[بيشوي تامر جيد]

سلام ربنا معاكم انا حبيت اكتب الموضوع دة وأشوف رأيكم في الحاجات اللي مألفها وادي أول حاجة
حوار أم مع إبنها الشهيد


آه يا ولدي فراقك صعب عليا
كل يوم أشوف صورتك أحس بنار بتقيد فيا
تنزل دمعتي علي خدي وتبني سلالم قوية
توصلني لحد عندك أشوفك أحس براحة وتعزية
لا يا أمي متبكيش علشان خاطري متعيطيش
وأقلعي اللبس الإسود أرجوكي و مترفضيش
ده انتي المفروض تفرحي وتقولي ده أبني برصاصة وصل للمسيح
أفرحي يا أمي وزغرتي ده أبنك بقي شهيد
أوعي تاني تعيطي أو دمعه من عينك تسيل
يا إبني انا فرحانة ومش بـــ يدي دمعي يسيل
بس اللي مزعلني فراقك عني وضربك بيد غدار كبير
[ تأسف الإدارة لحذف هذا البيت ]
سال دمك يا ولدي تحت المطرانية وأصبحت شهيد
بس يا أمي ربنا مع الغلبان
يديله قوة ويمنحة الأمان
في بلد سلامها بقي علي كل لسان
والعدل أصبح ملهوش مصير
صح يا ولدي لما يبقي فيها كل [تأسف لحذف الاسم] هيجان
حامل نفسة فيها حمل غلبان
وقاعد يضرب في الناس ولا هامة أي إنسان
لكن يا أمي ملكنا حاسس بكل إنسان
مضطهد فقير و غلبان
ينجية من يد ... هيجان
يحمية من أي مخاطر ويدخله حصن الأمان
ذي ما بيقول في سفر الرؤيا
ده أنا الخروف المذبوح لأجل خلاص الإنسان
قولي معايا يا أمي :-

آمين يا ملكنا

يا رجائنا ونصرتنا

تتقوي بيك عزيمتنا

ونتحمل أي اضطهاد وحرمان

المصدر: †† ارثوذكس †† - من قسم: القسم الادبي

[aymonded]

أشكرك على شعرك الجميل وكلماتك الحلوة يا محبوب الله الرائع
مع اعتذاري الشديد لحذف الأسماء في الموضوع ، وممكن تدخل الموضوع مرة أخرى لتعدل لو أحببت أن تغير وتزيل التعديل الذي وضعته على الموضوع وسامح تدخلي ، فارجو عند كتابة اي شعر عدم ذكر اسماء حسب قوانين المنتدى يا جميل ، وأسعدتنا حقيقي مشاركتك الحلوة معنا بكلماتك الجميلة

أقبل مني كل حب وتقدير
النعمة معك

[بيشوي تامر جيد]

أنا بشكرك لردك وانا اسف اني خالفت قوانين المنتدي وممكن يتم حزف الموضوع كله انا مفيش مشكله معايا وانا بكرر اسفي تاني وياريت تسامحوني علي تقصيري

[اشرف وليم]

منتظرين المذ
الرب يبارك حياتك

[كيرو رافت]

يا حبيب قلبى اهلا بيك ومنور المنتدى بجد
وكلماتك اكثر من رائعه
وقدرت توصل كل اللى بتحس بيه بسهوله وروعه
وطبعا مانقدرش نحزف موضوع ليك
لان الموضوع بجد رائع
ومستنيين المزيد من ابداعك

[بيشوي تامر جيد]

انا بشكر ردك الجميل ده وياريت تسامحوني علي تقصيري ومخالفتي لقوانين المنتدي لأن انا مرضاش اني منتدي رائع زي ده يكون فيه اي خطأ
ياريت اني مأكونش سببت احراج لأي مشرف من مشرفين المنتدي وانا اسف علي كدة
اذكروني في صلواتكم

[aymonded]

المشاركة الأصلية كتبت بواسطة بيشوي تامر جيد أنا بشكرك لردك وانا اسف اني خالفت قوانين المنتدي وممكن يتم حزف الموضوع كله انا مفيش مشكله معايا وانا بكرر اسفي تاني وياريت تسامحوني علي تقصيري

سلام لنفسك يا أروع أخ حلو
وجودك الحلو معنا رائع ومفرح لينا وكلماتك رائعة ولا يمكن أن نحذف الموضوع ، فقط حذفنا ما هو غير مقصود فقط لا غير ، وصدقني لا سببت حرج ولا حاجة خالص ، ومش تعتذر تاني يا أروع أخ غالي ، كلنا إخوة أحباء ولا اعتذار بين الأحباء الذين يحبون بعضهم البعض بقلب محباً لله القدوس البار ، أقبل مني كل حب وتقدير ، النعمة تغمر قلبك سلام وحرية

[بيشوي تامر جيد]

شكرا لكلامك الجميل ده اللي مستحقهوش من اخ عظيم زيك انت بردك علي موضوعي زوت الموضوع شرف وتقدير ياريت ألاقي مشاركاتك في مواضيعي
اذكرني في صلاتك

[aymonded]

لنصلي بعضنا من أجل بعض يا محبوب الله الحلو
وليس فينا من عظيم أو أعظم لأننا كلنا أطفال الله
أقبل مني كل احترام وتقدير لشخصك الرائع يا أجمل أخ حلو
النعمة تملأ قلبك سلام ومسرة