[بونبونه سكر]

ربنا يجعل كلامى خفيف عليكو



يعزف الرجال عادة عن الاعمال المنزليه او مجرد المساهمه فيها ، بل يتعدى الامر بالبعض منهم الى درجة انه يعتمد اعتمادا كليا على الانثى الموجوده في حياته سواء كانت امه أو اخته أو زوجته ....

ما هي اسباب ذلك العزوف ؟! هل تتنافى الاعمال المنزليه مع منطق الرجوله ؟!

هل نفسية الرجل وقدراته الجسميه مصممه بحيث يكون صالحا لكل شيء ما عدا خدمة نفسه منزليا ؟!

في عصرنا الحالي قد يكون وجود الخادمات في المنزل سبب في اتكالية وكسل الشباب بل وحتى الفتيات ، ولكننا مقبلون على ايام صعبه قد لاحت في الافق بوادرها ،فمستوى المعيشه اصبح اعلى مع ثبات مستويات الدخل .
الحصول على وظيفه اصبح اصعب ، والاجور المعروضه منخفضه .

اذا اصبح لابد من مشاركة الزوجه في تكاليف الحياه ، في هذه الحاله هل الرجل على استعداد للتنازل عن كبريائه والتشمير وارتداء مريلة المطبخ ؟؟

هل لديه الاستتعداد للدخول الى عالم المرأه ومشاركتها في اعبائها المنزليه ؟ ام انه يتوقع ( مثل عادته )ان يكون التنازل من طرف واحد ( طبعا الطرف الغلباااااان المراه )

دعوة للمشاركة واتمنى اجد الصدق والامانة في الاجابات يا شباب ؟؟

المصدر: †† ارثوذكس †† - من قسم: صندوق مناقشات الاعضاء

[megomagamego]

أنا في البدايه عايز أقول إن إشتراك الزوج في الأعمال المنزلية حاجة مش عيب خالص مهما كان نوع العمل ، دا كمان أنا أعتبر إن الزوج اللي يساعد زوجته في أعمال البيت دا راجل بمعني الكلمه .
أنا مثلاً متزوج منذ حوالي 8 شهور وصدقوني بمنتهي الأمانة جربت كل أعمال البيت بمنتهي المحبه ( طبعاً هي اللي خسرت لأن في خلال ال8 شهور دول كانت الخسائر 3 كاسات +عدد 2مج صيني ) أينعم زوجتي دلوقتي بتبوس علي إيدي علشان ما أعملش حاجه في البيت لكن لا يمكن .
وخلو بالكم إن الأزواج اللي بيشتغلوا بيأخذوا حوافز لهذا الشغل زي (المرتب - مكافأت - أرباح - ترقيات - ....... ) ، لكن الزوجة لو جعلت البيت جنه هل هتترقي ولا هتأخذ أرباح ولا ... ولا ... ولا ... .
إذن فواجبي نحو زوجتي إني أساعدها وأحترمها وأشتغل معاها وممكن كمان أريحها وأشتغل أنا في بعض الأوقات ، لأني أنا وهي واحد مش أتنين ولما هي تتعب أنا اللي بتعب والعكس
بس طبعاً أنا أحب أوجه كلمة للبنات ( أقصد الزوجات ) : الزوجة هي اللي تقدر تخلي زوجها يساعدها من غير ماتقوله كلمه واحدة بس ، وكمان هي اللي تقدر تخليه يكسر البيت فوق ...... (طبعاً بدون شرح)
لكن صدقوني في النهاية الزوج والزوجة واحد (جسد واحد) والحب اللي بينهم بيشيل أي كرامة أو كبرياء
والزوج لازم يشتغل في البيت مش زي الزوجة لكن أكتر منها لأنه الراجل ويتحمل التعب أكتر
آسف للإطاله

[mony_nnn]

