[hana montana 2010]

يا جماعه الحقونى انا حالتى النفسيه ضايعه خالص
انا بجد عايزه رايكم وحلكم انا ممكن انتحلر لو محدش رد عليا
الموضوع انى السنه اللى فاتت جبت مجموع احسن من اصحابى كلهم وده طبعا من حب ربنا ليا وعلى الرغم من كده انا متكبرتش على اصحابى ومخدش_ بامانه_ مقلب فى نفسى وكنت بتعامل معاهم عادى وكنت بقولهم ننسى اللى فات وخلينا فى السنه دى
ولان بجد بجد انا اكتشفت ان مفيش حد بيحب حد اليومين دول ولابيتمنى لغيره الخير حتى للاسف اعز الاصحاب
يا جماعه زى مانتوا عارفين احنا فى فتره امتحانات
وبجد المثل اللى بقول"الصديق وقت الضيق" ملقتهوش خالص مع اصحابى وبيتعاملوا معايا بتكبر وكانهم هم اللى احسن منى وانا ولا حاجه وباقوا ندله اوى بجد انا منهاره مش اقدره اصدق انى اكتر ناس بحب يكونوا بيكرهونى كده
انا عايزاكم تنصحونى اعمل ايه دلوقت وانا مش عارفه اذاكر بسبب معاملتهم الوحشه ليا

المصدر: †† ارثوذكس †† - من قسم: صندوق مناقشات الاعضاء

[SAMOOOOO]

حاولى تفهمى منهم هما بيعملو ليه كده

وبعدين قررى

[أميرة عبده]

متخديش الموضوع على اعصابك علشان كده هتتعبى جداااااااا بس اللى اقدر اقولهولك زى ما سامو قالك اعرفى ليه بيتعاملو معاكى بالشكل ده وبعدين قررى وبعدين ممكن يكون هما كمان تعبانين من الامتحانات فحولى تلتمسى لهم العذر
ربنا معاكى ويوفقك وابقى طمنينا عليكى

[eng_fofa]

بصى ياحبيبتى مستقبلك اهم من اى حاجه فى الدنيا
انتى معاكى حق طبعا تزعلى من معاملتهم ليكى لكن دا يكون فى حدود يعنى مش لدرجة انه يأثر عليكى فى المذاكره ويخليكى تضيعى مستقبلك فى النهايه شهادتك هى اللى هاتفعك وهتعملك مكانه وسط الناس او على الاقل هاتكونى قدرتى تحققى حاجه انتى بتتمنيها مش معنى كده ان الاصدقاء ملهمش لازمه فى الدنيا لا بالكعس الواحد ميقدرش يعيش فى الدنيا من غير مايكون فى ناس حواليه بتحبه وبتهتم بيه لكن اللى عايزه افهمهولك هو انك فى الفتره دى تركزى فى مذاكرتك مذاكرتك وبس واى حاجه تانيه بعد كده سبيها بعدين وربنا يدخل ويحلها وزى ما قالك سامو ابقى اعرفى منهم هما ليه بيعملو كده وشوفى هاتتصرفى معاهم ازاى بس كل ده بعد الامتحانات وانشاء الله تعدى المرحله دى على خير
ربنا معاكى وابقى طمنينا عليكى عايزينك تفرحينا بنجاحك وتفوقك ربنا معاكى ومع كل ولاده

[hany1982]

كبرى دماغك من ناحيتهم خالص ومتخديش الامور بعصبيه وخلى كل تركيزك فى المزاكره وهدفك اللى عايزه توصليله وأكيد ربنا هيوقف جنبك ويساعدك عشان انتى لحد دلوقتلى بتعامليهم كويس واكيد هما هيرجعولك احسن من الاول وربنا معاكى

[samerco75]

تمام كالام فوفا صح الصح
ربنا يكون معاكى ومنتظرين نتيجة احسن من السنة االى فاتت

[minabobos]

اذا اردت شئ بشدة فتركه فاذا عاد اليك فهو يكون ليك واذا لما يعد فهو لما يكون ليك من الاول

انتى متعارفيش الخير فين بس دخلى ربنا ف الموضوع
وربنا هيدبر الاموار علشان تكون ف صالحك
كل الاشياء تعمل معنا للخير لذين يحبون الله"
خالى بالك من حاجه واحده هى ان ربنا بيحبك وعايزلك الخير وبس
ولو ف اية تجربه يبقه نصبر عليها ونتحمل
كن مطمئن جدا جدا ولا تفكر ف الامر كثيرا بل دع الامر لمن بيده الامر
مقدرش اقوالك حاجه تانى
غير خالى ربنا يدخل ف الموضوع
وربنا يرشدك لصالح وخالى بالك من مذكرتك
وابقه طمنينى عليكى

