[bolalover]

سلام و نعمة لكل اعضاء منتدانا الغالي ارثوذوكس

كل سنة و انتم طيبين و حلوين




نبداء مع بعض السنة الجديدة و نقول سوه
بسم الاب و الابن و الروح القدس اله واحد امين

سنة فاتت و سنة جاية و عمر بيعدي علينا
مش سنة واحدة بس الي فاتت لا دي سنين كتير
و كان فيها الحلو و الوحش
و الاتنين بنفتكرهم الحلو نفتكره و نبتسم و نقول يااااه فين ايام زمان
و الوحش نفتكره و نتاثر بيه و نتعلم منه و نقول يارب ما ترجعها دي ايام
ناس حبناها و ناس كرهناها و ناس بنفتقدهم و ناس بنتمني عدم لوقاهم
ناس حبناها و فاجاة خرجت من حياتنا و منعرفش ليه و تقريبا هيجي اليوم و ننساهم
ذكررريات العمر كتير

مع سيرش مي
هنرجع كل الذكريات بس هتكون الذكريات الحلوة بس
الذكريات الجميلة و نبحث و ندور سوه علي الذكرة الي هتخفف من همنا
و تشيل عننا و بسمة ترسمها علي وجهنا

مع سيرش مي
في ناس جميلة حبناها من قلبونا بجد و تستاهل الحب
للاسف خرجوا من حياتنا و منعرفش ليه ولا هم فين دلوقتي
الناس دي هنرجعها و نديهم و نقولهم وحشتنونا يا اغلي من حبهم قلبونا

Searsh Me
برنامج جديد يقدمه اقوي فريق عمل في ارثوذوكس
للبسمة .. الي هتخفف همومنا و تيشل غم حياتنا
للذكرة .. الجميلة الي فاتت من عمرنا نفتكرها و نفرح بيها
للاعضاء .. الي غابت عننا نرجعهم تاني وسطينا و نقولهم وحشتونا و لو زعلانين مننا نفرشلهم الارض ورد و نقولهم سمحونا بس المهم تكونا وسطينا

بسمة .. ذكريات .. افتقاد

و نرجع ايام زمان
هو ده سيرش مي
و دي هتكون اول حلقة من البرنامج
و طبعا هتكون حلقة خاصة جداا بمناسبة راس السنة
و انشاء الله هنبتديها سنة فلة و مفهاش اي تيت ولا تربتيت
نبتدي بعرض اول فقرات البرنامج و هي

الـبـسـمـة

البسمة معانا انهارده هتكون بسمة من القلب
حاجه بسيطة انتوا شوفتهوا قبل كده
و هي صورة غاية في الروعة و الجمال هنفكر بيها كل الناس
علشان بس 2009 تبقا سنة فلة عليكم

مش بذمتكم زي القمر و يستحق لقب اجمل صورة في 2008




الصورة دي مخصوص علشان تدخلوا علي 2009 بوجه جميل و زي القمر و اكيد بعد ما شوفتوها هتبقا سنة جميلة و فله عليكم

((حد عنده اعتراض علي كلامي ده ))

الـذكـريـات

في كتاب ذكريات سيرش مي هنقلب انهارده مع بداية 2009
و ندور و نشوف اجمل ذكريات للاعضاء في 2008
بس طبعا مش هنقدر نجيب ذكريات 2008 كلها
حبنا لبعض و ذكرياتنا كانت كتير جداا و علي مدار حلقات سيرش مي
هنعرض عليكم اجمل الذكريات و نفكركم بالذي مضي

الخروجات الشهرية من الاولي لحد الثالثة و اجمل اللحظات الي قضيناها سوه

بروح المحبة الي مفيش زيها غير هنا في ارثوذوكس و بس




دي كانت بداية المشوار

عمركم شوفتوا بداية مترقمة هههههههههه

ميكي خايف علي نفسه من الحسد

و مينا 333 بوقه اوسع من بوق السيد اشطه
و زيزو ميرو تابع لسيجنال .. هتبقا جندي بعد كده يا حلو

من يومك يا هيما بجد و انت زي العسل .. اسم النبي حرصه
لولولولي يا تري هتكون ايه في 2009
بوبوس .. كوني بركة في 2008 و في 2009 الله و اعلم هتكوني ايه

بجد بجد وحشتني اوي يا توني

بص يا ابني الناس ابعد عن طريقي في 2009
علشان مش تخسر روحك و تودع

من يومك يا توني و انت جامد
دي كانت هدية من استاذ كامل لتوني علشان كان اول واحد يجاوب صح علي لغز من الغازه الي بنزلها في الادبي

الله يرحم يا ميكي ايام ما كنت بشعر
بس وقتها كنت مفجوع اوي

اتعلموا بقا فن الاكل

و ده فن القتال

و ده فن الهبل

و ده فن الشحاته

و ده فن المحبة من القلب في ارثوذوكس

دي بقا ذكريات الخروجة الثالثة الي انا بعتبرها من اقوي الخروجات التي لا تعوض

و كان فيها عيد ميلاد العضوة حنان صادق و هي العضوة الوحيدة الي اتعملها عيد ميلاد في الخروجات الشهرية