انا فعلا شايفة ان الزوج لازم يساعد زوجته فى اعمال البيت لان ده عمره ما حيقلل من نفسه ابدا ولا يلغى رجولته ده مش صحيح وياريت كل الازواج يحولوا يساعوا زوجاتهم فى اعمال البيت لان ده بجد هيفرحها بجد ويسعدها وهيحسسها ان زوجها حاسس بيها وبالمجهود اللى بتعمله وصدقونى هى هتقدره جدااااااااا

[lorina]

مش كل الرجالة كده بالعكس جداً ..أنا شايفة إن الأيام دي بالذات الرجالة بدأوا يساعدوا في الأعمال المنزلية وبدون مشاكل وكمان أحب أقول كلمة حق وعلى مسئولتي الشخصية أنا شفت أزواج بيساعدوا زوجاتهم برغم إن زوجاتهم قاعدين في البيت (ربات بيوت يعني) بس مش معنى كده إن الزوجات بتستغل كده وتقصر في واجباتها تجاه بيتها .. بالعكس جداً دي شايفة بيتها ومهتمة بيه على أكمل وجه وكفاية روح التعاون والمشاركة اللي بقت في كل حاجة مع هؤلاء الأزواج في البيت ... بس مش معنى كلامي إني بقول للزوجات يكسلوا ويحملوا أزواجهم فوق طاقتهم .. أبدأً ان بس حبيت أقول كلمة حق للرجل اللي بمعنى الكلمة لأني بالفعل أعرف نماذج أزواج (مع إنهم أقلية جداً) من هذا النوع وبالمناسبة سعداء جداً مع بعض.

[saso art]

انا بقى جربت كتير اقنعة انى يساعدنى رفض بس بصراحة لو دخل بيعمل اكل جميل بس بيشغلى تحت ايدة اناولة حتى الملح لانة مش عارف مكانة لانة مش بيخشة اصلا فمدام بقى واقفة جنبة واقفة بواقفة واعمل انا اريح وكمان الحاجة الى بتبوظ وراة اكتر وكمان موضوع المساعدة دا مش بيظهر فى الايام العادية دا بس لما بيبقى فى ناس علشان يقولوا ماهو حلو اهو وبيساعد وانا الى مفتريةةةةةةةةةة
ههههههههههههههه

[القلب المرنم]

مش كل الرجالة كده بالعكس جداً ..أنا شايفة إن الأيام دي بالذات الرجالة بدأوا يساعدوا في الأعمال المنزلية وبدون مشاكل

[تونى كويك]

على فكرة يا جماعة الموضوع عادى جدا
والحياة مشاركة بس اهم شىء فى المشاركة
انها تكون نابعة من القلب ومتمسش الكرامة

[ramysefen]

سلام ونعمة بنبونة سكر
لو هانكلم بجد في موضوع زي دا اذن ...لابد ان ندرس اولا نفسية الرجل بحيادية...
الرجل..يا بنبونة ..يزيد عنده هرمون الاندروجين الذي هو اساس تكوينه العضلي
والذي في مرحلة البلوغ يعطيه الصوت الاجش والقوة البدنية وغيره ودا له مردود نفسي عند الرجل اذ انه دائما مايستطيع تحمل الاعمال الشاقة...
طيب ايه علاقة دا بالمطبخ...اقولك...
دائما مايقال ان المطبخ مملكة المرأة لانه مكان اعداد الوجبات
وهذة حقيقة ان المرأهي التي تقوم باعداد الطعام للاسرة..
طيب هل لو عجزت المرأة عن عمل الطعام يوما ...يعترض الرجل
ابدا ولا يقدر يكلم اساسا,هههه...هو مين اللي هايأكله يعني لازم يدخل المطبخ غصب عنه...هل دا تنازل منه ...ابدا..دا احتياج للاكل واحتياج
ضروري وملح...مش ملح الاكل...
وبرده احب الفت النظر الي ان الحياة الزوجية مشاركة مش مناقرة
لانها حياة المفروض يملؤها الحب الذي هو الاساس في البنيان
الرب يبارك حياتك وشكرا علي موضوعك الجميل دا