[جرجس رمزي]

:36_3_16:سلام رب المجد يسوع المسيح فلتكن معي ومعكم يا أحبائي وأخوتي آمين:36_3_16:

الحقيقه يا أحبائي انا فكرت كتييييييير قبل ما أكتب هذا الموضوع
ولكن مادفعني الي كتابته هو كثرة ظهوره في الأونة الأخيرة
وظهور الفلسفة المظهرية التي تبرر هذه الأشياء
تعالوا معا نبث الضوء على هذا الموضوع الذي
كاد ان يظلم من كثرة الصمت في الحديث عنه

إنه

مابين الموضه والعثره ...... ماذا يقول الرب؟؟

نبدأ الموضوع بحوار يدور بين بنت (س) وصديقتها (ص) :

تدخل س على صديقتها ص في مكان العمل وعلى وجهها علامات الأبتسامة والتعجب على وجهها :

ص : ايه يابنتي مالك كده جايه مبسوطه النهارده ؟
س : لا وانتي الصادقه مبقوقة .
ص : ليه ...في حاجة حصلت ؟
س : قومي كده .. بصي لي كويس حاولي تدققي الننظر فييا ...
ص: ايه يا بنتي مالك انتي مش طبيعية النهارده .. في ايه بس ؟ قوليلي
س : اصل من ساعة ما خرجت من البيت لغاية ماجيت هنا والناس كلها عمالة تبص عليا كبير وصغير
رجل وست وكأني أرتكبت جريمه .
ص : آه ه ه . فهمت عشان لبسك ومكياجك ... بس الصراحة انتي النهارده أوفر أووي
س : حتى انتي برده مانتي بنت وعارفه ان دي الموضه فيها ايه يعني وبعدين ما معظم البنات اللي في
سني بيلبسوا كده .وبعدين انا جزء من المجتمع والمجتمع بيتطور فلازم نواكب العصر والموضة
وإلا الناس تقول عليا اني بنت أووولد( يعني قديمة اوي ) ومبتعرفش تلبس يرضيكي يقولوا عليا كده.
ص : لالا ..بس مش بالدرجة دي انت مزوداها حبتيين .
س : لالالالا الشباب بجد اليومين دول بقت حاجه فظيعة جداً ... فيها ايه يعني لو كل واحد يمشي في حاله
وملهوش دعوه بحد.. لازم يعني يبص اوي على اللي رايح و اللي جاي ؟؟؟؟؟
ص: ما انتي اللي لابسة لبس ملفت جدا فيها ايه يعني لو تلبسي لبس شيك وفي نفس الوقت مايعثرش حد .
س: ههههههه ما يعثرش حد ؟ الظاهر انك طيبه وعلى نياتك الشباب النهارده ببيصوا على اي بنت
حتى لو لابسه جلابيه .
ص : بس برده مبقاش انا السبب في انه يددق النظر فيا واكون سبب عثره له .

وعلى الجانب الآخر يدور بين الشاب ( م ) وصديقه (ع ) الحوار كما يلي :

يدخل (م) مسرح الأحداث حيث كان صديقه (ع) جالساً وهو غضبان وبيخبط كف على كف
وبيقول : الله يخرب بيتكوا يابعدا روحوا منكم لله .
ع: ايه يابني مالك ومين دول اللي بتدعي عليهم .
م:هايكون مين يعني هو في غيرهم سبب كل المشاكل
البنات طبعا الظاهر كده والله اعلم يا (ع) البنات أتجننت .
ع : ههههههههههه ليه يعني ؟؟؟
م : ليه ايه ياعم انت مش عايش في الدنيا ولا ايه ؟
البنات في كل حته لابسه لبس مايعلم بيه إلا ربنا
يلبسوا البادي والكات والميكرو جيب والضيق والمحذق
ويقولوا قال ايه ان هي دي الموضة .
ماشفتش ياسي (ع) الموضه ؟
ع : هههههههه والله شكلك انت اللي اتجننت .
م : بص ياعم (ع) وحياتك ياشيخ لا تعد ساكت اصل انا بص خلاص عينيا وجعتني وخلاص ها طق .
ع : صدقني انا شايفك انت اللي تاعب نفسك هو معنى ان البنات يلبسوا لبس مثير اننا نعد نبص عليهم
ونزود رصيدنا من الخطايا .
م : امال نعمل ايه بقى ياعم القديس ؟
ع : انا مش قديس ولا حاجة بس بحاول اخلي ربنا قدامي في كل وقت وساعتها لايمكن اي خطيه تقوى عليا .
م : ما انا عرفك هاتقول كده .. انا واثق انك مش ها تفهمني
وهنا يخرج ( م ) هو مضايق جدا وزعلان ..

