[الناى الحزين]

اجمل اخوات فى الجمل منتدى

بجد لفت انتباهى حاجه حلوه قوى

موضوع فادى وتعبه اللى ان شاء الله هيقوم منه بسرعه ويرجعلنا من تانى

اللى لفت انتباهى بقى
محبتنا لبعض كأخوات مش كأعضاء
ان فيه اعضاء كتير غيرو توقعهم
وكلهم بيتمنوا رجوع فادى من جديد ينور المنتدى
لو كل واحد حط نفسه مكان فادى
ياريت يسأل نفسه سؤال

ياترى لو غبت عن المنتدى هلاقى اللى يزعل على غيابى؟

ياترى هلاقى اللى يسأل عليا ولا كل الحكايه انى عضو فى منتدى وخلاص؟

ياترى لما يرجع فادى لينا بالسلامه ويلاقى كل الناس بتسأل عليه ومهتمه جدا برجوعه هيكون احساسه ايه؟

فيه ناس كتير بتهتم بتوقيعاهم فى المنتدى وانا اولهم
من وجهه نظرى اننا لو نغير توقعنا لسبب زى غياب فادى
بجد دى اقل حاجه نقدمهاله ونعبر بيها على حبينا ليه
على الاقل علشان نقوله انك وحشتنا جدا ومنتظرينك بفارغ الصبر

ومش بس كدا كمان اننا كلنا نسأل عليه

فى الاخر بجد احب اشكر كل الناس اللى بيهتم باخوتنا هنا لاننا بجد احنا هنا مش مجرد اعضاء فى منتدى وخلاص
لا احنا اخوات فى بيت واحد بيجمعنا اسمه اورثوذكس

معلش يا جماعه اللى اقصده يعنى محبتنا لبعض واهتمامنا ببعضنا وان اقل حاجه نقدمها لبعض اننا نسأل على بعض
وانا مش اقصد انى لو غبت حد هيسأل عليا ولا لا
يعنى زى ما بيقول رافت كدا فى رده على الموضوع

واسف على الاطاله فى الكلام

المصدر: †† ارثوذكس †† - من قسم: صندوق مناقشات الاعضاء

[miso]

ربنا يرجعه بالسلامة لينا يارب ويشيل عنه كل الم
ميرسى يا ناى على موضوعك الجميل اللى مليان محبة لفادى ده

[Team Work®]

ربنا يقومك ويرجعك لينا بالسلامة يا رب والف الف الف مليون سلامة عليك

ام النور ومارجرجس والملاك والبابا كيرلس معاك ويقوموك بالسلامة يا رب امين

[الناى الحزين]

يا جماعه ده مش قصدى خالص


امير نزل موضوع عن تعب فادى
وانا مش اقصد انى انبهكم بتعب فادى لا
انا اقصد حاجه تانيه

مشاركتنا لبعضنا فى ظروفنا
واهتمامنا لغيرنا

ولو كل واحد حط نفسه مكان فادى هيكون ايه احساسه لو محدش سأل عليه او اهتم بيه
وكمان حكايه التوقيعات اللى بجد جميل جدا ان فيه ناس غيرتها

[كيرو رافت]

دى روح المحبه اللى اتعلمناها فى ارثوزوكس وده اللى بيميز منتدانا عن باقى منتديات العالم كله
اكتر حاجه بجد حبيتها ولقيتها هنا
هى روح الحب والود والمحبه الموجوده بينا كلنا
القصه موش قصه فادى بعينه لا ده احساس نابع من جوانا كلنا ان كلنا اخوات وكلنا مرتبطين ببعض وكلنا حلقه واحده عاملين زى العقد اللى لو اتقطع الخيط العقد كله بيتفكك عن بعضه
كذلك الحب لو غاب عن منتدانا هانكون بالظبط زى العقد كل واحد فينا فى مكان وكله بيقول يالا نفسى
بجد قد ايه الاحساس ده لذيذ ورائع ان احنا نفكر فى اخواتنا اللى غابوا عننا لاى ظروف
وموش عايز اقولك كم السعاده اللى فيها فادى وهو فى وسط مرضه ان فيه اخوات بيفكروا وبيسألوا عليه وده بجد مخلى نفسيته فى العلالى لانه عرف وحس قد ايه ان فيه ناس بتهتم لامره
الحب يصنع المعجزات يا نااااااااااااى
الحب قادر على قهر المستحيلات
الحب من الله والله هو الحب

ميرسى جدا يا ناى واسف على الاطاله

[miso]

انا مش قادرة افهمك يا ناى الصراحة
لو على السؤال اكيد الكل بيسال على فادى
بس انا مش قادرة افهم قصدك تقصد نغير التوقيع نخليه لفادى ولا ايه ياريت تفهمنى معلش

[كيرو رافت]

المشاركة الأصلية كتبت بواسطة miso انا مش قادرة افهمك يا ناى الصراحة لو على السؤال اكيد الكل بيسال على فادى بس انا مش قادرة افهم قصدك تقصد نغير التوقيع نخليه لفادى ولا ايه ياريت تفهمنى معلش

يا ميسو يا قمر انتى
هو بيتكلم عن روح الحب الموجوده عموما فى المنتدى موش بيقصد فادى بس لا هو اخده مثال على كدااااااا
هو بيتكلم عن شعورنا ايه لما بنلاقى حد يسأل علينا
او شعور اللى بيغيب عن المنتدى واحنا بنسأل عليه

[الناى الحزين]

شكرا يا رافت بجد ردك ابهرنى جدا

يا ميسو
رافت كدا فهمنى

انا اقصد ايه؟

[miso]

اممممممممممم فهمت ميرسى يا كيرو
ههههههه ميرسى على تعبك فالتوضح

[بنت الراعي]

ناي اولا احب اشكرك علي اللفته الجميله دي
ثانيا عن صدق كلنا بنتمني رجوع فادي من جديد لعيلتنا الجميله
اما بالنسبه لموضوع لو غيبت طبعا لازم كلنا نقلق ونسال عليك طبعا
لاننا كلنا اخوات وعيله واحده ولما واحد يتعب ويتالم او يغيب كلنا بنتضايق
وكلنا مرتبطين برباط المحبه المقدس المحبه الطاهره التي بلا رياء لان نبعها الرب
يسوع نفسه هو اللي علمنا ازاي نحب بعض ونخاف علي بعض
ربنا يديم المحبه ويبعد عننا عدو الخير
ويرجع فادي ينورنا من جديد
ميرسي يا ناي ربنا يعوضك ويفرح قلبك