[kottah_sh]

عايزه اتناقش معاكوا فى موضوع الفساد
طبعا كلنا شايفين ان فيه فساد كتير
ياترى احنا لينا يد فى الفساد ده ؟
اقولكوا اكيد ااه طبعا
طيب ايه نوع الفساد اللى اقصده؟
اول حاجه لبس البنات
هتقولولى اتكلمنا فى الموضوع ده مليون مره
اقولكوا عارفه
بس اللى عايزه اعرفوا او اقوله
مين السبب فى ان البنت تلبس كده
اكيد طبعا الاهل لو فعلا فى اب او ام حازمه
وتقدر تمشى كلمتها على بنتها
وتربيتهم لاولادهم من الصغر صح
البنات هتكبر وهيه عارفه ايه الصح من الغلط

المشكله ان فيه اهالى فاكره ان البنت لما تلبس كده هيجيلها عرسان بقى
وهيه مش عارفه انها كده بتضر بنتها



تفتكروا دور الكنيسه ايه فى كل ده ؟

بالنسبه للبنت وبالنسبه للاهل




انا عارفه ان موضوعى مش مترتب خاالص
بس كل الفكره ان الموضوع ده
شاغلنى لانه زاد اوى دلوقتى
وبنشوف بنات وولاد بتضيع
بسبب اهمال الاهل



يساريت ياجماعه نتناقش لان فيه كلام كتييييير اوى
المفروض اننا نتكلم فيه

المصدر: †† ارثوذكس †† - من قسم: صندوق مناقشات الاعضاء

[MICKEY]

انا هقولك علي حاجه

الوقتي في الزمن ده الولاد بيخافوا صدقيني زي البنات بالظبط

انا بسمع حاجات تخوف صدقيني
المسأله مش اني ابقي ماشيه افرج عليا الناس اني لابسه اخر موديل وحاطه افضل برفان والسلسله والانسيال

البنت المفروض ان فيها دماغها حتي لو في البيت مش بيشدوا عليها في الحاجات دي وسايبنها علي راحتها
فهي المفروض اللي تخلي بالها من نفسها
انتوا مش صغيرين ياجماعه

هقولكم مثلا
بلاقي في المترو بنات لابسين تشيرتات كت ( حملات يعني ) ودراعهم كله باين صدقوني
ده غير الاسترتشان السوده الجديده اللي طالعه دي الللي بتاخد شكل الجسم

بزمتك انتي واحده زي دي لابسه اللبس ده ومطلعه السلسله اللي فيها صليب من بره
في الوقت اللي احنا فيه ده
عاوزة ايه اللي يحصلها
وللأسف لو حد ضايقها او عاكسها او حاول يرخم عليها بتزعل

مش عاوزين نتهم البيت علي اد ماحنا عاوزينكم يابنات انتوا نفسكم تخلوا بالكم من نفسكم
انتوا مش صغيرين وخدوا بالكم من تصرفاتكم
اسف للأطاله وشكرا يامريم علي الموضوع

[bolalover]

و هو البيت يا ميكي ليه عبئ كبير طبعا
ازاي ابوها يسمحلها تنزل كده من البيت اساسا باللبس الي انت بتقول عليه
و اللما تكون التربية حديثة بنظام الحرية يبقا لازم البنت تحترم الحرية دي و تقدرها مش تستغلها غلط
بس لما البيت يلاقي البنت بتستغل التربية دي غلط يبقا لازم يبقا في تدخل و التدخل يبقا قوي كمان
اقولك علي حاجه يا مايكل انت كبير و خلاص قربت تتجوز و يكون عندك بيت
لو عندك بنت ترضي تنزلها من البيت بالمنظر الي انت بتقول عليه ده مظنش اه
و اكيد برده بنتك هتربيها تربية مختلفة و بحرية و تعودها علي الصراحة و التقة المتبادلة بس وقت ما تحس ان الثقة و الصراحة دي بيتم تنفيذهم بشكل خطاء اكيد هيبقا في تدخل منك
بجد يا جماعة البيت و التربية و الاب و الام عليهم حمل كبير جدااااااا
البيت هو الاساس قبل الكنيسة كمان لان البيت هو الي بيربي و التربية نعلم ولادنا يروحو الكنيسة علشان يستفيدوا منها
و مش اننا نودي ولادنا الكنيسة و بس لا ما الله و اعلم بتروح ولا بيروح الكنيسة يعمل ايه
لازم يبقا في متابعة للابن او البنت بيروح الكنيسة يعمل ايه
و علي حسب ما تربي في الصغر ابنك هيكبر و يمشي عليه في الكبر
ده راي الشخصي