ودي صورة التورتايه

قبل مابولا يفترسها

مكتوب عليها

happy birth day orsozox

حنان : يالهووووووووووووووي

بالراحه يامفاجيع

لا تعليق

طيب بولا ومجنون
لكن انتوا يارجاله
ياعيني علي الاعضاء اللي زي الورد اللي بتضيع من بين ايدينا

ميكي : بقي كده طيب خد

زيزو : وانا كمان اشمعني انت .. طيب خد

الماجيك : ميكي ايه رائيك نخطف هيما ونستولي علي المنتدي

ميكي : معاك يازعيم

هههههههههههههههه كانت ايام متتعوضش بجد
و الجنان كان عالي اوي فيها

لويار : القطر رايح فين

الناي : انا شوفتك فين قبل كده ياكيرو

كيرو : مانا قدامك اهو

تحس من تعليق ميكي انه كان متوقع انهم هيبقوا اقوي اصدقاء في المنتدي

راضي ضميركم و زمتكم
عمركم شوفتوا محبة زي دي في اي مكان

بجد و بكل امانة ايام نفسي ترجع منها و لو دقايق

كنا بنضحك من قلبونا و بنحب بعض بجد

كنا بنعمل كل حاجه بنفس من غير ولا حساسية ولا زعل

و اهو كنا لسا منعرفش بعض اوي بس كنا مجرد ما نشوف بعض نحس اننا نعرف بعض من 100 سنة

2008 فيها ذكريات حلوة جميلة و انا عن نفسي عمري ما هنسا الذكريات دي

لاني مقضدش اوقات و ذكريات زي دي ابدا قبل كده

يارب نخلي 2009 احلي بكتير كمان من 2008

بمحبتنا لبعض .. المحبة الي هي حقيقة بجد من قلب لقلب

من غير ولا حساسية ولا زعل و ننسي الي فات و نفتكر الحاجات الحلوة بس



علي فكرة انا بحبكوا اووووووووووووووي

الافـتـقـاد

مع فقرتنا الاخيرة و الاهم في الحلقة كلها
و هي فقرة الافتقاد هنجبلكم عضو غايب عننا
و مش غايب يوم ولا اتنين لا ده غايب بقاله كتير
و هنرجعه بيته تاني و نقوله بجد وحشتنا
و سمحنا لو زعلناك منا في يوم بس بليز مش تبعد عننا
احنا اهو بنادي عليك كلنا في نفس واحد و بنقولك ارجعلنا
و العضو ده هو

مايكل عبد الشهيد

اجدع واحد اسكندراني شوفته في حياتي
و من اجمل و احلي الشخصيات الي سعيد جداا علشان عرفتها في يوم

مايكل عبد الشهيد
عضو ارثوذوكسي
غائب عن المنزل من يوم
آخر نشاط: 11-09-2008 03:07 AM

عضو استطاع في اقل فترة انه يدخل قلوبنا و خلانه نعشقه و نحبه بجد
كان معانا في اول خروجة في اليكس
و هو الي استضفنا في تاني خروجة في اليكس
و كان معانا باستمرار و كان سايب شغله و مدينا وقته كله

علشان مايكل واحش كتير مننا و وحشنا كلنا
فريق عمل البرنامج قد يوصله و اتكلم معانا
و ده كان كلامه لكل اعضاء المنتدي

مايكل عبد الشهيد ::
كل سنة و انتم طيبين
و بجد في ناس وحشاني اوي و معلش هي كانت شوية ظروف و خلاص اتحلت
و احب اقول لــ
فادي : انت وحشني اوي بجد و سمحني مكنتش اعرف انك تعبان و كل سنة و انت طيب
ميكي : كل سنة و انت طيب و ابقا اسئل يا معفن و السنة الجديد يارب تكون احسن من الي قبليها
ايمن : كل سنة و انت طيب و ربنا يخليك لينا شمعة منورة في المنتدي و بجد نفسي اشوفك و انشاء الله في 2009 تحقق الامنية دي
رافت : كل سنة و انت طيب و السنة جديدة تبقا فيها رافت ابو كيرو العسل
نبيل : وحشتني جدا و بتمني لما تيجي اليكس تتصل بيا علشان نفسي اشوفك و بحب اقعد اتكلم معاك اوي

و بقول لكل المنتدي كل سنة و انتم طيبين
و يارب 2009 متكونش زي 2008 و تكون احلي و اجمل
و معلش سمحوني الفترة الي فاتت لظروفي و اوعدكم اني مش هغيب عنكم تاني و هرجعلكم و قاعد علي قلبكم

و ده كان كلام مايكل علي لسانه
و هو بنافسه هيدخل يرد علي الموضوع
و هيرجع تاني بيته ارثوذوكس
و هيكون موجود ديما معانا
و احنا فرشلنك الارض ورد و مستنينك يا اغلي اخ و صديق لينا
يالا و متغبش علينا تاني

