[مجدي الخواجه]

الكذب في حياتها وهي أصل الكذب والخداع !!!!

لا أعمم ذلك ولكن هذه الشخصيات موجودة وتعيش معنا بالمجتمع وتتقرب من الجميع وتتوارى

بأقنعة ملونة بألوان زاهية جذابة كي تجذب من تريد صيدها بشباكها

وأعتقد من خلال الدراسات ومما قرأنا عن الصحة النفسية بأن هذه الشخصيات مريضة تعاني

من إنقصام وتؤثر سلبي على نفسها وعلى من حولها

قضية أتمنى أن أصل من خلال آرائكم

وأقلامكم الفائدة المرجوة

سؤالي ليكم

هل الكذب على النفس يوثر سلباً عليها ؟

وما هو واجبنا نحو هذه الشخصيات ؟؟

ماهو العلاج الذي ترونه لمثل هذه الشخصيات؟؟

أنتظر من أقلامكم المتميزة التي عودتنا على العطاء والتفاعل نحو القضايا الهامة جداً بمجتمعنا

اقبلوا مني كل محبه

المصدر: †† ارثوذكس †† - من قسم: صندوق مناقشات الاعضاء

[ابن ادم]

يا استاذ مجدى
متتعبش نفسك مش هاتلاقى حد يرد عليك فى
الموضوع دة اهو انت كاتبة من يومين لاقيت حد
رد او كتب راية عارف لية لان الشخصية اللى كاتب
عنها موجودة فى هذا المنتدى وهى عارفة نفسها
وكتير زيها بصريح العبارة الكل هنا يعيش بااكثر من
وش ودول مجموعة معينة وليس كلهم كبر دماغك
وبلاش تدخل عش الدبابير والا هاتخرج من المنتدى
يعنى جاريهم واكتب اللى على مزاجهم ويشبع
رغباتهم يحبوك ويصحبوك يعنى اقصد اسكت وكل
عيش انت لا تستطيع ان تعالج مرض تفشى فى
المنتدى بصورة مقلقة وفى الحياة بصورة مفزعة
اللة يسمحك انت كدة اذيت نفسك واذيتنى معاك
لكن حبيت اقول رأيى بصراحة اللى مش هايعجب حد

[ميرولاا]

الكذب حاجه وحشه اوى وللاسف صعب علاجة لانه احيانا بيكون مرض
الا اذا كان الانسان نفسه هو اللى عايز يتغير
او يقع فى مشكلة بسبب كدبه ودا يكون درس ليه
انا حاولت اجاوب على اد ما اقدر لان الاسئله صعبه اوى
شكرا ليك على الموضوع المهم ده وربنا يعوضك

[aymonded]

سلام لنفسك يا محبوب الله الحلو ، موضوعك رائع وشائك جداً ويطول في الشرح والتعليق والكلمات ...

وفي الحقيقة أن الكذب ما هو إلا انعكاس لما هو داخل الإنسان من شعور خاص ، لأن أحياناً كثيرة يسعى الإنسان أو الشخص أن يسد نقص أو الشعور بالنقص في حياته الخاصة ، ويحاول أن يعوضه بصورة حلوة أمام الناس ، ومن هنا ينطلق الكذب عند هذه الشخصية ؛ مع ملحوظة طبعاً الشخص ذاته هو الذي يرى هذا النقص بل ويراه في عيون الآخرين ، حتى ولو لم تكن في عيونهم تلك النظرة ، بل هو من يرى في عيونهم هذا النقص !!!
والكذب عموماً يدل على عدم الثقة بالنفس ، وأحياناً عن عدم قناعة الشخص بما يحياه سواء في المجتمع أو على المستوى الشخصي داخل الأسرة أو مع الأصدقاء ... الخ !!!

عموماً الموضوع واسع وله جوانب عديدة جداً صعب أننا نجمعها في نقطة أو نقتطين ، لأن الموضوع عايز وقت كبير ، ولكن باختصار القول وكإجابه سريعة :
* الكذب حقيقي بيأثر سلباً على الإنسان لأنه يجعله يبذل كل طاقته لكي ما يظهر بما هو ليس عليه ، حتى أنه لا يعالج نفسه أو يصحح مسيرته بل يأخذ عدة اشكال أو ينسب لنفسه مجرد صفات وهمية حولة لكي يظهر بأفضل صورة - حسب ما يراها - أمام الآخرين ، ولكي يرضى عن نفسه في النهاية ، والنتيجة خسران نفسه وضياع شخصيته في السعي على عمل صورة مشوهة منقوصة لذاته في عيون الآخرين !!! وبالتالي تُشل كل قدراته ويصاب بعقم في التفكير وتتعثر حياته كلها لأنها مبنيه على كذب ، ولكي يخرج من كذبه يقع في كذبه أكبر ، وهكذا لا يتوقف الكذب بل يزداد يوماً بعد يوم ، ومن كذبة لكذبة وهكذا ...

* واجبنا نحو هذه الشخصيات ، أن نحاول - دون أن نتعرض بشكل مباشر - التوجيه لقدراتها الذاتيه ، بمعنى أن يكتشفوا حقيقة جوهرهم الحلو ، ومواهبهم لكي يخرجوا من إطار التجميل والشكل الخارجي والمظهر الخادع ، لشكلهم الحقيقي والمميز ، لأن لكل إنسان ميزة خاصة فيه ن ولكل إنسان موهبته الحلوة التي يمكن ان يسمو بها ويصير شخصية تعكس جماله الخاص ، لأن لكل إنسان ميزة الله ميزه بها وله موهبته الحلوة التي يمكن ان يسمو بها ويصير فعالاً وسط كل من يعرفه ... عموماً التعامل يحتاج لحكمة ، لأن لو واجهنا من يكذب بكذبه ممكن يأخذ وضع دفاعي لتزداد المشكلة تعقيداً ويخرج من الكذبه لكذبه أكبر ، او ربما تأتي بنتائج عكسية ...

