[ميلاد صدقى]

المشاركة الأصلية كتبت بواسطة bolalover فعلا احنا شعب مصري من حقنا نزعل ولاكن لا نعيب في فرقنا و منتخابنا ياما فرحنا و فرحنا معاهم و وقت ما يكون مفيش توفيق او في هزيلة يبقا نقوم عليهم يعني معاهم في فرحهم عليهم في حزنهم لو شعبنا شعب متعلم و علي وعي يروحوا يستقبلوا المنتخب المصري باحتفالية في المطار بجد العيال دي تعبت و كانت بتاكل النجيلة و مش ننسي بردوا اللياقة البدنية للعيبة المصرية و دي شئ متقدرش تعبهم بيه متشين في اسبوع واحد البرازيل و ايطاليا عاوزهم بعد كده يلعبوا بنفس الاداء ؟؟؟!!! طيب ازاي و هو كمان في اصابات في لعيبة مهمة حسن شحاته اي نعم غلط ولاكن من حقه علينا نفتكرله الايام الي فرحنا بيها قبل كده شكرا و اسف علي الاطالة

اشكرك يا بولا على حضورك فى الموضوع
وشرح وجهة نظرك اللى تحترم جدا
وكل واحد حر فى ابداء رأية انت شايف
انة مايصحش نكتب كدة على المنتخب
بس المنتخب لما يتغلب من اضعف فرق
المجموعة ويزعل كل الجماهير دى
لازم الواحد يفضفض لاحس يطق
الرب معاك يا صديقى

[ميلاد صدقى]

المشاركة الأصلية كتبت بواسطة bolalover اتمني يا استاذي الغالي ميلاد تغير التوقيع بتاعك سمحني اني بطلب منك طلب زي ده بس انا مصري و محبش حد يقول علي المنتخب بتاعي كده مهما كان ولا مهما عمل قولي صحيح يا استاذ ميلاد هو لو الاهلي في بطولة كبيرة كده و خسر هل هتحط صور زي دي و تكتب صورة لعيبة النادي الاهلي بعد المبارة ؟؟؟ علي ما اظن مستحيل ياتري الاهلي عندك اهم من المنتخب سمحني علي الرد بس بجد توقيعك لا يليق يا استاذي

اولا بشكرك على مرورك للمرة التانية فى الموضوع
ثانيا التوقيع كان غصب عنى دة بس من حرقة دمى
وانا اسف يا بولا وحاضر تم تغير التوقيع وسامحنى
اما بخصوص الاهلى انا ماعنديش خيار وفقوس
لما الاهلى اتغلب وخرج من ابطال افريقيا عملت
اكتر من كدة انت لا تعلم انى لا اتابع اى حاجة عن
الاهلى منذ الخروج لانى بجد زعلان اللى لما ينصلح
الحال واسف للمرة التانية وتم تغيرة والرب معاك

[ميلاد صدقى]

المشاركة الأصلية كتبت بواسطة الماكس مايكل انا معاكم فى كلامكم لعبنا قدام احسن فرقتين فى العالم ورافعوا راسنا وكل حاجه وبنتابج كويسه طب احنا خسارنا ليه قدم امريكا! ولما يلبع قدم الكاميرون وكوت افور بنكسب وليه خسرنا قدم الجزائر وزمبيا ؟؟؟؟ هل احنا بتوع الفرق الكبيره بس ولا ايه ؟؟؟؟؟؟

ميرسى يا مايكل على مشاركتك فى الموضوع
وابداء رأيك وبصراحة انت صح وانا مش عارف اقول
اية ربنا يستر على اللى جاى طيب طالما احنا
بتوع الفرق الكبيرة بس طيب ممكن نستبدل
الجزائر وزامبيا با ايطاليا والبرازيل علشان نكسبهم
ونصعد الى كاس العالم الرب معاك دايما

[ميلاد صدقى]

المشاركة الأصلية كتبت بواسطة bolalover ليه دي مش بتاعتك ولا بتاعتي يا حبيبي دي ظروف مباريات و توفيق من عند ربنا و دي رياضة يعني مكسب و خسارة مش كل يوم هتكسب و مشكل يوم هتخسر و اشكر ربنا انك عرفت تغلب ايطاليا و تلعب المنظر ده قداك البرازيل الي ايطاليا معرفتش تدخل فيها جون و احنا دخلنا 3 مايكل مش تحسبها كده لانها عمرها ما هتتحسب كده و لو احنا الشعب المصري مش وقفنا جنب منتاخبنا و هو مهزوم مين هيقف جنبه ولا احنا شاطرين نقف جنبه و هو كسبان بس

