[MICKEY]

بقلم : مايكل سامي

يارب انا بتقطع من جوايا ومش عارف اخد قرار
عشان انسي حبيبتي لازم اكون عندي عزيمة واصرار
لكن في نفس الوقت ده يبقي انتحار
ده انا من غيرها بدوق العزاب والمرار
وبقربها مني بحس اني فرحان باستمرار

هتقولولي طب وهتسيبها ليه يابن الحلال
طالما انت بتحبها وقالبك ليها مال
وهي الكل في الكل ومعاها الفرح والدلال

هقولكلم ده موضوع كبير وكمان خطير
انا بحلم بيها كل يوم ومش مبطل فيها تفكير

اتجرحت مرة وخايف من جرح تاني
مش عاوز افرحلي يومين واكون اناني
وبعديها اتجرح واعزب قلبي من تاني

انا عاوزها ونفسي اكون معاها
وزي ماهي سكنت قلبي نفسي انا كمان اسكن جواها
مش مهم نفس الحب الاقيه منها بس علي الاقل اكون امالها وموناها

انا مش عارف اختار طريقي اللي امشي فيه
بقي عندي خوف وحبيبي مش قادر اناديه
انهارده معايا .. خايف بكرة مش الاقيه

بأمانه ده مش شعر .. ده مجرد احساس
حبيت اعرضه علي كل الناس

وفي الاخر هسألها سؤال وهمشي علي طول
من انت لكي تقتحم قلبي دون ان تقول
من انت لكي احبك ليس حب عادي بل حب بجنون
من انت ومن اين جئت ومتي عرفتك واين لقائنا سيكووون
*********

المصدر: †† ارثوذكس †† - من قسم: القسم الادبي

[عماد حسنى]

الجميل فى كلماته
الصادق فى احساساته
الرائع فى تعبيراته
ميكى
جميله جدا جدا جدا يا
ميكى
اما بالنسبه لموضوع القرار ده
فمن رأيى استنى شويه
الايام بيكون ليها دور
كبييييييييير
وياعالم
ربنا معاك ويساعدك ويحققلك امنياتك

[minabobos]

كلمات حلوه اوى اوى
ربنا يباركك
يا احلى غالى
ومنتظرين المزيد

[ظريف]

أولا أحب أسلم على شاعرنا المحبوب الأستاذ / عماد حسنى
وثانيا أبو دم خفيف مينا بوبوس
أخى ميكى كلماتك كلها معانى جميله وأحساس مرهف وعطاء مستمر ورومانسيه فائقه ومستقبل خطر جدا عزيزى
/ ميكى أحساسك الجميل هذا نابع من داخلك وحدك لأنك أنسان نادر الوجود ولست مستمده من حبيبتك بمعنى بداخلك نقى وشفاف وليس الشفافيه مستمده من حبيبتك فانصيحتى لك كن بخيلا فى عطائك نحو من تحب وترقب تصرفاتها أن وجدتها جديره بحبك لاتبخل بتبادلها الحب حتى لا تتعثر ولا تتقطع كما ذكرت فى كلماتك
والرب يرشدك بروحه القدوس لكى تجد ما تستحق حبك 0 وشكرا

[اللة يرعانى]

كلام حزين ومؤثر جدا ياريت فعلا تكون تستاهل كل الحب دة وتقدر ان فى قلب بيحبها اوى وصعب وجود الحب نادر دة فى زمن صعب لو بتحبها بجد ارجعلها ومتبخلش بحبك عليها واتمنى انها تكون بتحبك بنفس مقدار حبك ليها وشكرا

[انسطاسيا]

الله يا ميكي فعلا كلامك واحساسك عااااااااااالي جدا ومؤثر في اي شخص
بجد ياريت كل البشر زيك في احساسك الجميل الرائع
ربنا يحافظ عليك ويرشدك بالصالح ليك دايما
اذكرني في صلاتك
اختك انسطاسيا

[kamel]

ياميكى ياجبار
أنا قلبى فيك أحتار
أحكم قلبك قليلا
ولا تكن دائما ميال
الرب يفرح قلبك ياغالى

[Team Work®]

ميكي انا عاوزك تمضى على الورقة دى علشان احتفظ بيها

شاعر الالفية

[جاسيكا]

جميلة يا ميكى
ربنا يساعدك وتاخد القرار المناسب والصح
اطلب منة وهو هيرشدك ومش هيبخل عليك
وربنا معاك ويوفقك

[tony_algamid]

أستاذ سا لووونى بعد التحية
إنت إيه يا عم واجع دماغنا ليه ماقولنالك مش هنجوزهالك
البت جايلها عريس متريش من الخليج
دور على غيرها يا كتكوت وريح نفسك
البت دى مش مكتوبالك خلاص
مش عايز أكرر الكلام ده تانى
وبعدين مانتا كنت اتعدلت فى الموضوع اللى فات
وكنت بتتكلم على الصراصير
ايه اللى جننك تانى ؟
عموماً ماتقلقش هبقى ابعتلك دعوه فرحها
مـــــــــع الــــــســــــلامــــة ...