[miso]

بين رمالك اسرارى
بأمواجك طفيت نارى
اخدت مركبى وفتحت شراعى
علشان اجيلك واقولك افكارى
جيت ولقيتك شايل هموم واحزان
وكأنك سامع حكايات كل انسان
على صخورك شوفت اسامى العاشقين
وبين صخورك لقيت دموع قلب حزين
اللى يشوفك يا بحر والناس فرحانة بيك
ميقولش ان كل ده فيــــــــــــــــــــــك
وياترى يا بحر مين بيسمعك
ولا لما بيعلى موجك
دى شكوتك مش شىء بيوجعك
وفضلت ماشى معاك
بشوف العجايب وياك
شاطئك مليان رويات
بين حب عاش وحب مات
عندك كبرت اشواق الاحبة
وناس راحت من قلوبها المحبة
يااااااااااه يا بحر كل ده جواك
مستحمل وشايل هموم زى الاشواك
شايل كتير وصامت
واحنا اللى فكرينك صامد
اترى موجك هو صراخك
وكأنك بتقول دى دموعى على جراحك
وجعتنى يا بحرى
انا هرجع اقعد على صخرى
مش عارف هقدر اجيلك تانى اشكى
بعد لما عرفت انك شايل هموم غير همى
سيب الايام تورينا
دى ياما هتجبنا وتودينا
سلام يا بحر الهموم والغرام
بقلم ميسوووو

المصدر: †† ارثوذكس †† - من قسم: القسم الادبي

[شمعة]

حلوووووووووووووووووووووة اوى ياقمريا
بجد جميلة واقولك سيبك من البحر دة شكلة البحر الميت
روحى البحر لاحمر مش بيشكى ههههههههههههههه
بيكون فرحان على طول
بجد رائعة يا ميسوووو

[miso]

هههههههههههههههههههههههه منا بفكر اطلع على شرم اهو تغير بدل البحر ده
مسرسى يا شمعة على ردك الجميل ده.

[عماد حسنى]

جميله اوى اوى يا ميسو
هو الصراحه كتر الف خيره
مش بحر يستحمل بقى
شكرا يا فندم على الموضوع بجد حلو اوى

[miso]

ميرسى يا عماد ربنا يخليك
ههههههههههههههه دايما مشجعنى كدة

[الناى الحزين]

افكارك بجد غريبه

حتى البحر عملتيله حوار وشكالك همه

بجد موضوع جميل جدا
ربنا يفرح قلبك
ومنتظرين الاغراب والاجمل
شكرا يا ميسو

[بنت الراعي]

جميل جداااااااا
روووووووووووووووووعه بجد يا ميسو افكارك لذيذه اوووووي
ربنا يعوضك ويباركك ويفرح قلبك

[miso]

ههههههههههههههههههههههههه ه اعمل ايه يا ناى هى الافكار دى بتيجى كدة
قولت اخلى البحر يفضفض شوية

[miso]

ميرسى يا بنت الراعى على ردك الاجمل ده

[وردة حزينة]

حبيبتى كلمات واحساس جميل اوى اوى ياميسو
بجد انتى استاذه
شكرا ليكى ياقمر