عاوز اقولك يا بولا بدل مايكل
اسمع لو فية طالب مستواة ض, ج
واهلة خايفين علية من الامتحانات
يقوم ابنهم يحل اصعب المواد وحل
كبير خالص ويرسب فى اتهف المواد
يبقى هو شكلة اية وماذا يحدث لااهلة
هذا ما فعلة المنتخب ودى وجهة نظرى
الرب معاك دايما

[ميلاد صدقى]

المشاركة الأصلية كتبت بواسطة elkwaga يا شباب الشعب المصري تعباااااااااااااااااااااا اااااااااااااااااااااان يعني مفيش حل

اشكرك يا خواجة على مشاركتك فى الموضوع
وابداء رأيك وعاوز اقولك نعم مافيش حل من ايام
الفراعنة مش احنا برضة 7000 سنة حجارة
الرب معاك دايما

[ELMAGEK]

المشاركة الأصلية كتبت بواسطة ميلاد صدقى اما يا ماجيك موضوع الصورة فى دى من حرقة دمى على المنتخب اللى زى الزفت وكمان انا زعلان منك لانى كل ما اكتب فى قسم الرياضة تهجمنى وتعيبنى وانا اكبر منك كان ممكن تلفت نظرى با اسلوب احسن من كدة المهم انا اللى غلطان انى بكتب فى هذا القسم وحرمت يا استاذى حاضر انا هاريحك وهاشلك الصورة انا فعلا غلط ولازم اشيلها الرب معاك

استاذى الفاضل ميلاد اولا انا مش هاجمت حضرتك انا كل الى قولتو
هى وجهة نظر مختلفة ليك واما عن موضوع التوقيع فا لما تجيب صورة ستات وتكتب
المنتخب المصرى تبقى عملت زى ما الجزاير عملت بالظبط
وارجع واقول انى عمرى ما هاجمت حضرتك بل انا متفق معاك فى كتير من النقط فى الموضوع دا بس مختلف فى بعض النقط والتوقيع
بس واضح ان حضرتك زعلت منى ومش زعلت لما بولا قلهالك انك تغير التوقيع فا
مش عارف لية بصراحة وانا واللهى مقدر انك زعلان على المنتخب بس ارجع
واقول لو سالتك قبل البطولة تتوقع ان المنتخب هيعمل حاجة
معتقدش مهما هيكون تفائلك انهم هيعملو زى ما عملو
واحنا بردو عندنا امل وهدف اسمى من البطولة دى وهو
كاس العالم وهو دا هدفنا الرئيسى وشكرا ليك

[milano kaka]

استاذ ميلاد انا عارف ان حضرتك حزين
انا امبرح ما تابعتش اوى الحوار بسبب امتحان كان علينا النهاردة
بس معلش
انا حزين ع ان احنا نيجى ع المنتخب اوى
هما ما لعبوش بس نشكرهم ع الى هما عملوة واحنا هدفنا من القارات تجتنس علشان التصفيات ودة الى كلنا قولناة قبل البطولة والنقطة التانية
احنا فرحنا وعيشنا فرصة الصعود ودة الى اثر اكتر
لكن بجد انا بشكر كل البعثة باللعبين
والوارد اخاطاء مهما كان
ومتنسان ان انت لعبت فى خلال 8 ايام 3 مباريات واول مبارتين قصدام منتخبين عريقين وعملت المستحيل وحافظت ع المبارة
والمنتخب الامريكى ما قمش نص الى اى منتخب يلعبة
وكمان المنتخب الامريكى معروق بالقوة واللياقة وانت بتشتكى من كل 3 ايام مبارة


شكرا كمان مرة استاذ ميلاد واسف ع الاطالة





بس اسف ليا تعليق ع موضوع فادى
اختلاف وجهات النظر مش معنا ان هو بيهاجمك لا هو نقاش
والرياضة نقاش

وتقبل مرورى