[ramysefen]

سلام ونعمة
بيتهيالي ان الاعراض اللي بتبان علي البنت لما بتتعلق او تعجب بحد
هو الاهتمام بيه لدرجه ملفته
ممكن الاهتمام دا ياخد اشكال مختلفه حسب الشخص
والمكان
ممكن العمل ممكن الجامعة ممكن السكن بتاعي يعني من الجيران وهكذا

[ميرا000]

هى فعلا البنت حساسة جدا ومش بتستحمل اى حاجة حتى لو كان ظاهرها بيقول غير كده
وعلى كد صعوبة الموقف وتاثرها بيه بيكون نزول الدموع
حتى البنت اذا قدرت تتحكم فى مشاعرها قدام اللى حواليها لكن لما بتكون لوحدها دموعها بتغلبها

[ماروجيرافك]

وعلى كد صعوبة الموقف وتاثرها بيه بيكون نزول الدموع حتى البنت اذا قدرت تتحكم فى مشاعرها قدام اللى حواليها لكن لما بتكون لوحدها دموعها بتغلبها

فعلا يا ميرا وكمان ده يتوقف علي مدي قرابه الانسان الي ممكن تبكي قدامه

[فيكتوريا]

البنت بتكون دموعها غالية اوى عاليها ولما بتبكى قدام حد ده بيكون غالى عليها جدا و بتبكى على حد بتحبه اوى بس فى الغالب البنت بتبكى لوحدها بعيد عن الناس عندى سوال لية الولاد لما بيكملوا البنات فى الجامعة و البنت مش بترضى بقولوا انها متخلفة مع انة لو فكر فى الارتباط بيختار اللى ملهاش علاقات

[ELMAGEK]

لية الولاد لما بيكملوا البنات فى الجامعة و البنت مش بترضى بقولوا انها متخلفة مع انة لو فكر فى الارتباط بيختار اللى ملهاش علاقات


اصل هقولك حاجة يا فيكتوريا موضوع الكلام دا يختلف
يعنى مثلا انا لما اجى اسالك على حاجة فى محاضرة ولا حاجة ومش ترضى تردى عليا
بتبقى مش لطيفة لاكن لو كلام من نوع تانى اى كان من حقك طبعا تصدية او
ترفضى حتى الكلام معاه لاكن ترفضى الحدي من اساسو يعنى ميبقاش فى تعامل مع الولاد
اساسا لا دى جامعة مفتوحة وعالم لازم تندمجى فية وفكرو هو الى بيغيرنا
مش احنا الى بنغيرو وطبعا البنت المحترمة بتبان من وسط مليون واحد
وهى دى ساسى الى الولاد كلهم بيدورو عليها
بس دا مش معناة انها متكنش اتكلمت مع ولاد فى الجامعة قبل كدة ومتعرفش حد وبتاع
يبقى كدة اان مش هلاقيها ولا فى الاحلام ارجو اكون حاولت
اجاوب على السؤال على قد مقدرتى وميرسى ليكى

سؤالى بقى
هى البنات بتحب الولد الخجول والمؤدب شوية ولا الجريئ الى من اول
لقاء ياخد نمرتها ويبقى خلاص كانو يعرفها من زمان

[Shosei]

انا مش بحب الشاب اللخمة ابداااااااااااااااااا
يمكن لانى انا كداا لخمة طحن ومحبش دا يكون فى اللى هرتبط بيه لانى عاوزة حد اعوض دا فيه انا خجولة هو جرىء
انا عموما مش بفضل الشباب اللخمة ولا انو ياخد نمرتها من اول مرة لانى مش هحترمه
يكون شخصية جامدة يعنى قوية يعرف يختار وقته الصح لا لخمة ولا جرىء منغير احترام

[bent elmace7]

اعتقد ان اغلب البنات بتحب الولد المؤدب الجرئ مش المؤدب ولخمه ولا الجرئ زيادة خير الامور الوسط

[7anan]

• هى مش كل بنتطيب سؤال ليا انا
  من المعروف أن 90% من بنات اليومين دول بيبصوا للشاب من نواحيه المادية
  أنما بقي يكون شكلوا عامل زي الكرمبة شكلو فيه حاجة غلط مش مشكلة
  يكون بياكل علي سطر ويسيب سطر مش مشكلة
  السؤال بقي
  أزاي أعرف أن البنت الفلانية ميهماش في شريك حياتها الفلوس أو المادة
  أرجوا أني مكنش طولت وأرجوا أن مفيش واحدة ترد وتقول لا لا لا البنت عمر ما كان يهمها الفلوس
  
  الاجابة:مش كل بنت بتهمها الماديات او الفلوس زى ما بتقول لكن فى بنات بتحب المظاهر والفلوس والحاجات العالمية دى لكن لو عايز تعرف ان البنت الفلانية دى ميهمهاش الفلوس و كدة بيبان عليها بتبقى متواضعة وبسيطة ودى حاجة بتبان ومحدش يقول لا لو يمكن بتمثل (دة رائى)
• لاتحبوا العالم ولا الاشياء التى فى العالم

[اس اسامة عوض]

لية البنت تسيب نفسة بكل سهولة لحد قولة انا بحبك وهاتى ...... كذا تروح البنت ؟

[karam.asaad]

+

على فكرة يا جماعة الماديات والمظاهر الاهتمام بيها مش شىء وحش زى ما البعض فاكر ....
ولكن اهميتها بتيجى بعد اهمية الحاجات التانية زى مثلاً طريقة التفكير والعلاقة بربنا والاخلاق والحاجات اللى كلنا عارفينها...
الآية بتقول " لان الاشياء التى ترى وقتية اما التى لا ترى فأبدية "
علشان كده نهتم بالابدية الاول وكمان بعدها الى حد ما نهتم بالوقتية الملازمة لنا فى الحياة