واحد نشر في زاوية اعلانات: مطلوب زوجة !!! ثاني يوم جاله 100 رد فيهم نفس الاجابة : تاخد مراتي ؟؟
***
واحد قاعد في أمان الله بيقرا المجلة ، وفجأة جت مراته وضربته بغطا الحلة فوق دماغه .. طررررراخ!!!
الزوج: "فيه ايه يا بنت الحلال؟ ليه كدا ؟؟؟"
الزوجة : "ايه الورقه اللي في جيب بدلتك ومكتوب عليها "سوسو"؟
الزوج: "يا بنت الحلال" ده اسم الحصان اللي بنشجعه في السباق!"
الزوجه صدقته وراحت لحالها .. بعد اسبوع، الزوج قاعد في أمان الله يقرا المجلة ، وفجأة جت مراته وضربته بغطا الحلة على راسه !!
الزوج: "خير يا بنت الحلال في ايه تاني؟؟"
الزوجة:"حصانك على التليفون" .
***
مرة وحدة قالت لجوزها "إهدى يا حبيبي كده وارجع زي زمان"، الراجل طلقها ورجع لأيام العزوبية..
***
مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها..
***
واحد بيقول لمراته ... أنا النهاردة عايز رومانسية في البيت ... راحت الزوجة سألت أمها : يعني إيه رومانسية ؟؟
الأم : مش عارفة بس برايي إنقعي الرز
***
وحدة وحشة بتقول لجوزها بكرة عيد ميلادي . قالها نقف دقيقتين حداد؟
***
مرة دكتور دخل غرفة في مستشفى المجانين لقي واحد بيخبط دماغة في الحيط , سأل الممرضة ماله ده ؟
قالت أصله كان بيحب وحدة ومتجوزهاش .. فدخل الدكتور الغرفة الي بعدها لقي واحد بيضرب نفسه بالشبشب ,
قالها وده ماله ؟ قالتله أصل ده الي اتجوزها.
* توأم بيقول لأخوه التوأم وهو متنرفز إنت كنت فين يا عم أمك حممتني مرتين.
* واحد اخترع حبوب للحامل علشان المولود يطلع مؤدب. وحدة أخذت الحبوب ومولدتش في الوقت فراحت للدكتور عملها ولادة قيصرية ، لقيها حامل بتوأم وكل واحد بيعزم على الثاني ويقول له "اتفضل" الثاني يقوله "لأ اتفضل إنت الأول".
* استاذ انجليزى بيسأل تلميذ بيقوله لو عايز تقول لواحد "تعال هنا" تقوله ايه ؟ قاله : اقوله "كام هير" , قاله : ولو عايز تقوله ارجع هناك ؟ قاله : الف من الناحية الثانية واقوله "هيري كام".
* مرة ولد صغير راح لجارته وطلب منها انها توريه لسانها فسألته ليه : فقالها عشان ماما بتقول ان لسانك زي العقربة.
* مرة الاستاذ سأل الاطفال في الفصل الي يفتكر نفسه غبي يقف ... بعدها بشوية وقف تلميذ ...فساله المدرس وليه يا سيدي بتفتكر انك غبي .. فرد عليه التلميذ اصلي محبيتش اشوفك واقف لوحدك يا أستاذ.
* مرة واحد اتصل بصاحبه في التليفون .. ورد عليه ابنه الصغير بصوت واطي : الو بابا فين يا حبيبي ... رد عليه: مشغول يا عمو.... طيب ماما فين : قاله ماما كمان مشغولة يا عمو .. قاله : طيب مشغولين في ايه يا حبيبي ... مع البوليس يا عمو.... وبيعمل ايه البوليس عندكم...... اصلى متخبي منهم وبيدوروا عليا .
* مرة واحد جاب لامه دواء يخليها ترجع 20 سنة لورا , فثاني يوم راحلها وقالها : ايه الحلاوة دي يا ماما , ومين الطفل هذا ؟ , قالتله , يا نهار اسود اصل ابوك شرب الدواء كله.
يلا يا جماعة اى خدمة