[aymonded]

عجة التفاح والجبن
تحتوي على العناصر الغذائية لطفلك

المقادير :

1 – عدد 1 بصلة متوسطة مقطعة صغير

2 – عدد 1 تفاحة كبيرة أو متوسطة خضراء [ غير مستوية ] مقشرة ومقطعة قطع صغيرة

3 – عدد 3 قطع جبن كيري

4 – 4 قطع من اللانشون أو قليل من البسطرمة [ حسب الرغبة ]

5 – عدد 3 بيضة

6 – نصف كوب لبن صغير

7 – عدد 2 معلقة كبيرة دقيق

8 – ملح حسب الرغبة ( مع الحرص أن يكون قليل لأن يوجد بعض العناصر المضافة تحتوي على الملح ) + ربع معلقة صغير فلفل أسود + قليل من القرفة أو قليل من دار صين مطحون [ حسب الرغبة ]

9 – نصف معلقة سمن كبيرة أو قطعة زبد حسب الرغبة
10 - ممكن إضافة قطع من الفلفل الرومي للتزويق مع قليل من المقدونس

________الطريقة______

* يتم ضرب جميع المقادير معاً في الخلاط

* توضع السمن أو الزبد في طاسة تيفال ثم تسخن ويوضع عليها الكمية المناسبة حسب حجم الطاسة ، ويتم التسوية على نيران هادئة ، ثم بعد أن يتم تسويتها تقلب ويتم تسويتها على الجانب الآخر ...

المصدر: †† ارثوذكس †† - من قسم: طباخك الخاص

[emmmy]

ههههههههههههههههههههههه
كل دة دى عناصر ملهاش علاقة ببعض يا استاذ ايمن
هتبقى طعمها اية دى يا ترى خضار مع فاكها مع بيض ولبن
مش عارفة طيب هحاول اجربها وعلى ضمانتك انت ماااااااشى

[aymonded]

هههههههههههههههه
مش تخافي طعمها حلو جدا وبتعجب الأطفال
مجربها كتير ، بس اتبعي التعليمات بدقة
والدكتور على حسابي يعني ههههههه

[elphilasouf]

ههههههههههههههههههههههههه ههههه
أيمي يا أستاذ أيمن طمعانه تدوق كريمة اللحمة .

بس ع كده لو مفيش تفاح ولا جبنه ولا لنشن تنفع ولا طعمها يتغير ؟

[aymonded]

هههههههههههههه
لو هي طمعانة اعزمنا على حسابك يا جميل
__________________
هي ممكن تنفع طبعاً
وتبقى عجة طعمها حلو برضو
بس في الحالة دية هاتضع عليها ملح وفلفل فقط بدون توابل أخرى

[elphilasouf]

صدقني انت راجل زي الفل
هجربها لما اجي وربنا يستر :d
بس لازم حكايه البصل دي ؟

[aymonded]

ههههههههههههههه
طب أقلي بيض بقى وخلاص
يعني انت شلت كل المكونات يبقى مش هايبقى قدامك غير البيض بس
ههههههههههههههههههههههه

[twaty]

ميرسى بجد على الطريقة الحلوة دى
تسلم ايدك وهجربها اكيد
ربنا يكون معاك يارب

[aymonded]

ومعاكي يا محبوبة الله الحلوة
النعمة تملأ قلبك سلام ومسرة

[ريم الخوري]

هههههههههه عليك حكاوي يا استاز ايمن بجد
كل مرة بتطلع بشيء جديد........ يبدو من اصدقاء المبطخ كمان عامل علية غزو ثقافي
.......هلب سلف يور سلف

زاكية يا فيلو حتي لو بدون لانشون او تفاح او جبنة
شوف نحنا بننحط بصل وبنفركة بشوية ملح وفلفل ضيف بيض وبقدونس ونعنع كمان وشوية طحين قمح ميش زيرو دا ولو تحب شوية لين رايب او حليب براحتك بقي اخلط الكل مع بعض وحط شوية زغيرة خميرة باكنج واترك شي دقيقتين بعد هيك سيب النار تسخن الزيت وحط شويةوسيبها رقية وافردها بالمقلاية شويةيعني مو كتير لتتحمر وقلب على الجهة التانية لما تتحمر
كل وادعيلي ميش تدعي عليىىىىىىىىى ادي يا سيدي ريحتك من نصف المكونات بتجربة
بس بتفاح حقية ما جربت .............البقية حلوين بجد بس حقيقة هي ميش بيحبوها الاطفال بسسسسسسس الكبار بردوه هههههههههه
اسفة يا استاز ايمن بس فيلو شكلة ميش بيعرف طريق المبطخ دا خالص..........فرصة ندله على الطريق
مرسي للموضوع