[امل بنت الرب]

رغم كبر سنها الا انها
طفلة بريئة
عاشت غريبة والكل قال وحيدة
لما كانت تبتسم يفتكروا انها عليهم بتترسم
قلبها الطيب الجميل دايما يشتكى دايما عليل
تتطلب المساعدة برقة ومحدش ليها يسمع
وكأنها فى غربة
قالت خلاص فيهم هندمج شافت حاجات خلت حياتها تتقلب
وفى يوم قلبها حب منهم والى حبتة ضحك عليها وقالهم
دى خلتنى بعد ربنا
وياعينى كان فيهم واحد بيحبها عايش يحلم بقلبها
ولما سمع كلام صحبة عنها
قال يبقى الى قلبى عاش يحلم بحبها مش من حقى اضمها
بعد كتير كأنة عاوز يطير مع ان قلبة فى الحب اسير
ولما رجع لاقى الى كان بيحبها وعايش يحلم بقلبها
عايشة لوحدها
قالها انة بيحبها ولما قالها اتصدم تانى بس منها
عاش لوحدة وهى لوحدها
ولا عاشت جنبة ولا هو فى قلبها
بس ياترى العيب منة لانة حبها
ولا منها لانها حبت الى عمرة ماحبها
ولا العيب فى الى حواليهم لانهم ضحكوا عليهم
بس الاكيد ان دة الحب المستحيل

المصدر: †† ارثوذكس †† - من قسم: القسم الادبي

[menalouka]

الله يا أمل
بجد موضوع رائع جداً
ربنا يباركك وتعيشى وتجيبلنا مواضيع تجنن كده

[nermos1982]

كلماتك جميلة اوى يا امل. ربنا يفرح قلبك يارب ويكون معاكى دايما

[امل بنت الرب]

ميرسى اوى للردود الى تشجع

[miso]

لغــــــــــــــز الحب
نحب من لا يشعرون بنا
وهناك من يحبوننا ولا نشعر نحن بهم
ميرسى موضوعك جميل جدا

[امل بنت الرب]

ميرسى لردك miso

[ميلاد صدقى]

حقيقى يا امل كلمات رائعة واحساسك روعة
وهى فعلا طفلة بريئة لانها حبت واللى يحب
بجد يكون قلبة برئ ربنا يباركك ويرعاكى دايما

[نيرو12]

حلو اوى يا اموله تسلم ايديك ومنتظرين المزيد

[marooooo]

بس ياترى العيب منة لانة حبها
ولا منها لانها حبت الى عمرة ماحبها
ولا العيب فى الى حواليهم لانهم ضحكوا عليهم
بس الاكيد ان دة الحب المستحيل
رائع جدا جدا ميرسي ليكي ياقمر

[بنت الدموع]

جميلة اوي ياامل ميرسي ياسكر ربنايوفقك و ينمي موهبتك