[bisho03]

سابو اللى فى الدنيا لناسها وأخدوا كام حتة هدوم
ماهو مش هاممهم لون ترابه .. كل ده مش راح يدوم
كانت عيونهم بس ليه.. كان انشغالهم بس بيه
كان الصليب بس فى اديهم مش سلاح يتحامو فيه

والدير ماكنلوش اى سور ولا أى باب ولا حتى حارس
كان دير بسيط وسط الغلابه التعبانين خادم وكارز
كان اللى فيه رهبان وبس .. ولا حد يسمع أى حس
غير بس صوت التسبيحات .. والفجر أصوات الجرس

وف يوم ماكنش حد مستنيه ياناس ..
صوت الجرس بطل يدق من الاساس
واتدارت اصوات الملايكة المبهجه .. بأصوات رصاص
ساد الخراب من ناس متعرفش السلام
كان السلاح راعى المنافسه والكلام
والراهب اللى مافيش فى ايده غير صليبه ... يتخطف ...
علشان محلتوش غير ( سلام )

والميم بقدرة قادر فى تصريح تبقى ( ح ) متلفقة
قال ايه تبادل نار ياعالم .. بقى ده كلام يعقل بقى ؟؟؟
ومنين يجيب الراهب - اللى محلتوش غير صليبه - الآر بى جيه
او حتى سيف علشان يصد غزوه جايه مسبقه !!!

وخلاصة اللى بقوله ان الحق حق .. ومهما طال لازم يعود
أبو فانا مش هيسيب ولاده لرحمه مافهاش غير جحود
مهما يكون سبب اللى كان .. راح ييجو بالاسباب كمان
بس حقيقه معرفوهاش بان صاحب المكان
عمره ماهيحب السكوت

صـــــــــلـــــــــولـــ ـــــــى
Bishoy Guerges
Monday 9-6-08

المصدر: †† ارثوذكس †† - من قسم: القسم الادبي

[عماد حسنى]

بس حقيقه معرفوهاش بان صاحب المكان
عمره ماهيحب السكوت
------------
شكرا جدا جدا يا بيشو
على الموضوع بجد
وعمر ربنا ماهيسب ولاده ابدا
ربنا موجود
الف شكر بيشو
ربنا يكون معاك

[kamel]

وف يوم ماكنش حد مستنيه ياناس ..
صوت الجرس بطل يدق من الاساس
وأشباح جااااااات من بعيد تضرب رصاص
مناظرها وشوش كالحة كالوحوش
تهدم تخرب تدمر تكسر النفوس
يا أبو فانا حوش حوش
ربنا موجود وسيعرف الجميع
أن أجلا أو عاجلا
الرب يباركك ويحافظ عليك يا بيشو
ويحافظ على أولادة

[bisho03]

المشاركة الأصلية كتبت بواسطة عماد حسنى بس حقيقه معرفوهاش بان صاحب المكان عمره ماهيحب السكوت ------------ شكرا جدا جدا يا بيشو على الموضوع بجد وعمر ربنا ماهيسب ولاده ابدا ربنا موجود الف شكر بيشو ربنا يكون معاك

ميرسى عمده على تعليقك الجميل

[bisho03]

المشاركة الأصلية كتبت بواسطة kamel وف يوم ماكنش حد مستنيه ياناس .. صوت الجرس بطل يدق من الاساس وأشباح جااااااات من بعيد تضرب رصاص مناظرها وشوش كالحة كالوحوش تهدم تخرب تدمر تكسر النفوس يا أبو فانا حوش حوش ربنا موجود وسيعرف الجميع أن أجلا أو عاجلا الرب يباركك ويحافظ عليك يا بيشو ويحافظ على أولادة

شكرا استاذ كامل على التعقيب الجميل
والف شكر على تعليقك الرائع
سانكيو

[per]

بجد جميلة جدا عاوزين نشوف اشعار اكتر

[bisho03]

المشاركة الأصلية كتبت بواسطة per بجد جميلة جدا عاوزين نشوف اشعار اكتر

ميرسى كتيييييييييير ليك يا عسل

[كاترينا]

سابو اللى فى الدنيا لناسها وأخدوا كام حتة هدوم
ماهو مش هاممهم لون ترابه .. كل ده مش راح يدوم
كانت عيونهم بس ليه.. كان انشغالهم بس بيه
كان الصليب بس فى اديهم مش سلاح يتحامو فيه


ربنا موجود ميرسى ليك

[Malak sokar]

بجد جميل اوووي يابيشو ربنا يعوضك ومعاهم وابوفانا مش ممكن سيب اولادة

[bisho03]

المشاركة الأصلية كتبت بواسطة [size=6 كاترينا[/size];201133] سابو اللى فى الدنيا لناسها وأخدوا كام حتة هدوم ماهو مش هاممهم لون ترابه .. كل ده مش راح يدوم كانت عيونهم بس ليه.. كان انشغالهم بس بيه كان الصليب بس فى اديهم مش سلاح يتحامو فيه ربنا موجود ميرسى ليك

ميرسى كتير منوره موضوعى