[جناح المسيح]

مستنى ايه

مستنى ايه ماتيلا تمشى وتبعد عنى بقى
مستنى ايه ده الحب ما بينا خلاص انتهى

ده رجوعى تانى ليك ياحبيى تانى استحاله
واياك تندهلى تانى فى يوم وتقولى يالا تعالى

ده انا كنت حبك كنت ليك ده انا كنت قلبك كنت عنيك
ده انا كنت حبك كنت ليك ده انا كنت قلبك كنت عنيك

هنساك والجرح جوه فى قلبى منك همحيه
وهواك ده ما كنش ليا ولا كنت انت ليه

ده انا كنت ايام بتمنى ابقى معاك ابقى ليك
ده انا كنت كمان بتمنى تتلاقى عيونى بعنيك

مستنى ايه ماتيلا تمشى وتبعد عنى بقى
مستنى ايه ده الحب ما بينا خلاص انتهى

ده انا كنت حبك كنت ليك ده انا كنت قلبك كنت عنيك
ده انا كنت حبك كنت ليك ده انا كنت قلبك كنت عنيك

انا فعلا كنت ياما كتير بحلم انا بيك
وفعلا اتغيرت كتير لما قبلت عنيك

لكن يا حبيبى جرحك خلى قلبى يقوى عليك
وكمان يستنى انك تندهله وما يرد عليك

انا فعلا اتمنيت اشوفك بعد ماسبت عنيك
لكن دلوقتى حبيبى خلاص كرهت لياليك

مستنى ايه ماتيلا تمشى وتبعد عنى بقى
مستنى ايه ده الحب ما بينا خلاص انتهى

ده انا كنت حبك كنت ليك ده انا كنت قلبك كنت عنيك
ده انا كنت حبك كنت ليك ده انا كنت قلبك كنت عنيك

من تاليفى
اذكرونى فى صلاتكم
انطونيوس جرجس

المصدر: †† ارثوذكس †† - من قسم: القسم الادبي

[وردة حزينة]

مستنى ايه ماتيلا تمشى وتبعد عنى بقى
مستنى ايه ده الحب ما بينا خلاص انتهى



ده رجوعى تانى ليك ياحبيى تانى استحاله
واياك تندهلى تانى فى يوم وتقولى يالا تعالى

لا ميش ممكن ياانطونيوس بجد بامانه كلمات خطيره بس عاجبنى فيها التحدى والثقه انك ميش هاترجع لحب تعبك ووجعك
روعه ياانطونيوس
ميرسى ليك

[جناح المسيح]

المشاركة الأصلية كتبت بواسطة وردة حزينة مستنى ايه ماتيلا تمشى وتبعد عنى بقى مستنى ايه ده الحب ما بينا خلاص انتهى ده رجوعى تانى ليك ياحبيى تانى استحاله واياك تندهلى تانى فى يوم وتقولى يالا تعالى لا ميش ممكن ياانطونيوس بجد بامانه كلمات خطيره بس عاجبنى فيها التحدى والثقه انك ميش هاترجع لحب تعبك ووجعك روعه ياانطونيوس ميرسى ليك

متشكر خالص مالص يا ورده حزينه
على كلامك الجميل اووى ده وتشجيعك ليا
ومرورك حقيقى اسعدنى

اذكرينى فى صلاتك
انطونيوس جرجس

[جاسيكا]

هنساك والجرح جوه فى قلبى منك همحيه
وهواك ده ما كنش ليا ولا كنت انت ليه

حلو ياتونى بس انا شوفت ليك شوة كتابات
كلها فراق وكره وبعاد لية كدة عايزين حاجة مفرحة شوية تكتبهالنا
ربنا يفرح قلبك