[عماد حسنى]

حوار مع نفسى

هو انت بتحلم بأيه
يا عم ماكفايه أحلام !!
اللى راح ولا اللى جاى
كلهُ بقى اوهام ..

هاتنسى القديم بجديد
مالقديم كان جديد زمان
هو انت ناسى انك
انسان بلا انسان ..

انا بجد زهقت منك
لأمتى هاتكون تعبان
لأمتى هاتبقى حزين
ولامتى هاتفضل خسران ..

كتير اللى بعدوا عنك
وهابعد انا كمان
خلاص مش هابقى منك
مش هاكتملك جوايا بركان ..

مش قادر تواجه نفسك
أصلك أنسان جبان !!
هاضغط واجرح مشاعرك
مانت اتعودت تتهان ..

يمكن تراجع نفسك
او يمكن تكون غلطان
يمكن تعرف تعيش
او حتى تعرف تنام ..

عايز ايه م الدنيا ؟؟
عايز ايه من الناس؟؟
أيه مخليك بتموت
وأيه بيجبرك تنداس ..

حب ؟؟ ياسيدى ماشبعنا احساس
كرامه ؟؟ كل سنه وانت طيب خلاص
اوعى تقولى مشاعر
او يتهيألك أخلاص ..

او تقولى تفكير ورا تفكير
او الحمل عليك تقيل
او تقولى الليل مابيمشيش
بتستناه مابيعديش ..

هافوقك لو هاتموت
هو انت كده انسان !!
دانت حلال فيك الألآم
دانت موتك أحسن ماتعيش ..
!!!!

طب جربت تصلى !! مارضيتش
طب حتى تغنى !! مانفعش
طب وانت بتحكى !! ماريحش
طب حاجه تطمن !! مابتطمنش

طب هاقولك كلمه اخيره
اصلى تعبت كل ليله
وحاولت أاسى عليك
لقيت اللى فيك مكفيك

ومش هاين عليا أجرحك
مانا شايف اللى بيدبحك
هاخدك من إيديك ونروح
هانروح للمسيح يريحك ..

اصل مش بأديك أى حاجه
منا معاك فى كل حاجه
هاخدك وناخد حزننا
وهو باحضانهُ هيضمنا ..

جربها وأخر مره
انا عارف حياتك المره
هانخدلهُ كل جراح
جرب مايمكن ترتاح ..

مكسوف ومليان بالحيره
وذليل وذنوبك تقيله
هانروحله مكسورين
وهانشوف .. هو مين

اصلك أقل الناس؟
ده فى نظر القليلين
لكنه هايحن عليك
وهاتحس انك ثمين ..

ده يسوع الأب
ده الفادى الأمين
ده نبع الحب
اللى بايدهُ بيمسح
كل عين

_____________

المصدر: †† ارثوذكس †† - من قسم: القسم الادبي

[twaty]

بحد كلمات كتيرررررررر حلوة اوووووووى ومؤثرة تسلم ايدك على الكلمات
بجد فى منتهى الروووووووووعة وتعيش وتكتب
وربنا يبارك حياتك

[M@@@NOOOO]

بجد كلاااام وحوار فظيييييييييييييييع
وفعلا الحل الوحيد لآي انسان تعبان اوفرحان ( المسيح )
ميرسي لكلماتك الجميله دي
واللي جواها رساله عظيمه ,,,
ربنا ينمي موهبتك كمان وكمان
وتمتعنا دايما بكلامك الجميل ده

[عماد حسنى]

المشاركة الأصلية كتبت بواسطة twaty بحد كلمات كتيرررررررر حلوة اوووووووى ومؤثرة تسلم ايدك على الكلمات بجد فى منتهى الروووووووووعة وتعيش وتكتب وربنا يبارك حياتك

شكرا جدا جدا تويتى
لردك وحضورك
الف شكر ليكى بجد
ربنا معاكى ويفرح قلبك وكل حياتك

[عماد حسنى]

المشاركة الأصلية كتبت بواسطة m@@@noooo بجد كلاااام وحوار فظيييييييييييييييع وفعلا الحل الوحيد لآي انسان تعبان اوفرحان ( المسيح ) ميرسي لكلماتك الجميله دي واللي جواها رساله عظيمه ,,, ربنا ينمي موهبتك كمان وكمان وتمتعنا دايما بكلامك الجميل ده

شكرا جدا جدا يا مانو
الف شكر ليك بجد
ربنا يخليك
ويفرح قلبك وكل حياتك
متشكر يا مانو

[nermos1982]

موضوع رااااااااااااااااااائع بجد يا عماد حلو اوى . وحشتنا بجد مواضيعك الجميلة دى
ربنا يفرح قلبك يارب ويكون معاك دايما

[مريم بنت الملك]

صدقنى كلمات فى منتهى الجمال الرب يبارك حياتك

[كيرو رافت]

ايه يا عمااااااااااااااااااد الروعه دى
ايه الربط والمزج الرائع بين حالتنا الارضيه
والحاله السمائيه دى
بجد نقلتنا بكلماتك من حزننا ومشاغلنا الارضيه
الى سماء السموات
تسلم الايدين اللى ياما ابدعت واعطتنا الكثير والكثير
ومازال نهر العطاء مستمر

[aymonded]

حينما يمتلئ القلب بالأوجاع تحن النفس لأصل الصورة المنطبعة في داخلها
فتعود تطلب المحبوب الواحد الوحيد الذي ينادي بالسر في داخلها لتعود إليه
لأنه الملجأ الوحيد والأخير للنفس المتعبة والمحطمة بشرور فساد هذا الدهر
وانت انطلقت بشهادة حية ورسالة الروح لكل نفس متعبه لتعود لأصل الصورة الإلهية المنطبعة فيها
لتستفيق وتحيا بالحب في راحة المسيح الأبدية لأنه يعطي حياته لنا ويُلبسنا ذاته كساء برّ وقداسة
ليكون لنا شركة حياة مع الثالوث القدوس الذي له المجد والكرامة كل حين وإلى الأبد آمين

رائعة كلماتك التي تخرج من قلب اتقد شوقاً لرب المجد يسوع فشهد شهادة حق
ودعى دعوة حياة لكل من يريد الراحة الحقيقية ليعيش في جوهر الإيمان الحي العامل بالمحبة
متعك الله بسرّ الشركة معه في سر التقوى ونور الحياة الأبدية
أقبل مني تقدير خاص جداً مع الشكر لأجل كلماتك الرائعة
نعمة ربنا يسوع تفيض في داخلك سلام ومسرة

[emmmy]

رائع يا عماد حقيقى كلمات جميلة وفوق الوصف

ومش هاين عليا أجرحك
مانا شايف اللى بيدبحك
هاخدك من إيديك ونروح
هانروح للمسيح يريحك ..

صح عندك حق حوار بين النفس البشرية وبين اللة رائع
صدقنى مفيش اروع من كدة يا عماد
وجت فى وقتها تمام