[MICKEY]

انا مقولتش ان البيت مش عليه عبئ

انا بقول

حتي لو في البيت مش بيشدوا عليها

يعني يابولا هي لو البيت حتي مش مهتم وكل واحد في موال
يبقي لازم هي تاخد بالها ومش تستني لحد ماتقع في مشكلة

[bolalover]

ما هو يا مايكل لو البيت مش مهتم من صغر البنت
يبقا اكيد البنت هتطلع من غير ما حد يفهمها ان ده غلط و ايه مدي خطورته
و هنقولك طيب ما في بنات كتير بتلبس كده و صحابي و اعرفهم و محترمين
فيها ايه لما انا كمان البس زيهم و ابقا علي الموضة
ده تقريبا الي بيحصل يا مايكل

[MICKEY]

عزيزي
في مستويات عائليه هاي كلاس
الستات دي مش تعرف تلف المحشي ازاي
ومش تحب تاكله عشان مش تبوظ جسمها
بتجيب شغالات في البيت عشان خاطر رجليها متشققش
بتقعد قدام المرايه اكتر مابتقعد قدام جوزها

عاوزها تعلم بنتها ايه

اكيد انتها بقت زيها
الفئة دي من الناس لازم الواقع يغيرهم وليس الاسرة
لأن الأسره اصبح امر ميئوس منه

هذا كلامي

[bolalover]

كلامك صح يا مكمك
بس برده في بنات متسوياتها مش هاي كلاس ولا هاي زفت
و تلاقي بناتهم برده كده
عارف يا مايكل
في اهالي باردين
باردين بجد تلاقي الاب بايع القضية و سايبها للام
و ماما دلعوعة اوي بدلع بنتها اوي
و في امهات هما الي بيقولوا لبنتهم البسي كذا و كذا
علشان البت يجلها عرسان بدري بدري

[MICKEY]

عزيزي بولا
انت ليه بتدور حوالين اللكلام اللي انا عمال اقوله ومش قادر تفهمه

انا قولت الاب والام غلطانين اه

وعاوزين قطر ياكلهم
او انبوبه تنفجر في بيتهم

اللهي ياشيخ يولعوا بجاز وسخ

وبعد كل ده بقولك
لو الاب والام عاوزين قطر يدعكهم ومش مربيين ولادهم

فبقول لازم في الزمن ده يبقي البنت تربي نفسها عشان تحافظ علي نفسها

منك لله يامريم
ومش انا بس اللي بدعي عليكي
لا
صابر الرباعي كمان بيدعي عليكي

[bolalover]

ميكي

















































































فكك مني

[eng_fofa]

تعالو نتكلم بصراحه فى الموضوع ده وانا عارفه ان ناس كتير هاتزعل من الكلام اللى هاقوله بس مع الاسف هو دا الواقع اللى الناس مش قادره تستوعبوا انتو بتستغربو ليه البنات بتعمل فى نفسها كده والسبب هو الولاد ايوه الولاد هى اللى خلت البنات تعمل فى نفسها كده دلوقتى الولد لما بيفكر يتجوز بيتجوز البنت اللى لبسها مش عجبكو هاتقولولى لا مش صح هاقولكم مع الاسف انتو بتناقضو نفسكم يعنى الولد بيفضل يعيب فى البنت طريقه لبسها ومظهرها لكن مش بتشدو ولا بتعجو غير البنت اللى عامله فى نفسها كده ليه لان البنت الملتزمه بتبقى بالنسباله موضه قديمه مش هى دى البنت اللى عايز يتباهى بجمالها وشياكتها وسط صحابه وعايزه اوضح حاجه مهمه جدا مش معنى الكلام اللى انا بقوله ده انى موافقه على كده بالعكس انا ضد اللى بيحصل دلوقتى من البنات وبكررها ضد لكن حبيت اوضحلكو ايه اللى وصل البنات لكده وهو انتو اقصد الولاد