[keroo82]

قبل اى ضرباو كلام ( انا مش بتكلم على كل البنات طبعا )..انا بكمل على موضوع اتنشر فيه 7 عيوب للبنات ومن بنت زيكم يعنى لما البنت تقول 7 يبقى الشباب يتبحبحو شوية عشان احنا شباب جدعان والكرم عندنا صفة اساسية والى يحب يضيف يتفضل ده اوبن بوفيه

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها


كفايا كده عشان طولت اوى بس انا مش عايز دمى يروح هدر

المصدر: †† ارثوذكس †† - من قسم: الضحك والفرفشة

[maro_love]

انا بحب بابا يسوع اوى و ماما العدرا وبابا كيرلس و تما ف ايرينى بركة صلواتهم تكون معانا امين وكل عام وانتم بخير بمناسبة عيد الشهيد مارجرجس المزاحم بركة صلوات جميع القديسين تكون معانا امين

[imported_نيرو]

على فكره البنات مش كده خالص

[cat girl]

هههههههه لا يا شيخ مين اللى قال كده بقى يا استاذ كيرو ليه كده بس منتا كنت كويس يبنى ايه اللى جرالك اوعى يكون فيه رشوه

[tito_t]

ياااااااااااااااااا يا باشا على الموضوع الجامد جدااااااااا ده على فكره كل الكتبته ده ميجيش اى حاجه فى الحقيقه على فكره هما اكتر من كدا بكتير انا معايا بنات فى الجامعه نفس ال انت كتبته ده بظبط وطبعان عندى بنات فى البيت كدا واسخم من كدا كمان ربنا يكون فى عونا ولا ايه