[بنت الراهب الصامت]

كل كلام اللى قبلى حلو اوى انتى لازم تهتمى بمزاكرتك دى اهم حاجه فى الدنيا بجد
انتى لازم تبقى متفوقه زى مانتى على كده ومتخليش حاجه تهزك ولا حتى تعطلك عن مستقبلك حتى ولو اصحابك لانهم مش هينفعوكى فى مستقبلك اعرفى سبب المعامله دى ليه؟
وبعدها على السبب هتقدرى تقررى هما ليه كده
وانتى كمان انو كانوا اصدقائق بعدوا عنك ربنا هو الصديق الحقيقى لينا ارجعى لربنا واحكى معاه كتير خلى ربنا هو صديقكك الاول وبعدين اصحابك ربنا معاكى ويوفقك يارب وتجيى اعلى مجموع بتفوق يارب

[elphilasouf]

سلام المسيح ليكى
بالاضافه الى الردود الجميله الى سبقتنى
اولا انتى السنه الى فاتت جبتى مجموع حلو عشان انتى ذكرتى حلو وكنتى مهتميه بمذكرتك مش عشان ربنا بيحبك
ربنا بيحبنا كلنا ..... ومش معقول تذكري وحش وهو يخليكى تجيبى مجموع حلو عشان هو بيحبك طب ماربنا بيحبنا كلنا

لكن فضل ربنا موجود انه كان يد العون ليكى

تانى حاجه ممكن يكون الموضوع الى بين صحابك ده موضوع وهمى وانتى حاسه بمبالغه بس
وانتى الوحيد الى حاسه بكده ولذلك تجدي اي تصرف منهم انتى متقبلهوش هتقولى انهم بيتكبروا عليكى وهما يمكن يكونوا عصبيين شويه مع اي حد بسبب فتره وضغط الامتحانات

او يمكن موجود بس احنا نفترض الافتراض الحلو
لكن فى كل الحالات احنا المسيح علمنا منتعاملش مع الناس حسب تصرفتهم
لكن نعامل الكل معامله حلوه كاننا بنعامل المسيح نفسه

وحولى تتأكدي ان اصحابك عاوزين نجاحك هما كمان وبيحبوكى وان الموضوع مجرد وهم انتى حساه.... او ع الاقل نفترض الافتراض الاحسن

حولى كمان تكونى خايفه ع اصحابك ولو وقعت فى ايدك اي اوراق او توقعات ع طول تبعتيهالهم
حولى كمان تقليلى تعاملاتك مع اصحابك او مع اي بشر فى فتره الامتحانات

وتقعدي جلسات هدوء واسترخاء فى مكان هادي فى البيت كل يوم 10 دقايق متفكريش فى اي حاجه مفيهم وياريت يكون ده ابل نوم القيلوله

انا اسف ع الاطاله ...صلى ... ده رايي الشخصى ... ربنا معاكى

[Hanyking]

بصى انا اعرف انى الاصحاب بيفرحوا لبعض وبالعكس بيكونو مبسوطين انى اقرب صديق ليهم ناجح ومتفوق لانه معنى كدا انهم اختاروا الصديق الصح دة ميمنعش انى يكون فيه روح منافسة وتحدى بينكم بس بيكون فى المحبة بس معنى انهم غيروا اسلوبهم معاكى والموضوع وصل بيهم لدرجة انهم كرهوكى فانا رايى سيبك منهم وركزى فى مستقبلك هو اللى باقى ليكى صدقينى هتقابلى لسه اصحاب ياما كتير وبكرة تقولى انا كنت باضيع وقتى مع ناس مش تستاهل وخلى ربنا هو الصديق الدائم ليكى وارمى همومك واتكالك عليه بس متخليش موضوع زى دة يكون ليه تاثير سلبى عليكى بالعكس اثبتى ليهم ولكل اللى حواليكم انك هتبقا احسن تحت اى ظروف وربنا يوفقكك وتجيبى السنة دة مجموع احسن من اللى فات مليون مرة وربنا يباركك ويوفقكك ويبعد عنك وعن اصحابك عدو الخير اللى خلق روح الكره فى قلوب اصحابك دوووول...
يارب اكون قدرت افيدك