[MICKEY]

حدث بالفعل
في احدي الايام اصيبة امرأة تعرف المسيح جيدا ومؤمنه
بالمرض الخطير ( كانسر )
اللي تطلق عليه الكنيسة مرض الفردوس
وفي احدي الأيام اشتد عليها الألم لدرجة وقفت امام صورة رب المجد يسوع المسيح تنادية بحرقة من اعماق قلبها
ربي والهي اشفيني وخفف عني صليبي ... صليبي تقيل اوي ومش قادرة عليه
خفف مرضي مش عشاني انا عشان اولادي الصغيرين
مين هيرعاهم ويربيهم
وهي نايمة يااخوتي الأحباء
جاء اليها المسيح في الحلم وقال لها
انتي مالك زعلانه ليه يابنتي
بتقولي صليبك تقيل
طب تعالي معايا انا هوديكي حته كويسة خالص
وراح وداها غرفة واسعه جدا والغرفة دي كانت مليانه صلبان كتير اوي
وقالها اختاري الصليب اللي انتي عاوزاه وخديه وسيبي ياستي صليبك التقيل اللي انتي بتقولي عليه
الست قالتله اشكرك يارب وفرحت اوي
وفعلا بدأت تتمشي في الغرفة تبحث عن صليب تحمله بدلا من صليبها الثقيل وهو المرض
شالت اول واحد لقته تقيل
قالتله يارب ده تقيل اوي اوي
قالها خلاص طالما ده تقيل سيبيه واختاري واحد تاني
اختارت واحد تاني وشالته
لقته تقيل برضه
قالتله يارب ده برضه تقيل
قالها خلاص سبيه واختاري اللي انتي عاوزاه
لقت صليب جميل وشكله حلو ومليان جواهر .. المهم شالته لقته خفيف
قالتله يارب هو ده اللي انا عاوزاه
ارجوك اديهوني وخد صليبي التقيل
قالها طب اقلبيه وشوفي اسم مين اللي مكتوب عليه
مسكت الصليب وشافت الاسم المكتوب عليه من ورا لقت اسمها هو اللي مكتوب
فقالتله يارب ده اسمي اللي مكتوب عليه
قالها طب يابنتي ماهو ده صليبك اللي انا مديهولك من البداية واسمك اهو اللي مكتوب عليه
امال تقيل ازاي ؟؟؟
ومن هنا صحيت من النوم
وقالت اشكرك يارب وهي بتبكي بحرقة
اشكرك يارب علي صليبي هذا بدلا من الصلبات التقيلة التانية
بالرغم من انه مرض الموت وهو ( السرطان ) لكن شكرت ربنا


اخوتي الأحباء
الله لا يعطي انسان حمل اكثر من طاقته
ولكل واحد الصليب اللي يقدر عليه ويقدر يشيله
بعد كل اللي عملته وكل الصلبان اللي شالتها
لقت ان صليبها اخف صليب وهي قادرة عليه

ربي يسوع المسيح اعطيني صليبي الذي تختارله لي
وانا موافق علي اي شئ لأنك انت الهي واحن عليا من باقي البشر
اذكروني في صلواتكم

المصدر: †† ارثوذكس †† - من قسم: التأملات الروحية والخواطر الفكرية

[ظريف]

ربي يسوع المسيح اعطيني صليبي الذي تختارله لي
وانا موافق علي اي شئ لأنك انت الهي واحن عليا من باقي البشر
قصة جميله جدا تعلمنا بأن نشكر ربنا على كل عطيه ونقوله يارب المر اللى تختاره لى خير من الشهد اللى أختاره لنفسى
شكرا أستاذ / ميكى

[ايساك]

شكرا على الموضوع الجميل دة. ربنا يعوضك

[MICKEY]

المشاركة الأصلية كتبت بواسطة ظريف قصة جميله جدا تعلمنا بأن نشكر ربنا على كل عطيه ونقوله يارب المر اللى تختاره لى خير من الشهد اللى أختاره لنفسى شكرا أستاذ / ميكى

شكرا كتير علي الرد وعلي كلمتك الحلوة دي يا استاذنا
فعلا المر اللي تختاره ليا يارب احلي من الشهد اللي انا اختاره لنفسي
وشكرا علي ردك يا ايساك ياحبيبي

[Team Work®]

اشكرك يا ميكي حلوة بجد القصة دى وربنا يفرح قلبك حبيبي

شكرا

[adel baket]

ربي يسوع المسيح اعطيني صليبي الذي تختارله لي وانا موافق علي اي شئ لأنك انت الهي واحن عليا من باقي البشر

قصه رائعه ميكى
الرب يبارك حياتك

[MICKEY]

شكرا يااستاذ عادل علي مرورك

[rose]

قصه مؤثره جدا استاذ ميكى
ميرسى ليك كتير
ربنا يرعاك ويحافظ عليك
ومنتظرين المزيــــــــــد

[MICKEY]

شكرا علي المرور
واذكروني في صلواتكم

[عماد حسنى]

ربي يسوع المسيح اعطيني صليبي الذي تختارله لي
وانا موافق علي اي شئ لأنك انت الهي واحن عليا من باقي البشر

جميله جدا جدا جدا
يا ميكى
ربنا يدينا القوه والمساعده فى اننا نشيل صليبنا بدون تذمر
وبجد بجد رائعه
ربنا يباركك