سلامى
ياقلبى ماتستغربش .. مفيش غالى الكل بيهون
كل شىء فى زمانا جايز .. كل شىء متوقع يكون
عدوك يرحم بحالك .. وأعز احبابك يخون
اللى فاكره اغلى الناس .. هو اللى يجرح ويبكى العيون
عجيبه يا دنيا الخداع .. كل الوجوه بمليون قناع
مفيش حبيب مفيش صديق .. الكل فيكى أتفق وباع
سلامى لزمن الاوفياء .. سلامى لذكراياتى الهباء
سلامى لكل قلب بأخلاص .. عرف يغدر بأحاسيس الناس
سلامى لزمن الاحزان .. سلامى لكل انسان
صفحه وهاقفلها خلاص .. ح أتكلم مع مين خلاص
شكرا يا دنيا برافو .. لكل انسان عرفته
اتعلمت وعرفت الخلاصه .. والكل بانت حقيقته
يا دنيا أخرتك أيه .. مش برده طريق مهجور
كره وخداع وكداب .. ونهايه السكه القبور
مش عايز منك امجاد .. هابعد وكفايه احقاد
متنازل عن افراحك .. هابعد وكفايه جراحك