[مجدي الخواجه]

كان فيه شاب خاطى جدااااا وبيعمل كل حاجة وحشة جه ف مرة وأعترف لرجل كبير وقاله انا انسان مش كويس وخطيايا كتيرة اوووووووى ........
,انا بكره نفسي........ وابتدأ يشكي له
رد عليه الرجل وقاله :هات زجاجه مليانه حبر وروح أرمي الحبر ده ف المحيط وشوف هيحصل ايه
المهم الشاب وافقه وعمل زى ماقال ورجعله تاني والشيخ قاله ها هل المحيط اتحول لحبر ؟؟
رد الشاب وقاله : لاء
انا بمجرد لما قلبت الحبر ده ف المحيط جت موجه وأخدته ومظهرش تاني
لون الحبر مأثرش ف المحيط

خطياك عاملة زى الزجاجة اللى ماليها الحبر انت شايفاها كبيرة اوى ومليانه بالخطايا لكن روح أرمى كل الخطيايا اللى تعباك ديه ف محيط حب ربنا مش هتظهر تاني
عشان دا وعده لينا لا أذكر خطياكم مرة أخرى وأرميها ف بحر النسيان
المهم انك تعترف وتتوب عشان تعرف تعيش صح
والتوبه تكون نابعه من جواك فعلا
وبعدها
زى ما ربنا هينسى خطياك انت كمان لازم تنساها ومش تفتكرها تانى
وتبقى انسان جديد وتبدأ صفحة جديدة مع ربنا
"كثيرا مانقول غدا أتوب وينتهى كل شىء حسنا ماذا تفعل لو مت قبل غد..؟؟؟؟
ان الذى وعدك بالغفران اذ تبت لم يعدك به اذا أجلت"
ربنا يقرب كل واحد بعيد عنه

انا سمعت القصة ديه قريب وحبيت أنقلها لكم

المصدر: †† ارثوذكس †† - من قسم: القصص النصية

[miro_rook]

ميرسي ليك ا/مجدي علي القصه الجميله ديه
ربنا يعوضك
(ان اعترافنا بخطايانا فهو امين وعادل)

[مجدي الخواجه]

المشاركة الأصلية كتبت بواسطة miro_rook ميرسي ليك ا/مجدي علي القصه الجميله ديه ربنا يعوضك (ان اعترافنا بخطايانا فهو امين وعادل)

الشكر ليك انت ولردك الاجميل
اقبل مني كل محبه

[karamla]

جميلة اوووووى
الرب يعوض تعبك خير

[zaza2006]

قصة جميلة جدا شكرا ليك

[samerco75]

اشكرك كتير خااالص

[مجدي الخواجه]

اشكركم احبائي لمروكم ومشاركتكم الجميله
اقبلو مني كل محبه

[مانـــوو]

قصه رائعه جدااا يا مجدى

ميرسى كتير ليك

[البوب الجديد]

عمو مجدى مش عارف اقولك اية بجد كلامك حلوا وى اوى بس ياريت تكبر الخط شوية

[kottah_sh]

بجد قصه حلوه اوى يا ا/ مجدى
ميرسى اوى لحضرتك