[الناى الحزين]

موظف كحيان وحكايته مع المودام

حيرتيه ليه معاكى
صبح وليل وياكى

دايما بتنكدى عليه
هو كان عملك ايه

عيبه انه طيب وعلى نياته وغلبان
بس يا عينى مالوش فى الفرح مكان

رصيده دايما عليكى خلصان
هيجيبلك منين بس يا ولداه الغلبان

قولتى عاوزه على العيد فستان جنان
جابهولك ومعاه شنطه وجزمه كمان

وكل طلباتك يا برنسيسه مجابه
من غير ما تقولى عاوزه اى حاجه

دايما هو تعبان وشقيان وعيان
ومش لاقى للنوم وقت ولا مكان

كبر وعجز المسكين قبل الاوان
ده حتى نسى انه كان انسان

ارحميه شويه حرام عليكى
ده قلب امه غضبان عليكى

العيشه بقة صعبه وتعبانه
وهو بيصرخ منك وبيقول اه يانا

اجيب منين واعمل ايه وازى
ماهو مفيش قرش فى جيبه مخباى

المرتب لشنطتك ياهانم اول بأول
ولو فيه حوافظ على طول بتتحول

منك لله روحى يابعيده
دايما مخلايانى كدا على الحديده

راح الغلبان يا عينى اتلحد ونام
خاف لا يجيله من النكد زكام

المصدر: †† ارثوذكس †† - من قسم: القسم الادبي

[MICKEY]

حوافظ

كنت ناوي اديك رد كويس علي موضوعك
لكن بعد الغلطة البشعه دي
مش هتعب نفسي اورد علي واحد جاهل زيك

اسمها حوافز ومش حوافظ




ملعون ابو مجانية التعليم اللي انتوا فيها
كاتكم نيله مليتوا البلد

[الناى الحزين]

المشاركة الأصلية كتبت بواسطة mickey كنت ناوي اديك رد كويس علي موضوعك لكن بعد الغلطة البشعه دي مش هتعب نفسي اورد علي واحد جاهل زيك اسمها حوافز ومش حوافظ ملعون ابو مجانية التعليم اللي انتوا فيها كاتكم نيله مليتوا البلد

ياعم ولا رد كويس ولا وحش
ياريت يكون ده اخر رد ليك فى موضوع ليا

[مينا الحديدى]

المشاركة الأصلية كتبت بواسطة mickey كنت ناوي اديك رد كويس علي موضوعك لكن بعد الغلطة البشعه دي مش هتعب نفسي اورد علي واحد جاهل زيك اسمها حوافز ومش حوافظ ملعون ابو مجانية التعليم اللي انتوا فيها كاتكم نيله مليتوا البلد

قلوا علمنى الهيافة يا بابا
قالة يا ابنى تيجى فى الحوافز وتسدر

[nermos1982]

موضوع جميييييييييييييييييييل اوى يا ناى بس ياريت توريه للمودام علشان نعرف رايها ايه؟ولا اقولك بلاش اوريهولها انا بنفسى انت عارفنى بحب اهدى النفوس
بجد جميل اوى يا ناى. ربنا يفرح قلبك بالمودام

[الناى الحزين]

المشاركة الأصلية كتبت بواسطة nermos1982 موضوع جميييييييييييييييييييل اوى يا ناى بس ياريت توريه للمودام علشان نعرف رايها ايه؟ولا اقولك بلاش اوريهولها انا بنفسى انت عارفنى بحب اهدى النفوس بجد جميل اوى يا ناى. ربنا يفرح قلبك بالمودام

ههههههههه
متشكر قوى قوى يا نانا
بجد ردك اسعدنى جدا
ربنا يفرح قلبك

[elphilasouf]

ههههههههههههههههههههههههه ههههه
حقا انت ناي فله واحب اقول لميكى خد دي كمان

اتلحد

[الناى الحزين]

المشاركة الأصلية كتبت بواسطة elphilasouf ههههههههههههههههههههههههه ههههه حقا انت ناي فله واحب اقول لميكى خد دي كمان

مش عاجبك انت كمان ولا ايه
؟؟؟؟؟؟؟؟؟؟؟؟؟؟؟؟؟؟؟
على العموم خلى بالك من نفسك لاغايه ما اشوفك وبعدها نتحاسب
قال فيلو قال

[عماد حسنى]

شكرا جدا يا ناى على الموضوع
موضوع دمه خفيف وجميل

[الناى الحزين]

المشاركة الأصلية كتبت بواسطة عماد حسنى شكرا جدا يا ناى على الموضوع موضوع دمه خفيف وجميل

متشكر جدا يا عماد على ردك الجميل
ربنا يفرح قلبك ويسعدك
طول ايام حياتك