* العلاج المؤكد أنه لا محالة من العودة للنفس ومعرفة مميزات الشخص ومواهبة الخاصة ...

أنا جاوبت باختصار شديد دون تحليل ، إنما من واقع خبرة مريت بها منذ المراهقة ، ومع أناس آخرين على مر السنين ...

أقبل مني كل حب وتقدير يا محبوب الله ، وحقيقي موضوعك فوق الممتاز يا جميل ، النعمة معك كل حين

[مجدي الخواجه]

المشاركة الأصلية كتبت بواسطة ابن ادم يا استاذ مجدى متتعبش نفسك مش هاتلاقى حد يرد عليك فى الموضوع دة اهو انت كاتبة من يومين لاقيت حد رد او كتب راية عارف لية لان الشخصية اللى كاتب عنها موجودة فى هذا المنتدى وهى عارفة نفسها وكتير زيها بصريح العبارة الكل هنا يعيش بااكثر من وش ودول مجموعة معينة وليس كلهم كبر دماغك وبلاش تدخل عش الدبابير والا هاتخرج من المنتدى يعنى جاريهم واكتب اللى على مزاجهم ويشبع رغباتهم يحبوك ويصحبوك يعنى اقصد اسكت وكل عيش انت لا تستطيع ان تعالج مرض تفشى فى المنتدى بصورة مقلقة وفى الحياة بصورة مفزعة اللة يسمحك انت كدة اذيت نفسك واذيتنى معاك لكن حبيت اقول رأيى بصراحة اللى مش هايعجب حد

اسمحلي اخي انا لم افهم قصدك هل تريد ان تقول اني اقصد احد الاعضاء بالاخص
اسمحلي انا بالفعل لااقصد احد اطلاقا لاني لا اعرف احد في المنتدي لاني اعتبر جديد وسطيكم
لكن لي كلمه لك لاتدين لكي لا تدان ولو لقيت احد من اصداقائك في طبع الكدب حاول ان تحتوي بدل من ان تشهر بي
اقبل مني كل محبه

[hany1982]

الكذاب دايماً بيفكر ان محدش هيقدر يفهم لكن سريعاً ما بيكتشف وبيفقد كل ثقة الناس فيه وبيخسر كل اللى حواليه وغالباً دا بيكون نقص فى الشخصيه أو مرض وغالباً بيحتاج إلى علاج نفسى وروحى...
شكراً ليك يا استاز مجدى على الموضوع الجميل

[بنت الراهب الصامت]

انا رائى مع استاذ ايمن لانى يمكن معرفش اعبر او اكتب عن الكدب بالطريقه الللى كاتبها بس انا رائى زيه
وكمان رايى ان

فى مثل بيقول ان الكدب ملوش رجلين
يعنى مهما كدبت فى يوم كدبتك هتبان وموقفك هيكون وحش اوى قدام اللى بتكدب عليهم
وبجد انا مبحبش الكدب لان اللى بيكدب ده عنده نقص ومريض علشان يدارى على حاجه هو مش عاوز يظهرها
واحسن طريقه لعلاجه انى مش اواجه باللى كدب

[SAMOOOOO]

بصراحه انا بتخنق اوى من الكدب وبكرهه جدا جدا جدا

والشخصيه اللى بحسها بتكدب سهل اوى ان اتجاهلها لان ده اللى ممكن اعمله

لان اللى بيتعود على الكدب صعب يتغير او بمعنى اصح مش بسهوله يتغير

ده رايى باختصار

[مجدي الخواجه]

اشكركم جدا اخوتي لمشاركتكمالجميله للموضوع
اقبلوا مني كل محبه

[عماد حسنى]

هل الكذب على النفس يوثر سلباً عليها ؟

اكيد طبعا بيأثر على سلبياً ومش على الشخص اللى بيكدب وبس كمان على المحيطين
وللاسف الكدب بيكون عند بعض الناس غايه للوصول لغرض معين واحياناً بيكون هوايه يعنى اتعود انه يكذب ولو حتى فى اتفه الاشياء يعنى يقول ان اكل كذا او اشترى كذا ويغير فى كلامه مع ان ده مش هايفيد الناس بحاجه لكن اللى اتعود على الكدب بيكدب فى الصغيره والكبيره فطبيعى بيكون التأثير وحش اوى على اللى بيكدب والمحطين بيه لما بيكتشفوا الحقيقه


وما هو واجبنا نحو هذه الشخصيات ؟؟
واجبنا نحو هذه الشخصيات اولا واهمها اننا منصدقهوش ومنوصلوش احساس انه صح يعنى بالبدى كده مش نجاريه ونقول اننا عارفين انه كداب ونسكت
ومش نصده برده يعنى تكون الامور بعقلانيه شويه او بشىء من اللطف بس بالتدريج لان الصد مع الشخصيات اللى زى كده مش بتجيب نتيجه ايجابيه

ماهو العلاج الذي ترونه لمثل هذه الشخصيات؟؟

العلاج اكيد فى ان الشخص ده يكون مقتنع انه اصلا بيكدب علشان يساعد غيره فى علاجه يعنى يكون مستعد وعنده شىء داخلى للتخلص من العاده دى
ودورنا احنا اننا ندور معاه على صفاته الحلوه نحاول نبينهاله لو هو مش شايفها ونتك عليها اكتر
وممكن ولو بطريقه غير مباشره طبعا نقول قدامه امثله على الكدب ونتايجه اللى بتؤذى جدا جدا النفس والغير

مع الرجوع لمشاركه استاذ ايمن لانه قال الاهم من اى كلام