[elphilasouf]

من غير سلامات
نخش ع طول فى الموضوع

انا جيه فى بالى سؤال كده وعاوز اعرف اجبته منكوا
هما الحقيقه سؤالين بس شبه بعض

اول سؤال

انت شايف ان المنتدي ده
دينى
ولااا
تجمع لجماعه ليهم دين ومله واحده
؟؟؟

هتقولى ايه الفرق ؟؟!!
هقولك لو
دينى
يعنى مهتم بالحاجات المتعقله بالدين والكنيسه ,,, الخ ومش مهتم بحاجه تانيه

ولا تجمع لجماعه ليها دين ومله واحده
لو تجمع لناس يعنى
علاقه طيبه بين الجماعه دي
علاقه اجتماعيه حيه
بيتكلموا فى كل حاجه
بيهزروا وبيتكلموا فى الجد
فى حاجات ارضيه وفى الحاجات الروحيه برده

***********

معلش انا عارف ان المنتدي فيه كل حاجه وفيه اقسام متنوعه
يعنى الاختيار التانى المفروض يكون

بس يمكن كتير فينا
مش بيخشوا غير الاقسام الروحيه بس
ومحدش يعرف حاجه عن الاقسام التانيه الترفيهيه والاجتماعيه خالص

وناس تانيه
ميعرفهوش اصلا ان فى اقسام روحيه موجوده


انا عاوز اجابه السؤال ده منك انت
انت شايف ايه ؟
مش المنتدي الحقيقه ايه


السؤال التانى

وده سهل اوي بقى
ومش محتاج توضيح كتير

انت عاوز المنتدي ايه؟

يكون دينى؟؟
ولا تجمع لجماعه من الناس ليهم دين ومله واحده؟؟


ياريت يا جماعه تقروا الموضوع كويس وتحاولوا تعرفوا اجابته
ولو انت فهمت انى انا زعلان او معترض او بقولكو خدو بالكوا ان عدد الناس الى بيدخلوا الموضوعات الروحيه قليل
يبقى مفهمتش قصدي

انا بس بسأل سؤالين جوم فى بالى

ياريت اسمع رايكوا كلكوا
وياريت ابليكوا الادمن

المصدر: †† ارثوذكس †† - من قسم: صندوق مناقشات الاعضاء

[MICKEY]

عزيزي الفيلسوف
تحية طيبة وبعد
سوف ارد علي اسئلتك من وجهة نظري الشخصية

المشاركة الأصلية كتبت بواسطة elphilasouf من غير سلامات نخش ع طول فى الموضوع ياعم ده السلام بتاع ربنا كاتك نيله مليتوا البلد انت شايف ان المنتدي ده دينى ولااا تجمع لجماعه ليهم دين ومله واحده ؟؟؟ يابني المنتدي شامل الاتنين في موضوعات دينيه وفي نفس الوقت من خلال الردود بيتم صداقة بين الاعضاء واللهي شكلك ولا فاهم حاجه يامنجاوي ياتيت هتقولى ايه الفرق ؟؟!! مين قالك اني هقولك ايه الفرق انا مقولتش حاجه بس يمكن كتير فينا مش بيخشوا غير الاقسام الروحيه بس ومحدش يعرف حاجه عن الاقسام التانيه الترفيهيه والاجتماعيه خالص وناس تانيه ميعرفهوش اصلا ان فى اقسام روحيه موجوده لا صدقني الناس كلها عارفه ان في اقسام دينيه وعارفه كمان ان في اقسام ترفيهية بس ريح نفسك انت وغير هدومك من تعب السفر لحد ماجهز الاكل السؤال التانى وده سهل اوي بقى ومش محتاج توضيح كتير ياعم الحاج هو حد طلب منك توضيح ده انت تيت تتاته مورضتش علي اي تيت انت عاوز المنتدي ايه؟ يكون دينى؟؟ ولا تجمع لجماعه من الناس ليهم دين ومله واحده؟؟ انا عاوز المنتدي يكون زي ماهو ديني علي تجمع فخفخينا يعني ياريت اسمع رايكوا كلكوا وياريت ابليكوا الادمن لا سيب الادمن في حاله الادمن ودناه مصحة عشان يتعالج من الادمان اللي هو فيه وهيرجع بعد كم شهر وهيبقي عضو زي الفل الدكاترة طمنونا الحمد لله

