يا مينا
ربنا يبارك موهبتك
ربنا معاك

[Team Work®]

يا خرابي اية الكلام الحلو دة بجد انا مفتقد الكلام الحلو دة من زمان اشكرك جدا على كلماتك الجميلة دى

[MICKEY]

ومين فينا يستحق يامينا
كلنا خطاه ياحبيبي
ربنا يباركك
وعلي فكرة الشعر جميل جدا جدا
ربنا يبارك موهبتك وينميها

[القطة كيتي]

موصوع حلو اوي يا مينا
ربنا يبارك موهبتك
ربنا معاك

[gemeazez]

ربنا يبارك موهبتك

[عماد حسنى]

الله يا مينا
بجد كلماتك فى منتهى الروعه
ربنا يبارك حياتك ويكون معاك
ويجعلنا كلنا ان نكون مستحقين لاسمه القدوس
شكرا جدا يا مينا على موضوعك الرائع ده

[tamatem]

الله يا أستاذ على جمال الكلمات
بجد فوق الرااااااااااااائع
الرب معك

[كريستين غريب]

بنا يحافظ عليك يا مينا .بس انا ازاى مكنتش اعرف ان انت شاعر

[menalove2031]

المشاركة الأصلية كتبت بواسطة b o b b a موصوع حلو اوي يا مينا ربنا يبارك موهبتك ربنا معاك

شكر بوبا على ردك يا غالى