[ELMAGEK]

واصل النادي الاهلي متصدر الدوري الممتاز نزيف النقاط للاسبوع الثالث علي التوالي وسقط في فخ التعادل الايجابي 2-2 امام مضيفه بترول اسيوط في الأسبوع الحادي والعشرين.

وكان الاهلي قد فشل في تحقيق أي فوز في الاسبوعين الماضيين حيث تعادل مع بتروجيت في السويس وخسر امام الاسماعيلي بالقاهرة.

ورفع الاهلي رصيده الي 41 نقطة يحتل بها المركز الاول في الترتيب، كما رفع بترول اسيوط رصيده الي 25 نقطة ليرتقي الي المركز التاسع.

وتقدم الانجولي امادو فلافيو اولا للضيوف في الدقيقة 21 قبل أن يحرز بترول أسيوط هدفين متتاليين في الدقائق الأخيرة من الشوط الاول عن طريق كل من وائل جمعة مدافع الأهلي بالخطأ في مرماه في الدقيقة 45 وهنري اكيلي في الدقيقة الثانية من الوقت بدل الضائع.

وفي الشوط الثاني تمكن احمد حسن من ادراك التعادل للاهلي في الدقيقة 33.

وشهد الشوط الاول العديد من الأحداث علي رأسها لعب القطري حسين ياسر المحمدي كأساسي مع الاهلي من بداية اللقاء ولكن تم تغييره في الدقيقة 36 وحل هاني العجيزي بديلا عنه، بالاضافة الي طرد احمد علي لاعب الاهلي ايضا في الدقيقة 29.

بداية المباراة جاءت هادئة من الفريقين حتى الدقيقة 11 والتي شهدت أول تهديد لأصحاب الأرض علي مرمي الفلسطيني رمزي صالح.

وأطلق عطية صابر تصويبة قوية من احدي الضربات الحرة المباشرة ولكن الحارس الفلسطيني تمكن من التصدي لها بثبات.

احتاج الأهلي لعشر دقائق كاملة لكي يبادل بترول أسيوط الهجمات ولكن لاعبي الفريق الأحمر ردوا بايجابية بالغة حيث تمكن فلافيو من خطف الهدف الأول بضربة رأسية متقنة بعد كرة عرضية من مواطنه جيلبرتو.

واضطر الأهلي لإكمال المباراة بعشرة لاعبين فقط بعد طرد لاعبه الشاب احمد علي في الدقيقة 29 نتيجة حصوله علي انذارين.

وانقذ رمزي مرماه في مناسبتين متتاليتين، حيث انقذ مرماه اولا من تسديدة صابر القوية ثم انقذ انفرادا صريحا من جمعة مشهور.

والغي حكم اللقاء محمد فاروق هدفا لبترول اسيوط في الدقيقة 33 أحرزه سيد عبدالمغني من ضربة حرة غير مباشرة لم يلمسها أي من لاعبي الفريقين وهي في طريقها للمرمي.

واضاع هاني عبدالله هدفا محققا للبترول في الدقيقة 41 عندما اطاح بالكرة فوق المرمي بغرابة شديدة وهو علي بعد امتار قليلة منه.

وفي الوقت الذي ظن فيه الجميع نهاية الشوط بتقدم الاهلي، تمكن اصحاب الارض من احراز هدفين متتاليين في الثواني الاخيرة للشوط.

حيث تولي جمعة مدافع الاهلي اولا مسؤولية احراز التعادل للبترول بعدما وضع الكرة برأسه بطريقة الخطأ في مرمي فريقه في الدقيقة الاخيرة من الوقت الأصلي.

ثم تبعه اكيلي بضربة رأسية اخري في الدقيقة الثانية من الوقت بدل الضائع لينتهي الشوط بتقدم البترول 2-1.

جاءت بداية الشوط الثاني استكمالا لنهاية الشوط الاول حيث استمر هجوم اصحاب الارض في محاولة لزيادة رصيد الاهداف والذي كاد ان يتحقق في فرصتين لهاني عبدالله.

وسدد عبدالله كرتين قويتين في بداية الشوط كاد أن يدخلا مرمي الأهلي لولا براعة الفلسطيني رمزي صالح. علي الجانب الاخر اعتمد الاهلي علي ارسال الكرة الي البديل العجيزي في الجهة اليسري الامر الذي اعتاده مدافعي بترول اسيوط وتمكنوا من القضاء علي أي تواجد هجومي للاهلي.

ومن احدي الهجمات المرتدة، استلم فلافيو الكرة خارج منطقة بترول اسيوط في الدقيقة 33 ومرر الكرة الي العجيزي الذي فشل في التسديد لتعود الكرة الي فلافيو الذي يرسلها مرة اخري الي احمد حسن الذي يسدد بناجح في المرمي محرزا هدف التعادل للاهلي.

بعد هدف التعادل بقليل، كاد جيلبرتو ان يضيف الهدف الثالث للاهلي بعدما انطلق في الجهة اليسري وسدد كرة صاروخية ولكن لسوء حظه وقف القائم الايسر امام تسديدته.

شاهد اهداف المباراة







للتحميل

هدف الاهلي الاول

هدف بترول اسيوط الاول

هدف بترول اسيوط الثاني

هدف الاهلي الثاني

المصدر: †† ارثوذكس †† - من قسم: قسم الرياضة

[milano kaka]

اللة ع التغطية يا جميل
مش هاقول حاجة تانى بس كدة
ههههههههههههههههههههه

[اسامه سمسم]

بجد انت هايل يا فادى
ميرسى ليك على التعب
اهلاوى
وبشكرك بجد على روحك الرياضيه
والمحايده بين الفريقين
شكرا بجد يا فادى

[ELMAGEK]

المشاركة الأصلية كتبت بواسطة milano kaka اللة ع التغطية يا جميل مش هاقول حاجة تانى بس كدة ههههههههههههههههههههه

حبييييييييييييييييييييبى يا ميمو
مرسى كتير لردك الجميل دا
وفعلا لازم مش نتكلم خلينا ساكتين احسنلنا
ههههههههههههه
مرسى يا ميمو لمرورك

المشاركة الأصلية كتبت بواسطة اسامه سمسم بجد انت هايل يا فادى ميرسى ليك على التعب اهلاوى وبشكرك بجد على روحك الرياضيه والمحايده بين الفريقين شكرا بجد يا فادى

دا انا الى مش عارف اقولك اية يا سمسم
على ردك الجميل دا وانا الى بشكرك مرسى كتير ليك يا باشا
واليوم كان عايزك امبارح صدقنى مرسى ليك يا سمسم
وربنا يخليك لينا يا حبى

[الماكس مايكل]

ميرسى ياباشا على الموضوع الجميل
احلى حاجه فيك انك مش بسيب موضوع وانا كمان بعد كده مش هسيب موضوع
بس ممكن اقولك حاجه لو الاهلى كان كسب كانت عملت الموضوع
ههههههههههههههه طبعا لا
ميرسى جــــــــــدا

[ELMAGEK]

المشاركة الأصلية كتبت بواسطة الماكس مايكل ميرسى ياباشا على الموضوع الجميل احلى حاجه فيك انك مش بسيب موضوع وانا كمان بعد كده مش هسيب موضوع بس ممكن اقولك حاجه لو الاهلى كان كسب كانت عملت الموضوع ههههههههههههههه طبعا لا ميرسى جــــــــــدا

لا والله يا مايكل باشا انا بسيب حاجات كتير اوووى
اظن مش انا الى عملت تغطية الاسماعيلى
وقبليها الحدود لما خرجكو من الكاس
والمصرى البورسعيدى بس هقولك مرسى بردو ليك
وانا النهاردة كنت على النت طول النهار
ولو الاهلى كان كسب كنت هنزل الموضوع وبنفس الطريقة
واعتقد ان ليا مواضيع للاهلى كتير هنا
مرسى ليك ومرسى لردك الجميل

[الرومانسى الشقى]

اشكرك يا فادى على التغطية الجميلة اوى

بس احب اقولك ان الاهلى مش من حقة يتعادل فى جون اتلغى لاسيوط مفهوش اى تسلل وى رمزى صالح شال كور كتير اوى اوى

لو كان امير الى واقف كان اسيوط كسب مش اقل من 3

[ELMAGEK]

المشاركة الأصلية كتبت بواسطة الرومانسى الشقى اشكرك يا فادى على التغطية الجميلة اوى بس احب اقولك ان الاهلى مش من حقة يتعادل فى جون اتلغى لاسيوط مفهوش اى تسلل وى رمزى صالح شال كور كتير اوى اوى لو كان امير الى واقف كان اسيوط كسب مش اقل من 3

يا باشا مرسى كتير لردك الجميل دا يا بيرو
بجد تحليلك رائع يا ابنى مرسى
لردك الجامد دا
وفعلا لو امير كان واقف كانت هتبقى تيت خالص
شكرا يا باشا