و بكده و للاسف الشديد تكون انتهت حلقتنا و فقراتنا
يارب يكون البرنامج عجبكم و فكرته تكون نالت استحسانكم
و نقولكم نحن فريق عمل البرنامج
ابتودا سنة جديدة و انسوا الي فات
و زي ما قال ميكي نشد السيفون علي 2008 و نبتدي 2009 علي نظافة
و نفتح صفحة بيضة جديدة مع بعض بقلوب صافية

اسمحولي اشكر فريق العمل الي بجد بيتعب معايا اوي اوي
و اقولهم شكرا يا اجمل ناس اشتغلت معاهم

و ليلة سعيدة عليكم و سنة اسعد ليكم

كان معكم معلقكم بولا من استديوهات ارثوذوكس
انتظرونا يوم الاربعاء القادم مع

بسمة .. ذكريات .. افتقاد
Search Me

المصدر: †† ارثوذكس †† - من قسم: صندوق مناقشات الاعضاء

[الناى الحزين]

ههههههههههههه
والله يا بولا فكره جميله قوى وعاجبانى قوى قوى
وحمدلله على سلامتك يا مايكل ولو سمحت متغبش عننا تانى لانك وحشتنا كلنا
وبولا بشكر من قلبى لانك بجد فكرتنى بيوم من اجمل يوم فى حياتى
اول خروجه اروحهاه بجد كنت حاسس انى طايرفى السما من الفرحه
كل سنه وكلنا فى بتنا هنا بخير وسلام وحب ومحبه
وربنا يديم فرحتنا فى عنينا
وديم محبتنا لبعضينا

[كيرو رافت]

بجد بدايه وفكرة رائعه يا بولا
كل سنه وكل المنتدى بخير وحب وسلااااااااام
كل سنه واحنا دايما فى حب وسلااااااااام
كل سنه وانتم دايما فرحانين ومتجمعين

ميرسى بجد على البرنامج الرائع ده يا اجمل بولا
كل سنه وانت طيب

[M!SS N@NO]

يالهوووى عليك يا بولا وعلى افكارك
بجد فكرة هايله جداااااااااااااااا
فكرتنى بأحلى يوم فى حياتى
واحلى عيد ميلاد اتعملى بجد
كانت احلى حاجه فيه انى شوفتكم واتعرفت على احلى اخوات فى الدنيا
امتى يجى شهر مايو واجيبلكو تورتايه تانى
بس على جثتى لو طلبت منك تقطعها
توبه يارب
هههههههههههههههههههههه
ميرسى بجد يا بولا على الحلقه الجميله دى
وفى انتظار باقى الحلقات والذكريات

[aymonded]

حلقة جميلة جداً يا أجمل بولا بل رائعة يا جميل فعلاً وبكل أمانة
وفعلاً انا نفسي اشوف مايكل عبد الشهيد والأعضاء اللي وحشوني جداً
وبصراحة نفسي اشوف حنان تاني بعد لما اكتشفت أني اعرفها من زمااان وناسي
هههههههههههههههههههههههه

وحشتوني كلكلم ونفسي فعلاً اشوفكم جدااااااااااااااااااااا
وحقيقي يا أجمل بولا أجدت وتفوقت ووفقت
النعمة معك واستمر في هذا البرنامج الرائع

[kamer14]

على طول يابولا موضوعاتك متميزه بجد وافكارك جامده بجد موضوع جمييييييييييييييييل جدا وباين عليه واخد منك مجهود جامد ميرسى لتعبك من اجل المنتدى وسنة سعيده عليك

[b o b b a]

موضوووووووووووووووووووع
جاااااااااااااااااااااااا اامد
هاااااااااااااااااااااااا ايل
راااااااااااااااااااااااا ااائع
بجد موضوع
جبااااااااااااااااااااااا ار
فكره هايله يا بوب
وموضوع جامد
ومجهود جامد
شكرا بجد علي تعبك
وبجد احلي موضوع نختم بي السنه دي
شكرا يا بولا
علي الموضوع الرائع ده
ربنا معاك

[ملكه الاحزان]

جامده اوي يابوب الفكره زي العسل الفكره وفعلا فكره جميله تعيش يابوب علي افكارك التحفه

[M!SS N@NO]

المشاركة الأصلية كتبت بواسطة aymonded وبصراحة نفسي اشوف حنان تاني بعد لما اكتشفت أني اعرفها من زمااان وناسي هههههههههههههههههههههههه

بجد وانا اكتر بأمانه يا استاذ ايمن
ياااااااااااااااااااااااا ه 14 سنه خدمه فى ثانوى
أأأأأأأأأأأأأأأصدى 14 سنه معرفه وانا مش واخده بالى
ههههههههههههههههه
بجد صدفه زى العثل
انشالله اشوف حضرتك قريب باذن المسيح
وكل سنه وحضرتك طيب
ويارب تكون سنه سعيده علينا كلنا

[aymonded]

آمين يا أجمل أخت حلوة
وبركة ربنا يسوع مع الجميع وعلى رأسهم بولا محبوب يسوع