[Malak sokar]

ههههههههههههههههههههه
الموضوع كوم
ورد ميك كوووووووووووووووووووم تاني
هههههههههههههههههه

عموما الموضوع مجنون وجميل زيك يافيلو
المنتدي هو
تجمع لجماعه ليها دين ومله واحده
ولو كان غير كدة كنت اتمني يكون
تجمع لجماعه ليها دين ومله واحده
التنوع مطلوب وبتنا لازم يكون فية كل شي
وشكرا

[كيرو رافت]

انا مع راى ميكى التيت يا تيت
السؤال الاول
اجابته موش عندى
السؤال التانى
هادور فى اللى عندى

انا عايز المنتدى زى ماهو كداااااااااااااا
انا عرفته كداااااااااا وحبيته كدااااااااااااااااااا وهاعيش واموت وهو كداااااااااااااااااااااا
اما بالنسبه لهيما الحمد لله هو تماااااااااااام انا اتصلت بيه واطمنت عليه وخلاص خارج من المستشفى بعد شهر

تصدق الموضوع ده حلو قوى خلانى موش عارف انا عايز ايه

منك لله

[bolalover]

ممممممممممممممممممممممم
تيت تيت تيت تيت تيت تيت
ابتسم للحياة
فــــلـــــه

[miso]

انت شايف ايه ؟
مش المنتدي الحقيقه ايه

بص يا فيلو اكيد الناس وهى بتسجل عارفة ان ده متتدى دينى بس عارفة برضو انه مش بيتكلم على موضوعات روحية بس
مش علشان منتدى دينى يعنى انزل مواضيع روحية انت لما تنزل موضوع تانى حد يستفاد بيه ده كويس لما تنزل موضوع تخلى حد على الاقل يبتسم ده حاجة جميلة جدااااااااااااا وفى ناس بتقر الموضوعات الروحية مين قالك مش بتدخل المواضيع دى
بس يا فلو اللى عايز يقرا روحى هيدور ويقرا فكتاب من موضوع من اي حته انا مليش الحق نى اجبر حد يقراروحى محبته فربناورغبته فانه عايز ينمى ثقافته الروحية هى اللى هتخليه يدخل المواضيع الروحية
انت عاوز المنتدي ايه؟
انا عايزة المنتدى زى ما هو كدة دينى وبرضو فى ترفيه
كدة احسن صدقنى يبقى فى روحى وفى حاجات تانية تخلى الناس تتكلم وتقول رايها وناس تبتسم مش هقولك تضحك
فكر انت كويس هتلاقى انه كدة حلو اوى

[SAMOOOOO]

بصراحه شايف المنتدى دينى وايضا مكان لجماعه من مله واحده

واتمنى المنتدى يكون بيت صغير يلم افراد العائله (اعضائنا الكرام)

ميرسى يا فيلسوفنا الحاضر

[بنت الراعي]

انا برده زيهم ماعنديش جديد اقوله غير ان
المنتدي جامع بين الاتنين ومتنوع وجميل
وعايزه المنتدي برده زي ماهو كده لانه كده جميل اوي وحلو
ميرسي فيلو
ربنا يعوضك ويفرح قلبك

[elphilasouf]

يا جماعه انا مقولتش انى عاوز المنتدي يكون
غر كده
انا بس بسأل سؤال

و
انا برده زيكوا
عاجبنى المنتدي كده
وهو كده المنتدي فله
وزي الفل


ميرسي كتير لموركوا وردودكوا الحلوه دي

[elphilasouf]

ميرسي
ميكى
سكر
رأفت
بولا
ميسو
سامو
بنت الراعى