[marmarina]

مرسى ليكى يا مريم
ربنا يعوضك

[Cheeeva]

بصراحة انا رأيي أن اللي بيحدد نظرة الشاب للبنت هي البنت نفسها
يعني انا أكتر حاجة أكرها البنت اللي بتحط مكياج الهبل
وأكتر حاجة أكرها البنت اللي بتغير من صاحبتها
وأكتر حاجة أكرها البنت اللي فاكرة ان العلاقة ما بين الولد والنت مجرد علاقة شكل
وكل واحد ناوي يبص لواحدة عشان شكلها أحب أقولك أنك هتاخد مقلب كبير اوي
lol

[الخاطى]

موضوع بجد حلو اوى بس البنات بتظلم الشباب وبتحسسهم انهم عايزنهم للفسح بس فى شباب بتحب بجد ومش لازم عندهم المظهر الخارجى واهم حاجة حلاوة الروح

[marmarina]

اشكرك يا امير انت والخاطى على مروركم مشاركتكم
ربنا يعوضكم

[توتة]

منقدرش نقول كل الشباب ونجمل الموضوع ووجهات النظر
لان الشباب بيفكروا بطرق مختلفة
وانا معاهم ان هم لازم يبصوا للاخلاق والعلاقة مع ربنا وكل الحاجات اللى قالوا عليها دى طبعا

لكن من الواقع العملى برضه المظهر ليه اهميته
ومش معنى كده ان البنت اللى متبهرجهة فى لبها ويكياجها ده شئ كويس
لكن فى نفس الوقت ميبقاش اهمال

الطريق الوسط حلوة ولازم تكون فى شكلها وميكياجها مناسبين لكونها بنت مسيحية

[marmarina]

كلامك حلو اوى
وفعلا لازم زى ما البنت بتهتم بمزهرها وبتعتنى بيه تهتم ايضا بجوهرها
ويكونوا الاتنين فيهم المسيح

[Peter elias]

والله انت ظالمة الشباب قولى بعض الشباب متجمعيش
على العموم انا هقول رأي وعوضى على الله0
نظرة شمولية (بس )

[Peter elias]

شكراً على هذا الموضوع ولكنه محرج بعض الشئ00 ههههههههههههههههه يا رب استر من سؤالك اللى جاى هههههههه

[عماد حسنى]

بصى يا مارينا نظرتى للبنت لو فى حاله ارتباط مثلاً فبتكون اولاً فى مدى علاقتها بربنا فلو علاقتها بربنا قويه فأكيد كل شىء فيها هيكون قوى وجميل (شخصيتها-اخلاقها-عقلها-وكمان شكلها).. أما نظرتى على اى بنت كنظره عاديه فتأكدى أنها (البنت طبعاً) بتكون مسؤله الى حد كبير جداً فى نظرتى لها يعنى مثلاً لو بنت مسيحيه لبسه ملابس خفيفه أو قصيره شويه تفتكرى نظرتى هتكون ليها ايه أنا او اى حد تانى ..صدقينى موضوعك رائع بس محتاجين نوصى البنات بعض البنات بتغير نظره الشباب ليهم علشان اسم المسيح ولو كل بنت اهتمت بأسم المسيح كويس فى مظهرها فقط فقط فقط صدقينى هتلاقى شباب كتير قوى أتغير حالهم مش فى نظرتهم بس للبنات ..معلش طولت عليكى بس موضوعك يستاهل أكتر من كده

[aymonded]

هل يا ترى في هذا الزمان وبعد تاريخ طويل من المعاناة والصراع القائم بين المرأة والرجل على من له حق السيادة ومن هو الأفضل ، أننظر لبعضنا البعض كجنسين مختلفين بنظرة فاحصة أعمق من كل صراع قد نشأ من ظلم أو جور على المرأة أو الرجل !!!!

هل لنا الآن أن نتخلص من كل رواسب الزمان وننظر لبعضنا البعض نظرة سليمة وعميقة ، ونتأكد أن المرأة مميزة جداً كونها إمرأة والرجل مميز كونه رجلاً والاثنين جسد واحد مرتبطان ببعضهم ارتباط وثيق ولن ينسلخ أحدهم عن الآخر مهما فعل أو أثبت من مقدرة على احتواء هذه الأزمة بأنه متفوق على الآخر !!!

هل آن الأوان أن ننظر لبعضنا البعض باحترام متبادل لأننا من لحم وعظم بعض فلا انفصال لجسم عن رأس ولا انفصال رأس عن جسم

هل لنا أن نحيا في جو من الحرية والانسجام التام
وهل لنا أن نعرف بل ندرك أن الرجل كالمرأة يوجد من هو سيء للغاية وما هو جيد جداً ، ولا فرق بين الأسوأ أو الأفضل بينهما !!!

أسأله راودتني وأحلم أنها تتحقق في واقعنا المعاش
النعمة معكم جميعاً آمين