[نبيل نصيف جرجس]

اخواتى فى ربنا يسوع سوال عايز اطرحة مع انى قلتة كتير بطرق مختلفة
وفى اكتر من موضوع
يا ترى انت لما بتدخل موضوع ..................بتدخل عشان تستفاد ولا بتدخل عاشن مجاملة لعضو ولا بتدخل عشان ترد ويبقى عدد مشاركاتك اكبر
يا ريت يا اخواتى ترد على اساس اللى جواك على الاساس اللى انت دخلت رديت علية
يا جماعة انا اتعقدت ان كان المنتدى مكان عشان نتباهى فية ومش فية روح ربا وتواضعك من اجل خدمة اسمة القدوس
اسف ان كانت طريقتى كدة فى الكلام بس انا مش بحب اجامل حد واللى فى قلبى بقولة
يا ريت تفكر وترد وتسمعنى اجابتك
وبجد يهمنى رايك انك تشارك وتقولى

المصدر: †† ارثوذكس †† - من قسم: صندوق مناقشات الاعضاء

[sawsaw]

مرسى كتير على موضوعك
مش بقولك مواضيعك كلها احلى من بعض
ربنا يباركك ويفرح قلبك

[الناى الحزين]

شوف يا احلى بلبل انا هرد عليك وبصراحه

انا اخب ادخل الموضوع اللى الاقى فيها الردود قليله او مفيش خالص
علشان اشجع صالحب الموضوع

وكمان فيه اعضاء كتير بحبهم قوى كل ما اشوف موضوع ليهم لازم ارد عليه مش مجامله لا بس علشان مواضعهم فعلا جميله وبتعجبنى وانت واحد من الناس دى

وكمان فيه مواضيع اصحابه مش معروفين برضوا احب ارد فيها

واكيد فيه مواضيع الواحد بيستفاد منها

وصدقنى حتى فى الالعاب يا بلبل الواحد بيتعرف على احلى اخوات عن طريق الالعاب

يعنى كل حاجه من دول بجد بيبقالها هدف معين عندى

ومكدبش عليك سعات ادخل موضوع مش يعجبنى بس برضوا برد عليه علشان اشجع صاحبه
لان صاحب الموضوع لو ملقيش رد فى موضيعه ممكن يزعل او يتضايق
ودى صحيح زى ما بتقول بتبقى مجامله بس من وجه نظرى مجامله ليها هدف

يارب اكون قدرت اوصل ليك وجه نظرى يا بلبل

بجد موضوعك جميل جدا
وفى غايه الاهميه
ربنا يفرح قلبك يا بلبل
وكل سنه وانت طيب
يا حبيب قلبى

[نبيل نصيف جرجس]

مش عارف اقولك حاجة بجد كسفتنى
ربنا يخليك ويحافظ عليك
مرسى اوى يا سوسنة لمرورك

[marmarsh]

ميرسى ليك يا نبيل للموضوع
بالنسبه ليا انا برد بس على المواضيع اللى بتعجبنى بجد وبتبقى اكترها مواضيع روحيه وفى مواضيع كتير بقراها ومش
بستفاد منها حاجه فسعات مش برد لانى بحس انى زى ما دخلت اقرأ الموضوع
خرجت منه ولا استفدت حاجه

ربنا معاك ويباركك

[نبيل نصيف جرجس]

مرسى اوى يا تاسونى مارى بس اية رايك لو رديتى عشان تشجعية حتى بجد حتى لو كان مبتدىء فى المنتدى هيتشجع بالردود
ربنا يحافظ عليكى يا رب ويبارك فى حياتك

[marmarsh]

ماهو لما بلاقى واحد كاتب موضوع ومفيش حد رد خالص بكتب انا رد وصدقنى بتطلع مواضيع جميله
ده كفايه ان الكتاب المقدس قال ( شجعوا صغار النفوس ) يبقى انا اللى مش هشجعهم
ربنا يباركك

[aymonded]

من روائع المناقشات الحلوة ، مناقشاتك يا جميــل
وطبعاً مش مجاملة ولا حاجة ، بل بشهادة الجميع
وأنا من عادتي برد على كل موضوع من خلال قناعتي الشخصية به ، طبعاً مش كل الموضوعات ، لأن في موضوعات لا أرد عليها مطلقاً بسبب يا أما تكرار الفكرة فيها بشكل ممل جداً ، يا إما فارغة من المحتوى السليم والمضمون ، يا إما صعب الرد لأن يوجد في الموضوع عيوب فكريه أو روحية أو علمية أن تكلمت فيها الناس هاتفهم أني رافض الكلام الصحيح وكأني بقاومهم شخصياً ، مع أن هذا غير صحيح على الإطلاق !!!

طبعاً في موضوعات رائعة ترغمني أرد عليها بأعجاب صادق وبفرح حقيقي ، لأن الموضوع أثر في شخصياً !!!

وطبعاً في موضوعات كثيرة باحب أرد عليها لأنه تحتاج تشجيع للبعض ، ولكن تشجيعي الدائم من خلال كلمة الله وعمله الذي أراه في كل نفس ، لأن تشجيعي للناس ليس على حساب عاطفة زائلة ، بل بسبب رؤيتي لهم في جوهرهم الخاص الذي فيه ملامح الله الحلوة ، لذلك احب الجميع جداً وباحب ارد على الكثيرين ...

رغم أحياناً لا أستطيع أن ارد لعدم وجود الوقت الكافي وانشغالي بكتابة بعض الموضوعات البحثية التي تحتاج وقت ومجهود مضني ، فتشغلني وتعطلني عن الردود التي هي قليلة عندي ...

أقبل مني كل تقدير بمحبة لشخصك الغالي في ربنا يسوع
النعمة معك كل حين يا محبوب الله الحلو جداً

[elphilasouf]

صدقنى يا بلبل يا خويا
انا سعات اخش ع الموضوع من دول استحرم اخرج من غير مأرد
يعنى لازم لو شوفت موضوع ارد عليه
لاسباب كتير
يعنى مثلا ممكن يكون موضوع مفهوش ردود
اخش اشجع فيه
موضوع مثلا يستفزك فيه رد او موضوع
تخش ترد فيه
موضوع انت استفدت منه وتحب تشكر صحبه وتشجعه
نرد منردش ليه

بس يمكن موضوع بجد ملقيش رد اقوله او موضوع ملهوش معنى كده المهم مش برد بس ده بيكون قليل اوي

بس انا بقى عاوز اعرف منك الاول انت كلامك ده شوفته فين

عشان نتباهى فية ومش فية روح ربا وتواضعك من اجل خدمة اسمة القدوس

مش عشان حاجه
بس يمكن يكون بيحصل مننا حاجات واحنا مش وخدين بالنا منها
وانت اكيد من حبك وخوفك علينا تحب تعرفنا بيها عشان نصلحها فينا

وميرسي ليك يا نبيل ع الموضوع ربنا يباركك
بس الله يخليك معلش ابقى كبير الخط عشان متتضربش

[جاسيكا]

بصراحة وبامانة فى مواضيع بستفاد منها كتير
وفى مواضيع برد فيها تشجيع للعضو اللى كاتب
وفى مواضيع بحب اشوفها لاعضاء معينة لان مواضيعهم بتبقى حلوة انما المجاملة معرفش اجامل لانى
بحب الصراحة ومبلعرفش ازوق الكلام ودا هتلاقوة موجود فى ردودى وارائى فى اى موضوع
ميرسى كتير ليك يا نبيل
وربنا معاك ومع الكل ويوفقنا كلنا امين
ويارب نكون بنستفاد ومش مجاملة