[بونبونه سكر]

بصوا يا جماعة هى فكرة جاتلى بعد لما لقيت ان معظم الاعضاء شايفين ان المنتدى بقى ممل ونايم وكده يعنى يارب تعجبكم.
الفكرة باختصااار اننا لمدة اسبوع هنرفع شعارات معينة نحاول ننفذها يعنى متكونش مجرد شعارات وكلام نظرى محترم لكن يبقى كلام فعلى وعملى زى مثلا :-


1- لا ... للردود التقليدية
من الملاحظ ان كل الردود بقت ميرسى شكرا ربنا يعوضك ربنا يباركك ربنا معرفش ايه؟ منتظرين المزيد....الخ . بلاش خااالص الردود دى لو ناوى ترد على موضوع يبقى ترد برد مختلف عن الكلام ده وياسلام بقى لو ناقشت صاحب الموضوع مش شرط تكون معارض لكن ممكن تضيف معلومة كلمة رأى صدقونى بتفرق كتير وبتكون الاستفادة اكبر جدا للباقى
وكمان فى المواضيع الدينية بالذات بلاش الردود اللى تحسس اننا كلنا ملايكة وقديسين واننا هنصعد كمان شوية.

2- انت واحد مش اتنين
يعنى ليك شخصية واحدة بس واسلوب واحد فى الكلام ورأى واحد، خليك على طبيعتك على المنتدى، انا عارفة ان معظمنا لو مكنش كلنا بيكونوا على طبيعتهم لكن عاوزين نحس بالموضوع ده زيادة بمعنى ان عليك انك تبين شخصيتك وارائك اكتر من كده تبين اسلوبك وتفكيرك الحقيقيين بعيداً عن المجاملات عشان ترضى صاحب الموضوع يعنى لقيت راى مخالف لرايك اتكلم واعترض ووضح رايك حتى لو الكل عارضك مش قضية يعنى.

3- متلعبش دور المتفرج ابدا
الموضوع ده بقى لاحظته من مدة ومن اعضاء كانوا نشيطين جدا بيتفرجوا على المواضيع وممكن يتفرجوا على الصفحة الرئيسية وميردوش على اى حاجة غير كل فين وفين.
زمان كان الاعضاء القدام بيحطوا شعار بيعجبنى اوى فى توقيعاتهم :"اثبت وجودك لا تقرا وترحل شارك برايك" حاولوا يا جماعة تردوا على المواضيع بقدر الامكان من باب التشجيع على الاقل.

4- بلاش تسجن نفسك فى قالب واحد
بردو ملاحظة ان فى اعضاء كتير محاصرين نفسهم فى منتدى واحد بس زى الالعاب مثلا مبيطلعوش منه خالص او الشباب او الاسرة مبيكتبوش غير فيهم، ياريت تحاولوا تنتشروا فى كل المنتدى وفى كل الاقسام واكيد هتلاقوا نفسكم فى كذا قسم تانى بس انتم جربوا تخرجوا من السجن اللى سجنتم نفسكم فيه.

5- انت فى منتدى مسيحى " اضافة من جندى المسيح"
يعنى اننا مننساش نفسنا برضو اننا في منتدى مسيحي ... يعني الردود والموضوعات تكون لائقه بهدف المنتدى الاساسي ...كمان الموضوعات الكتير بتضيع فرصة كل موضوع في القراءه.

دى الشعارات اللى هرفعها معاكم لمدة اسبوع، طبعا مش الهدف انها تتعمل لمدة اسبوع وبس لانه هيكون قابل للتجديد طبعا والمفروض انمه يكون للابد لكن انا حبيت ابدأ باسبوع اهى تكون بداية لتربية سلوكيات معينة فينا تتحول بعد كده لعادات.
وياريت لو حد منكم عنده شعار تانى عاوز يرفعه ياريت يكتبه.

المصدر: †† ارثوذكس †† - من قسم: صندوق مناقشات الاعضاء

[MICKEY]

شكرا ياميكي

قصدي يابنبونه
علي الموضوووووووووووووووع
الجامد جدا جدا جدا ده
نياهاهاهاهاهاهاهاها

اجمل حاجه في الكون انك تكتب موضوع بعضوية وترد عليه بعضوية تانيه خالص

[بونبونه سكر]

يا نهار اسود حرام عليك دنا قربت اتجنن حرام عليكو اتقو الله فيا شويه اووف

[مينا الحديدى]

ميكى موضوعك زفت
كنوع من انواع تغيير الردود
ومفيش شكرا

[بونبونه سكر]

يالهووووووووووووووى يا نهار اسود عليا يا حضرت انا مش ميكى اسرخ يعنى ولا اشد ف شعرى انتو زهقتونى

[مينا الحديدى]

يوووووووووووووووووووووووو ووة انا تعبت

[MICKEY]

كاتك نيله يابعيده روحي
انتي تطولي تبقي ميكي

انتي تيجي ايه انتي في حلاوة ميكي ولا وجاهت ميكي

دي كانت صورته خلاص هتنزل علي الجنيه
بس للأسف

دخل في بقه واحد

قصدي دخل في بقه بنبونه سكرة

[بونبونه سكر]

ههههههههههه خلاص انا ميكى يا عيال والنعمه اخليك تقول حقى برقبتى وهما ما هيصدقو نياهاهاهاهاهاها

[مينا الحديدى]

بلا ش ميكى
وبلاش بنبونة سكر
خليك اللمبى
يا لمبى

[البوب الجديد]

حلوووووووووووووووووو اووووووووووووى الموضوع يا ميكى ربنا يباركك