كثيرا في هذه الأيام نسمع عن هذا الكلام والحديث فكل من الطرفين( الشاب و البنت ) يلقي بالخطأ على الطرف الآخر وهنا يصعب ان يصلح كل منهما ما يخطأ فيه .

الرساله :

1 - الي كل من يسبب العثره لغيره متخفيه وراء فلسفه مظهريه ولا صلة لها بالحكمة من بعيد او من قريــب
ضع الرب امامك في كل حين ولا تدع ابليس يخفي عنك حقيقة ماتفعل من عثرات للغير وتقنع نفسك بأنها
شئ عادي بل وانه هو الصح بعينيه كلام الرب يسوع المسيح له المجد واضح وصريح :
" و من اعثر احد هؤلاء الصغار المؤمنين بي فخير له
ان يعلق في عنقه حجر الرحى و يغرق في لجة البحر" ( متى 18 : 6)
" لا تشتركوا فى اعمال الظلمة غير المثمرة بل بالحرى وبخوها" ( اف 5 : 11)

2- الي كل من يضع نفسه في امام العثره ويسمح للخطيه ان تتسلل اليه ويلقي السبب على
الآخر اسمع لكلام رب المجد يسوع المسيح فهو واضح وصريح :
" ويل للعالم من العثرات فلا بد ان تاتي العثرات و لكن ويل لذلك الانسان الذي به تاتي العثرة.
فان اعثرتك يدك او رجلك فاقطعها و القها عنك خير لك ان تدخل الحياة اعرج او اقطع من ان تلقى في النار الابدية و لك يدان او رجلان . و ان اعثرتك عينك فاقلعها و القها عنك خير لك ان تدخل الحياة اعور من ان تلقى في جهنم النار و لك عينان. " ( متى 18 :7-9 )

3 - وهو ايضا يقول لنا جميعا :
"تعلموا مني لاني وديع و متواضع القلب فتجدوا راحة لنفوسكم .
لان نيري هين و حملي خفيف" (متى 12 : 29 )

4 -صدقوني يا أحبائي ما أعظم ان نسلم قلوبنا وحياتنا للرب يسوع فهو صادق وآمين
هو قال
" يا ابني اعطني قلبك ولتلاحظ عينك طرقي "
ولم ولن تجد مثله صديق فهو فداك على خشبة الصليب لأجل ان تحيا انت وتبرر بسفك دمائه الكريم .
فهل بعد ذلك مازلت تفكر بالخطية ؟
هل بعد كل مافعله الرب من أجلك تنظر لفلان عمل وآخر سوى ؟
هل مازلت تبحث عن شخص آخر غير الرب يسوع ليقود طريقك في هذه الحياه ؟

وفي الأخر انا لم أقصد ان أتجنى على صنف أو جنس بعينه (سواء البنات او الشباب ) وأنما ما قصدته
هو ان نفكر جيداً بأي عمل نحن مقبلين عليه ونسأل انفسنا :
هل هذا العمل يمجد اسم الرب القدوس أم يسئ اليه ؟
هل هذا العمل يعثر الغير أم لا ؟
نحدد الهدف من هذا العمل وهو مايسمى بوضوح الهدف.

ياريت يا أحبائي تشاركوني بوجهات نظركم وأرائكم في هذا الموضوع
تقبلوا مني فائق التقدير والإحترام لكم جميعاً

أذكروني في صلواتكم

المصدر: †† ارثوذكس †† - من قسم: الموضوعات الشبابية