حكايتى
حكايتى تعبت منها00تعبت ونفسى أقولها
سنين أكتم و أخبى00جوه فى قلبى شايلها
الصدفه جابتنى يومها00وعينيا جت فى عينها
وشىء حرك مشاعرى00ومشاعرها غصب عنها
سرحت كتير فى بالى00رسمت قصه فى خيالى
وخفت أروح أصارحها00لكون بحبى جارحها
وعدت أيام كتيره00تفكير و آه وحـيره
أقول كل اللى فيا00ولا أستنى شوية
وأخدت قرارى منىّ00خايف وغصب عنى
هاروح وأحكيلها أنى00حبها بقى شىء فى دمى
وكانت مفاجأه ليا00بتبادلنى مشاعرى العاطفيه
كانت زيى مستنيه00تضم ايديها أيديا
ويومنا عدى بينا00للحب والاحلام بنينا
وقولنا ده يوم ميلادنا00فى ميعاده يشهد علينا
وكانت أجمل سنين00حب واشواق وحنين
شافت كتير عشانى00وتعبت أنا من زمانى
وكانت تقولى أبداً00مش هاكون لحد تانى
وكنت أتقوى بيها00وأدوس ع الدنيا ليها
وفى يوم ومن الايام00عايش مدى الامان
من غير وداع سبتلى الضياع00وعرفت ايه معنى الخداع
راحت لقلب تانى00وقالتلى ده اللى كان عشانى
فين الكلام أتغير قوام00وطلعت سنينى كلها أوهام
حكايتى خلصت خلاص00وده الحب وده الاخلاص
مش راح أحب تانى00كفايه الحب الأولانى
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري