[ظريف]

مبرررررررروك مقدما ً

اختى العزيزة لو ربنا فك عقدتك واتخطبتى
فاليكى نصائحى حتى تاخذى بخطيبك من مركب
الخطوبة الى مثواااااااااااااااة الاخير فى قفص
(.............) قصدى قفص الزوجية السعيدة

اجمل مافى الخطوبة العزومات الرومانسية على احلى محلات أكل فى البلد
واللى عمرك ماهتشوفيها بعد الجواز
المهم نصائحى لكى عند اى عزومة مع خطيبك

1:الشوكة والسكينة

الاول لازم تعرفى ان الشوكة والسكينة بيتمسكوا من إيديهم
من الطرف يعنى مش الوسط ولا البوز
زى الخنجر ولا من فوق طبعا


2:العيش

العيش اوعى تفضحينا وتقطعية بسنانك ولا الرغيف نصين
((((اوعى)))))
العيش بيتقطع بالسكينة فى الطبق وبعدين تاخدى لقمة
لقمة بالعافية قال يعنى نفسك مسدودة
اضغطى على اعصابك جدا جدا

3: الشوربة

بند الشوربة دة مهم جدا(أبوس رجليكى الشوربة تتشرب من غير صوت خالص
ومن غير ماتقعدى تنفخى فيها زى القهوجى اللى بينفخ فى حجر للزبون
وطبعا عايزك تنسى تمام السلطانية اللى بترفعيها على بقك فى البيت
وتدلقى على روحك .... بالمعلقة وبدون صوت سخنة مولعة برضة بدون صوت
وتسيبى تلت الطبق على الاقل مش تميليه علشان تلهطيها لاخر نقطة



4: الارز

طبعا بيتاكل بالشوكة اوعى ايديك تتمد على المعلقة
وتغرفى من طبق الارز وتعبى
((((((((اوعى)))))
الرز بالشوكة وكانك بتبوسية مش بتاكلية




5:المكرونة

الاسباكتى برضة بالشوكة تتلف على طرف الشوكة
لحد ماتخلص وبعدين تحطيها فى بؤك من سكات
مش تشفطى المكرونة عود عود

6: السمك
(((((((((((((مشكلة))))))))))))!!!!!!!!!!!!!!! !!!!! !

شوفى
بتفصلى اللحم عن الشوك .............ازاى
تقطعى اللحم من النص بالطول وبعدين تفردى اللحم على الجانبين ولما تخلصى ناحية متقلبيش السمكة..................... بلاش فلح
شيلى السلسلة بالشوكة والسكينة وحطيها فى جنب الطبق وكملى اكل النص التانى وبدل الفيلم الهندى دة
((((((((((( نصيحة ماتكليش السمك خالص
وقوللة مابحبش السمك وخلصى نفسك))))))))))))))))))))

7:الجمبرى
( إذا كنتى عارفاه أصلا )

اول ما طبق الجمبرى ينزل ....بصيلة بقرف واحتقار شديدين
ال يعنى زهقانة من كتر اكل الجمبرى الجامبو فى بيت بابا الباشا
واتنهدى جامد وقولى............ برضه

وتروحى قاطعة رأس الجمبرياية بالشوكه
وانا فى عرضك ابقى إنسى المصمصة دلوقتى



8: البطاطس
سواء مسلوقة او محمره
اوعى تهرسيها وتدبيها على الرز وتدى
لا... لا......لا.....لا.......لا....لا
بالشوكة حتة حتة وانتى زى ماتكونى هاتعيطى من كتر ماالبطاطس صعبانة عليكى


9: الفاكهة

لو الفاكهة فيها بذر ....طلعيه من بؤك بالراحة
وحطيه فى إيدك وهى مقفوله
وبعدين فى طفاية السجاير اللى على الترابيزة
أوعى ياحبيبتى من نظام التفتفه للبذر

إنسى

10:لما تخلصى

ولما تخلصى اكل تحطى إيديك على بطنك
اللى عصافيرها بتصوصو من العينات اللى كلتيها......وتقولى له مش ممكن انا عمرى ما اتفجعت كده ................ أنا قدامى اسبوعين هابطل آ كل فيهم
وبعدين تمسكى الفوطه اللى دايما موجودة على التربيزة من غير لازمة وتبوسيها .. ال يعنى بتمسحى بؤك

وبعدين تستأذنى منه لدخول التواليت لاصلاح المكياج


وتخشى التواليت وتطلعى من شنطة ايدك لفة الفول والطعميه اللى جيباها معاكى وبالهنا والشفاء


وياريت أعرف رأيكم إيه فى الوصفه السريه الجميله دى

المصدر: †† ارثوذكس †† - من قسم: الضحك والفرفشة

[مينا ابن الراعي]

ههههههههههههههههههههههههه هههههه على فكره انتظر الحرب قادمهطبعا من الى حضرتك قطعة فى فروتهم

[ظريف]

المشاركة الأصلية كتبت بواسطة مينا ابن الراعي ههههههههههههههههههههههههه هههههه على فكره انتظر الحرب قادمهطبعا من الى حضرتك قطعة فى فروتهم

بصراحه أنا خايف عليك إنت يا مينا
وشكلهم حيعلقوق على باب المنتدى
علشان بتقول عليهم بفروه
ههههههههههههه الـ فروه الـ
هههههههههههههههههههههه
قصدى
ماااااااااااااااااااااااا ء

[ابانوب حربي]

هههههههههههههه
ههههههههههههه
هههههههههههه
ههههههههههه
هههههههههه
ههههههههه
هههههههه
ههههههه
هههههه
ههههه
هههه
ههه
هه
ه

[sangogo111]

هههههههههههههههههههههههه
بجد حلوة أوى أوى أوى

[sangogo111]

ربنا يعوض تعب محبتك

[fady12]

جامدة جداً مشكور اهاهاهاهاهااهاهه