[eng_fofa]

هل من المعقول اننا نستغنى عن قلوبنا علشان
خاطر نرضى كرامتنا
بمعنى
هل ممكن ان الصديق بيبع صديقه والحبيب بيبع حبيبه علشان الكرامه ؟
صحيح ان كرامة الانسان فوق كل اعتبار لكن لو دايما الكرامه منتصره يبقى ايه لازمة التضحيه فى حياتنا ولا كلمةالتضحيه مجرد كلمة نظريه لكن ملهاش وجود فى التطبيق العملى
فى اقول كتير مشهوره احنا بنرددها زى

اللى يبيعك بيعه
والصديق وقت الضيق
الذى لايعتبرك ربحا لاتعتبره خساره

وغيره كتير من الاقول اللى بتحمل نفس المعنى
دا يخلينا نسال
هو احنا ممكن نعمل كده فعلا يعنى على سبيل المثال لو انت قابلت فى حياتك صديق وثقت فيه جدا وحكيتله اسرارك وادق تفاصيل حياتك ومع مرور الايام اكتشفت انه مش بيحبك بنفس الدرجه وفى غيابك مش بيسال عنك
هل ممكن تضحى وتتمسك بيه ولو ضحيت هل فى حدود للتضحيه ولا كرامتك فوق مشاعرك ناحيته وفوق كل اعتبار

ياترى تفضل اختيار قلبك ولا كرامتك ؟

المصدر: †† ارثوذكس †† - من قسم: صندوق مناقشات الاعضاء

[MICKEY]

بعيد عن اي فلسفه يافوفه

الحب فوق اي كرامه
بامانه الله اللي يقولك كرامتي ثم كرامتي يبقي ده مش بيحب حبيبته من قلبه

لا كرامه في الحب
لا كرامه في الحب
لا كرامه في الحب

[modo]

هو ميكي كلامة ممكن يكون صح
بس انا مش عارفة بصراحة
بصي انا حصل معايا حاجة كدة ان انا كنت بحب واحدة صحبتي جدا بس لقتيها مطنشاني و شبه مش بتحبني زيي فمسالتش عنها تاني
متهالي الحكاية مش كرامة بس ممكن نقول ان انا مش معقول احب حد و هو مش بيحبني صحيح انا مش هكرهو لكن مش هحبو بنفس الدرجة


انا قولت رايي حسب حكايتي مع اصحابي اما اذا كان راييك حب الولد و البنت يعني فانا معرفش دي
بس هي تختلف حسب الموقف

[hana montana 2010]

انا مع دونا اوى كلامها صح الموضوع مش موضوع كرامه على فكره
ومش معقول هنجبر حد انوا يحبنا
والموضوع حلو اوى

[eng_fofa]

المشاركة الأصلية كتبت بواسطة mickey بعيد عن اي فلسفه يافوفه الحب فوق اي كرامه بامانه الله اللي يقولك كرامتي ثم كرامتي يبقي ده مش بيحب حبيبته من قلبه لا كرامه في الحب لا كرامه في الحب لا كرامه في الحب

انا معاك ياميكى ان الحب مفيهوش كرامه
بس كل شىء وله حدود
يعنى مثلا لو حبيبتك فهمت التضحيه على انها نوع من الضعف واستغلتها لصالحها ومقدرتش اللى انت بتعمله علشانها اكيد هايكون ليك رأى تانى مختلف
ميرسى ياميكى لمشاركتك

[eng_fofa]

المشاركة الأصلية كتبت بواسطة modo هو ميكي كلامة ممكن يكون صح بس انا مش عارفة بصراحة بصي انا حصل معايا حاجة كدة ان انا كنت بحب واحدة صحبتي جدا بس لقتيها مطنشاني و شبه مش بتحبني زيي فمسالتش عنها تاني متهالي الحكاية مش كرامة بس ممكن نقول ان انا مش معقول احب حد و هو مش بيحبني صحيح انا مش هكرهو لكن مش هحبو بنفس الدرجة انا قولت رايي حسب حكايتي مع اصحابي اما اذا كان راييك حب الولد و البنت يعني فانا معرفش دي بس هي تختلف حسب الموقف

ايه يادونا الحلاوه دى
صدقينى ردك اكبر من سنك بكتير ودى حاجه جميله جدا
اكتر جمله قولتيها وعجبتنى هى

مش معقول احب حد و هو مش بيحبني صحيح انا مش هكرهو لكن مش هحبو بنفس الدرجة


مع الاسف فى ناس كتير لما بتلاقى اللى قدامها مش بيبادلها نفس المشاعر بتحول الحب لكراهيه

ميرسى يادونا لمرورك ومشاركتك

ا

[eng_fofa]

المشاركة الأصلية كتبت بواسطة hana montana 2010 انا مع دونا اوى كلامها صح الموضوع مش موضوع كرامه على فكره ومش معقول هنجبر حد انوا يحبنا والموضوع حلو اوى

طبعا انا فاهمه انتى ليه متفقه مع دونا فى الرأى ده
وزى ما انتى قولتى مش معقول هنجبر حد انه يحبنا
لكن هل لو انا بحب حد ممكن اديله فرصه واتنين وتلاته واصبر عليه على قد ما انا بحبه ولا اقول كرامتى وانا عايزه اخد زى ما بدى ؟
ميرسى ياهنا لمرورك ومشاركتك الجميله
ربنا يفرح قلبك

[menalouka]

يا جماعة إحنا الأول لازم نفهم كلمة محبة يعنى ايه ؟؟
هما صحيح 4 حروف لكن عملها أعظم من عدد حروفها
المحبة هى ربنا ... هى يسوع
لو كل واحد فينا حب بجد بمعنى كلمة المحبة
هيبقى مفيش حاجة تقف قدام منه إسمها كرامة
المحبة تتأنى وترفق المحبة طريقها نجاة المحبة هى الله
إزاى بس بنروح الكنيسة وبنقف نصلى ومفيش محبة لأخويا
وأرجع وأقول لأجل المحبة ... التضحية فى أى شئ حتى ولو كانت الكرامة
وصدقونى لو صاحبى شاف دا منى نثق كل الثقة أنه أكيد هيتغير وهيحس إنى أنا بحبه ولأجل محبتى فيه هيبدأ يحبنى زى ما بحبه وأكتر كمان ... وساعيتها هتظهر الكرامة وبرضه بالمحبة
وشكراً لموضوعك يا فوفا
ربنا يباركك

[مانـــوو]

ممكن اضحى بكراامتى عشاان حبيب يستااهل او عشاان صديق يستاهل انى اضحى بكراامتى عشاانه

لكن فى نااس بتعبر ده ضعف وعدم كراامه
وفى ناااس بتستغل كده وتفضل تجرح لانها عارفه انى هفضل اضحى بكراامتى
ساعتها

وف الحاله ديه ادوس ع الحب او الصداقه برجلى عشاان تفضل كرامتى عاليا لفووق


ده راائيى

ميرسى ع الموضوع يا فوفه

[MICKEY]

انا مقصدش ان حب من طرف واحد ولازم اتنازل من كرامتي لحد مالتانيه ماتحبني
انا بقول يكون الاتنين بيموتوا في بعض موووت
وبيحبوا بعض
وتحصل مشكلة يتخانقوا بسببها
اكيد لو في حب مش هيبقي في كرامه ولازم يبقي فيه صلح
واحد الاطراف يتنازل


ده مقصود كلامي