[ZEZOMERO]

الحدوته اللى هحكيها مش من الماضى و لا من الحاضر لا دى من المستقبل قعدت مع
نفسى فى يوم و فكرت ازاى ممكن تكون الحياه فى مصر سنه 2050 ؟؟؟؟ مش هطول فى المقدمه و هبدأ احكى .

غمضت عيني فى يوم و فتحت لقيت ........
التاريخ : 27/2/2050
لقيت نفسى فى شارعنا ..... ايه ده انا مش مصدق نفسى
الشارع نضيف يا ناس ... و مش فيه زبالة... و لا المجارى ضاربه
يا حلاوه يا ولاد .
شويه و لقيت مظاهره جايه ناحيتى .
و صاحبكم سيد من يقلب عبيط فى المظاهرات وقفت على جنب و لقيت واحد منهم جاى عليا (قولت بيني و بين نفسى استرها معانا يا رب هو لسه فيه مظاهرات و كلام من ده) .
المشكله ان اللى جاى عليا ده طلع ظابط




(يادى اليوم اللى مش هيعدى)

قام قرب عليا وقالى : ممكن اكلم حضرتك لحظه

انا: حضرتك !!! اه اه طبعا طبعا بس و النعمه انا ما عملت حاجه

( كان شكله مستغرب مش عارف ليه )

الظابط : ما تقلقش حضرتك . المهم انا جاى اكلم حضرتك بخصوص مظاهرة حقوق الانسان .

انا (مقاطعا كلامه): يا باشا و ربنا طب و ربنا كمان مره انا جديد هنا و ما اعرفش حاجه عن المظاهره دى و انا عندى استعداد اقولك
مين رئيس الجماعه ( هو ميكى ) ما فيش غيره

الظابط : ميكى مين يا فندم انا جاى لحضرتك عشان اسألك لو كان ممكن تشاركنا فى المظاهرة دى .

انا (داخل عقلى) : و بعدين بقى الظابط ده عبيط و لا ايه ؟؟؟




(و لكن حب الاستطلاع عندى بدأ ينأح عليا فقلت اسأله عن سبب المظاهره) .

انا: آلاآآآآآ هو المظاهرة دى ايه سببها .. بس والنبى من غير ضرب

الظابط : عشان فى شرطي امبارح ضرب مواطن بالقلم على وشه

انا : لا يا راجل المظاهرة دى كلها عشان قلم واحد بس؟؟؟؟؟

الظابط : طبعا ... هى كرامة المواطنين لعبه .

( و ساعتها حبيت افجر القنبله اللى داخل دماغى )

انا : آلاآآآآآآ هو مين اللى آآفش البلد دلوقت ؟؟

الظابط : نعم.. يا فندم؟

انا: اقصد يعنى ؟؟ ممين رئيس الجمهوريه دلوقت ؟؟

الظابط: اااااااااااااااااااه .. اللى ماسك دلوقت السيد / محمد ابو تريكه

انا : يا راجل ابو تريييييكه بتاع الاهلى؟؟؟؟

الظابط: يااااااااه ده حضرتك قديم اوى دلوقت بعد وضع

دستور 2025 اى شخص ممكن يرشح نفسه و كل مواطن يقدر يقدر يقول نعم او لا براحته مصر دلوقت بتضمن حريه الصغير قبل الكبير.

(انا طبعا كنت مش مصدق اللى الراجل ده بيقولو. ده انا كنت فاكر انى هغمض هلاقى البلد تضرب تقلب و بقى نصها شحاتين و النص التانى حراميه و نصابين . و بجد انا حسيت انى ارتحت عشان بلدنا رجعت زى الاول و احسن بكتيييييييييير).
و قولت: دلوقت اقدر افتح عينيا

و فتحت عينيا لقيت نفسى فى اوضتى امام الكمبيوتر الخربان بتاعى.
و فجأه سمعت الباب بيخبط و يرزع
قولت: خير الله ام اجعله خير
قمت افتح لقيت امامى ظابط و حبت عساكر و مخبرين و دخلو دخلة رجل واحد و فين يوجعك ... و انا بصرخ هو انا عملت اييييييييه يا ناااااااااااس
لقيت الظابط بيقول : ياض يا ابن **** و فقا لقانون الارهاب احنا
جايين نقبض عليك بتهمة التصور بأن فى حد ممكن يمسك مصر غير العيله المالكه هاتوووووووووووو على التلاجه .
و انا فضلت اناااادى هاتولى ابو تريييييييكه
طيب هاتولى ميكى .
يا جدعان حد يعمل حاجه
ماحدش رد عليا

و ساعتها اتأكدت ان فعلا (ما فيش فايده)

المصدر: †† ارثوذكس †† - من قسم: الضحك والفرفشة

[MICKEY]

هههههههههههههههههه

خيالك واسع اوي اوي
اوسع من خرم الأبرة

نياهاهاههاها


وبعدين هو انتوا مش عندكوا غير ميكي

في كل حاجه ميكي ميكي

دي مابقتش عيشه


نياهاهاههاهاه

[ماريان]

هاهاها
هما هيعملوك اية فى التلاجة
ايس كريم؟
معلش اصلها تفرق معايا

[ZEZOMERO]

اصل انت يا ميكى مبهدل المنتدى

قولت ابهدلك معايا

ولما دخلت التلاجة

الدنيا كانت حرررررررررررررررررررررررر

وبعدين علقونى على سيخ واتعلقت فى الهواء

والدنيا ابردت وفين يوجعك

انا مش قادر اقعد على الكرسى

[soso_14]

ههههههههههههههه
حلو اوى الخيال ده بس ملقتش غير ابوتريكة هو اللى هيحكم مصر احنا مش ناقصيين ممثلين ده يخنق اساسا
ميرسى ليك يازيزو

[kamer14]

هههههههههههه هههههههه بجد جامده جدا جدا قال حقوق المواطن قال ههههه دى مصر ياعبله مش هتتغير

[MeRooBe@r]

ايه يا عم أمير ههههههههههههههههههههههه
لا انت خيالك واسع فعلا
المهم ربنا يدينا كلنا طولة العمر ونشوف ربنا هيعمل ايه
اشكرك على الموضوع ههههههههههه

[ameerko]

هههههههههههههههههههه
مش بحب أتكلم فى السياسة

[tito_t]

ههههههههههههههههههههههه
حاوا بسي واسعه شوايا

[naderwagih]

هو لو اتقبض عليك بتهمة التصور إن حد تانى ممكن يحكم البلد غير العيلة المالكة....
يبقى المفروض يتعمل فينا إيه بعد ما نقرا ونعلق على الموضوع ده؟؟؟؟؟؟؟؟
!!
!!!!!!!!!
: 11600::1 1600::11 600:
: 11600:
: 11600: