[بنت الانبا بولا]

1-الهنا عظيم الهنا امين وحافظ عهده سنين وسنين
بيطعم شعبه فى برية ويطلق اسرى ومسبيين
اله دانيال ورب داود بنؤمن انه مازال موجود
ينجى عبيده حسب وعده من سيف جليات وجب اسود
القرار
يا الهنا الصالح شكرا ليك مهما بنشكر مش هنوفيك
دى مراحمك جيل ورا جيل
وامانتك ثابتة وما بتزول اعمالك تشهد لك وتقول
يارب مالكش مثيل
2-فى قلب السجن ووسط الضيق بتيجى بقوة يا اوفى صديق
وان وقف البحر قصاد شعبك تشقه وتعمل منه طريق
ما فى امواج ولا اسوار امامك تقوى يا جبار
وان اضطهدوا فى مرة ولادك نشوفك وسط اتون النار

3-اله ابائنا واجدادنا عهودك لينا ولاولادنا
يا فادى من الحفرة حياتنا وواعدنا للسما هتاخدنا
بنعلن ان ايماننا فيك وان يوم انكرنا وصاح الديك
بنظرة حب تدوبنا ونرجع تانى بتوبة اليك

المصدر: †† ارثوذكس †† - من قسم: قسم الترانيم المكتوبة