[اللة يرعانى]

انا عندى مشكلة ومش عارفة اعمل فيها اية وهى بعد فك خطوبة اخويا بقى حساس اوى وبيزعل بسرعة ومش عارفة اتعامل معاة ولو اهلى جابولى حاجة يزعل ومش عارفة اعمل اية ولا ارضية ازاى

المصدر: †† ارثوذكس †† - من قسم: سؤال وجواب

[aymonded]

سلام لنفسك يا محبوبة ربنا يسوع
طبعاً الفترة دية عادي جداً أنه يكون حساس جداً بسبب المشكلة اللي واجهته ، ولكن في نفس ذات الوقت هو مش عايز يواجه نفسه ، وبيحاول يهرب من المشكلة بحساسيته تجاه أي كلمة أو موضوع حتى لو لم يمس مشكلته أساساً ، ودية حالة مرضية مؤقته لابد من أن يستفيق منها ...

ونصيحتي عاملية عادي جداً دون أن تحسسي على كل كلمة تقولبها ، لأن لو حاسبتي على كل كلمة هاتبقى العلاقة بينكما معقدة جداً وهاتساعدية على أن يستمر بأن يلقي الملامة على كل من يتحدث إليه وستتعقد الأمر لتصل لدرجة تفوق الاحتمال والخصومة فيما بينكما ، لأنه في النهاية لازم يفوق لنفسه ومش يدخل تحت تصرف العطف على الذات وأشفاق الآخرين على نفسيته المجروحة ، وبخاصة أنك لم تقصدي أي ملامة أو جرح ، فهو حساس تجاه أشياء وهمية ليست حقيقية ...

والدنيا مش اتهدت يعني وهو لا أول واحد ولا الأخير اللي يفسخ خطوبة ...

أقبلي مني كل تقدير بمحبة
النعمة معك

[بنت الراعي]

انا مع كلام الاستاذ ايمن بس ممكن لو علاقتك به تسمح
تتكلمي معاه بصراحه وتفاتحيه في الحاجات اللي انتي ملاحظاها عليه ممكن ده يساعده
وكمان صلي له كتير وحاولي تدخليه في مهرجانات او نشاطات ممكن تساعده
ربنا معاكي ويساعدك ويقويكي
ومعلش لو زعلك في حاجه استحمليه لانه مجروح دلوقتي

[اس اسامة عوض]

لالالالالا عادى هو بس بتقا فى فترة صعبة اوى وعادى بتحصل كتير المهم كونى حريصا فى التعامل معة شويا ربنا يكون فى عونة

[اللة يرعانى]

مرسى جدا انا مش عارفة اشكركو ازاى مرسى يا استاذ ايمن ومرسى يا اسحق ومرسى يا بنت الراعى ربنا يبارك حياتكو يا احلى اخوات

[aymonded]

ويبارك فيك يا أحلى أخت حلوة لنا في ربنا يسوع
وقادر إلهنا الحي أن يجعله يستفيق وينتبه لحياته ولا يحيا في الماضي وينظر لذاته المجروحة ، فيجرح من حوله عوض أن يقيم علاقة شركة سليمة مع كل من يحبونه ، ويتحول الموقف الذي دخل فيه ليتعلم منه ويختار بدقة ويصل لإنسانه تقدره وتحبه عن صدق ...

أقبلي مني كل تقدير يا محبوبة ربنا يسوع
النعمة معك