الموضوع فى دمااغى بصرااحة بقالو كتير جدا وكنت متردد اعمله
بس لما حسيت بأهميته بصرااحة قلت لازم اكتبه
أكيد كلنا كل يوم بنتكلم احنا واصحابنا فى حاجات كتير
فى الجامعه او فى الشارع او فى اى مكان بتروحوه مع بعض
سواء كان الموضوع سياسى .. ثقافى .. اجتماعى ..
او اى نوع من أنواع المواضيع الموجودة فى حياتنا
وأكيد بيكون لكل واحد فينا وجهة نظر معينة من الموضوع
وللاسف احنا كشعب مصرى عموما الا القلة منا
مش بيقنع برأى حد ودايما حاطط اللى فى دمااغه هو اللى صح
ومش بيتقبل كلام من حد
وحتى لو سمع كلام حد بيبقى من باب الزوق والاخلاق انه
يسمع اللى قدامه علشان ميحسسوش بحاااجة من ناحيته
وبصرااحه ... من وجهة نظرى الشخصية
ان المعظم مننا اما حتى بيجى ياخد رأى واحد فى موضوع معين
بيسمع منه وفى الاخر برده بيعمل اللى فى دمااغه
واما بيجى يشاور صاحبه او اى حد بيكلمه بيبقى مجرد
زى ما احنا بنقول كده
(( بنتــــأكد )) اذا كان اللى فى دماغنا صح والا غلط
ولو طلع صح يبقى كويس ولو غلط برده بعمل اللى فى دمااغى
ومبحاولش حتى افكر فى رأى اللى أنا سألته ده
أكيد طبعا مش عيب يكون كل وااحد متمسك برأيه ويدافع عنه
بس على الاقل اما تيجى تتناقش مع حد لازم تديله اهتمام
واهتمام بكلامه وتناقشه فى الرأى
ويمكن تستفيد منه حااجة جديد عليك أول مرة تعرفها او تسمع عنها
بس بصراااحه اللى بيحصل
.................................................. ...
ان النقاش ده بيتقلب خناااقه بين اللى بيتكلموا
وان كل واحد بيعارض التانى فى حااجة معينة وكل واحد فيهم
عايز يثبت ان اللى فى دماغه هو اللى صح
ومع ذلك
بيجوا فى الاخر يتصافوا وكأن مفيش اى حااجة حصلت
وينسوا بعد كده الكلام اللى كانوا بيتكلموا فيه
الغرض بقى من الموضوع
هل انت / ى بتختلف / ى مع حد فى الرأى ؟؟؟
وايه اكتر حااجة بضايقك / ى أثناء النقاش مع اى حد ؟؟؟؟
يا ترى لو الموضوع اتقلب خناقه انت/ى بتعمل/ى ايه ؟؟
حاولت/ى تقنع/ى حد برأيك وتفرضه/يه عليه/ا ؟؟؟
هل انت/ى دايما معتقد/ة ان اللى فى دماغك هو اللى صح ؟؟
كام مرة اختلفت/ى مع زمايلك وايه اكتر موقف أثر فيك/ى ؟؟؟
انا عايز اللى يقرأ الموضوع يجاوب على الاسئلة بصرااحة
ويحاول يخلى المجال مفتوح للنقاش
لان بجد بجد الموضوع ده مهم جدا فى حياتنا لان تقريبا كده حياتنا
كلها كلام وخلاص بينا وبين بعض
فأنا عايز اشوف كل واحد فينا فعلا بيقتنع برأى حد
والا بيعمل اللى فى دمااغه وخلاص ؟؟؟؟!!!
وانا فى انتظاااركم ان شاء الله