بجد موش عارف اقول ايه او اكتب ايه
بعد ما قريت عن حادثه ميرنا وانتقالها وبعد انتقال الطفل البرئ ابن نجل الرئيس علاء مبارك
جالى احساس مرعب وهو انى ممكن فى اى وقت اكون زيهم يا ترى انا مستعد ليوم زى ده
يا ترى انا موش خايف من اليوم ده
دا ممكن ييجى دلوقتى ممكن بكره ممكن فى اى وقت
يا ترى مستنى ايه كل يوم بنأجل فى التوبه كل يوم بنقول معلهش الاسبوع ده موش فاضى هاعترف الاسبوع الجاى
يا ترى حد فينا ضامن يعيش الاسبوع الجاى علشان يعترف
بجد انا حزين جدا وخايف جدا من اليوم ده لانى موش مستعد للحظه دى
وكل يوم بأجل توبتى لليوم اللى بعده
فاكر نفسى انى هاعيش العمر كله وقبل ما اموت ابقى اقدم توبتى
يا ريت بجد كلنا نحاول ننسى احزاننا
نحاول ننسى الاساءه نحاول نكون كلنا قلب واحد وروح واحد
نحاول نغفر لبعضنا ومانمسكش لبعض على الواحده علشان ربنا يغفر لينا احنا كمان
كل واحد فينا جواه بركان وممكن ينفجر فى اى لحظه
عايزين نبدأ من جديد من دلوقتى كل واحد فينا يقول
اقوم الان واذهب الى ابى الان موش بكره ولا بعده ولا بعد ساعه
دلوقتى
الله يأمر جميع الناس فى كل مكان ان يتوبوا متغاضيا عن ازمنه الجهل ربنا نفسه اننا نكون بجوارة ونملك فى ملكوته
صدقونى بجد يا ريت نحاول نقرب من ربنا واكيد هاننسى خلافاتنا كلنا
العالم لحظه ويمضى وهناك فيه ابديه ما تنتهيش
الحياه مجرد اشبار الحياه مجرد بخار يظهر قليلا ثم يضمحل
النعيم للابرار والجحيم للاشرار
انا اسف لكلامى جايز يكون كئيب وصعب شويه بس بجد يا ريت نحاول نفوق ونبص لفوق للملكوت