[عماد حسنى]

محطااااات

كلنا بنعبر بورقه وقلم .. الكل بيكتب بيصور ألم
بنكتب قصص حب وحنين .. بنكتب فراق وتعب وحنين
بنكتب أعماق ناس عايشين .. بنكتب خطاوى أقدام تايهين
بنكتب وبنكون دايماً عارفين .. خطوطنا قدامنا وعاملين ناسين
تعالوا نشوف كتابتنا زمان .. تعالوا نشوف كتابتنا الأن
تعالوا نشوف كتابتنا دى ليه .. نشوف سطورنا بتحكيلنا فى أيه
تعالوا نرجع بالذكريات .. نشوف كام قصه حب فات
تعالوا نشوف المسافات .. اللى كبرت بين الكلمات
تعالوا نشوف حقيقه جوانا .. كتاباتنا هى اللى عارفانا
تعالوا نرجع لكتاباتنا الحزينه .. تعالوا نرجع لكتابات امانينا
كتابات افراحنا ودموعنا فى عنينا .. كتابات احزانا اللى بتقوينا
تعالوا نرجع ونشوف معانينا .. نشوف أيه أتغير القلم ولا إيدينا
تعالوا نكتب كمان وكمان .. نكتب النهارده وبكره ونشوف اللى كان
نكتب كلام نكتب فرح او احزان .. نفضل نكتب فى تاريخ أنسان
انسان تعب من الدنيا .. تعب من نفس الروايه
انسان فى كل كتاباتنا.. حكايته بتحكى من تانى حكايه
انسان ماشى فى الحياه .. بيتعب بيوقع بيقول ألف آه
أنسان ماشى طريقهُ محطات .. محطه ينساها ومحطه بذكريات
محطه بيبكى بقلبه فيها .. ومحطه أتمنا مايعديش عليها
محطه تاخد منهً كتير .. ومحطه تقولهً أنا المصير
تعالوا نكتب ومنستكفاش .. دى محطات حياتنا ماهياش ببلاش
انا هاوقف القلم وكفايه .. لأنى لو طاوعته مش هايكتب نهايه

----------------

عماد حسنى

المصدر: †† ارثوذكس †† - من قسم: القسم الادبي

[miso]

محطه بيبكى بقلبه فيها .. ومحطه أتمنا مايعديش عليها
محطه تاخد منهً كتير .. ومحطه تقولهً أنا المصير
تعالوا نكتب ومنستكفاش .. دى محطات حياتنا ماهياش ببلاش
انا هاوقف القلم وكفايه .. لأنى لو طاوعته مش هايكتب نهايه
ههههههههههههههههه كل المحطات دى هتخلص عند محطة واحدة
هنروح من عندها ونسيب كــــــــــــــــــل ده ورانا

[عماد حسنى]

المشاركة الأصلية كتبت بواسطة miso محطه بيبكى بقلبه فيها .. ومحطه أتمنا مايعديش عليها محطه تاخد منهً كتير .. ومحطه تقولهً أنا المصير تعالوا نكتب ومنستكفاش .. دى محطات حياتنا ماهياش ببلاش انا هاوقف القلم وكفايه .. لأنى لو طاوعته مش هايكتب نهايه ههههههههههههههههه كل المحطات دى هتخلص عند محطة واحدة هنروح من عندها ونسيب كــــــــــــــــــل ده ورانا

الله على الرد يا ميسو
شكرا بجد جبتى من الاخر
شكرا جدا جدا ليكى وعلى حضورك الجميل
ربنا معاكى ويحافظ عليكى

[miso]

ههههههههههههههههههههههههه هههههه احلى حاجة يابنى ان الانسان يجيب من الاخر التطويل بيبقى فيه كلام كتير ملوش لازمة

[وردة حزينة]

بنكتب قصص حب وحنين .. بنكتب فراق وتعب وحنين
بنكتب أعماق ناس عايشين .. بنكتب خطاوى أقدام تايهين
بنكتب وبنكون دايماً عارفين .. خطوطنا قدامنا وعاملين ناسين

الله ياعماد برغم قسوه الكلمات واحساسها اللى حقيقى صعب
الا انى بقولك برافو على قوه وجمال تعبيراتك
ربنا يفرح قلبك ياعماد

[سمير الضعيف]

انسان ماشى فى الحياه .. بيتعب بيوقع بيقول ألف آه
أنسان ماشى طريقهُ محطات .. محطه ينساها ومحطه بذكريات
محطه بيبكى بقلبه فيها .. ومحطه أتمنا مايعديش عليها
محطه تاخد منهً كتير .. ومحطه تقولهً أنا المصير

كلمات مؤثره اوى اوى
والموضوع كله حقيقة عايشينها
شكرا اوى ياعمده على الموضوع الرائع ده

[عماد حسنى]

المشاركة الأصلية كتبت بواسطة وردة حزينة بنكتب قصص حب وحنين .. بنكتب فراق وتعب وحنين بنكتب أعماق ناس عايشين .. بنكتب خطاوى أقدام تايهين بنكتب وبنكون دايماً عارفين .. خطوطنا قدامنا وعاملين ناسين الله ياعماد برغم قسوه الكلمات واحساسها اللى حقيقى صعب الا انى بقولك برافو على قوه وجمال تعبيراتك ربنا يفرح قلبك ياعماد

شكرا جدا جدا يا وفاء ربنا يخليك وشكرا ان الموضوع عجبك والكلمات
ربنا يفرح قلبك وحياتك
الف شكر ليكى

[الماكس مايكل]

لا بجد موضوعك فوق ارئع بجد هاااايل جدا يا عمده
ربنا يفرح قلبك

[حنين سنين]

تعالوا نكتب كمان وكمان .. نكتب النهارده وبكره ونشوف اللى كان
نكتب كلام نكتب فرح او احزان .. نفضل نكتب فى تاريخ أنسان
انسان تعب من الدنيا .. تعب من نفس الروايه
انسان فى كل كتاباتنا.. حكايته بتحكى من تانى حكايه
انسان ماشى فى الحياه .. بيتعب بيوقع بيقول ألف آه
أنسان ماشى طريقهُ محطات .. محطه ينساها ومحطه بذكريات
محطه بيبكى بقلبه فيها .. ومحطه أتمنا مايعديش عليها
محطه تاخد منهً كتير .. ومحطه تقولهً أنا المصير
تعالوا نكتب ومنستكفاش .. دى محطات حياتنا ماهياش ببلاش
انا هاوقف القلم وكفايه .. لأنى لو طاوعته مش هايكتب نهايه

بجد بجد موضوع روعه
وحمدلله على سلامه موضوعاتك وحشيتنا كتير كتاباتك
يا فنان ربنا يفرح قلبك وبلاش توقف قلمك

[kamel]

انسان تعب من الدنيا .. تعب من نفس الروايه
انسان فى كل كتاباتنا.. حكايته بتحكى من تانى حكايه
وكل يوم لة حكاية وحكاية
وهاكذا لا نهاية للرواية....................
كما قال أحد الشعراء :
وما كاتب إلا سيفنى.. ويبقى الدهر ما كتبت يداة
فأكتب بخطك..ماتريد فى اّخرتك أن تراة
أشكر مواضيع المميزة ياعمدة
الرب يباركك ويكون معك