تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



قسم المناقشات الثقافيه والعلميه قسم عرض المعلومات الثقافيه والعلميه ومناقشتها للارتقاء وتطوير الاعضاء

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


اضافة رد

 
أدوات الموضوع انواع عرض الموضوع

بياناتي
 رقم المشاركة : ( 11 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

افتراضي رد: الفحص الطبي قبل الزواج

كُتب : [ 03-11-2009 - 12:06 PM ]


يا جماعة .. أنا عايز أقول رأيي بصراحة و بدون تجريح ... ما فيش حد من حقه أجبار حد علي الفحص الطبي !!!
دي مسألة أقتناعات شخصية و الموضوع جدالي جداً و جميع الآراء فيه لازم تحترم و رغبة الشخص فيما يخص جسمه لازم هي كمان تحترم و من الظلم أننا نتهم أي عريس مش عايز يعمل تحليل محرج زي تحليل السائل المنوي أنه " عايز يخبي عيب معين " .. ده لا يصح مسيحياً .. في الكنيسة عندنا فبه حرية فردية و قداسة البابا شنودة نفسه
ضد أجبارية الفحوصات المحرجة .. من فضلكم .. أدخلوا علي الموقع الرسمي للبابا و نزلوا محاضرة الأربعاء
19 مارس 2008 و هتسمعوا بنفسكم !!!
يا جماعة .. اللي مقتنع بالموضوع يعمله و يحاول بالأقناع أن شريك حياته يعمل الجزئيات اللي يقبلها في الفحص
بدون ضغوط و في أي مكان ( مستشفي خاص .. معمل محترم .. مستشفي كنيسة ) ..
و ربنا يكون معاكم كلكم .....

رد مع إقتباس
Sponsored Links
بياناتي
 رقم المشاركة : ( 12 )
جيوفاني
ارثوذكسي متألق
رقم العضوية : 120
تاريخ التسجيل : Apr 2007
مكان الإقامة : Alexandria
عدد المشاركات : 339
عدد النقاط : 10

جيوفاني غير متواجد حالياً

افتراضي رد: الفحص الطبي قبل الزواج

كُتب : [ 03-11-2009 - 12:26 PM ]


بمناسبة الإقتناع وغير الإقتناع أنا عايز أحكيلك علي حكاية حصلت فعلاً فالمنطقة إلي بخدم فيها
كنت فمرة نازل مع أمين إعداد خدام إفتقاد عشان نشوفو ناس جديدة ينزلو معانا فإعداد خدام
فصدفة عرفنا إن فيه بنت مفيش حد بيشوفها نهائي ومش بتروح الكنيسة من ساعة ما إتجوزت فسألنا علي السر إنها مش بتخرج حتي من باب بيتهم عشان تشتري حاجة , غير كدة واحدة متجوزة إيه إلي يرجعها بيت والدها تاني وتتحبس الحبسة دي
المهم فييييين لغاية لما عرفنا الحكاية
أخدت بطلان زواج عشان هي مطلعتش بكر وخبت الحكاية دي علي جوزها مع إنها مكنتش تعرف
المهم أخدت بطلان زواج وحرمت من إنها تتجوز تاني
بعد ما أخدت بطلان الزواج والدتها أخدتها سر للدكتور عشان الفلاحين عاداتهم مش توافق إن بنتهم تعمل الكشف ده
المهم راحت عشان تعرف هي مش بكر ليه أو إيه السبب إلي خلاها مش بكر
وكانت إجابة الدكتور كالتالي :

البنت مش عندها غشاء بكارة من الأساس لوجود عيب خلقي غير مانع للحمل
يعني إتولدت من غير غشاء بكارة

تخيل معايا لو كانت عملت الكشف الطبي ده من البداية وعرفو الحكاية دي وهي قالت للشاب إلي عايز يرتبط بيها الحكاية دي مش كانت العواقب تبقي أهون ؟؟؟؟؟؟؟؟؟؟؟

شوفو حالها دلوقتي وحالها لو كانت عملت الكشف

وألف شكر ياباشا علي الموضوع الفوق رائع ده

رد مع إقتباس
بياناتي
 رقم المشاركة : ( 13 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

افتراضي رد: الفحص الطبي قبل الزواج

كُتب : [ 03-13-2009 - 03:14 PM ]


يا أستاذ جيوفاني يا محترم ..



أولاً شكراً جداً علي أهتمامك بالموضوع و ردك عليا ...



ثانياً : أنا ضد أتخاذ نموذج شاذ للغاية .. كام النسبة المئوية للحالة دي ؟!



سمعت أنه فيه طيارات بتقع و كل اللي فيها ( بعد الشر ) بيموتوا ؟! هل معني كدة أن ما حدش يركب طيارة بعد كدة ؟!



لأة طبعاً ...



خليني أنا أقول لحضرتك أن أنا عايش في عائلة ( طويلة عريضة ) و لي معارف لا تعد و لا تحصي و لم أري أي شخص في حياتي حصل علي بطلان أو طلاق .. و ربنا يشهد علي كلامي دة !!



و بعدين .. كل واحد حر.. يروح يكشف أو ما يروحش حسب أقتناعاته الشخصية .. في النهاية رأيه لازم يحترم و يؤخذ به لان الأشخاص المتقدمون للزواج هم أشخاص بالغون و عاقلون و لهم حق الأقتناع أو عدم الأقتناع و لهم أيضاً الحق في الموازنة بين الأحراج الناجم عن بعض جزئيات الفحص و أحتمال تسرب النتائج و بين الفائدة المنتظرة من الفحص ثم بعد ذلك لهم حق أتخاذ القرار بالخضوع للفحص أم لا !!!



و بعدين يا سيدي .. ننصح الناس بأنه يوجد حالات شاذة قليلة للغاية و أنه ممكن أي حد يطلع حظه وحش و يبقي من الحالات دي و الأهم من كدة أننا نقول للناس : أنه نسبة التشوهات الخلقية للأعضاء دي لا تتعدي الواحد في الألف و بعد كل دة .. برضوا نسيب القرار النهائي في أيديهم !!



الكنيسة هي بيت المسيح .. و لأنها بيت المسيح فهي يجب أن تكون المدافع الأول عن الحقوق الشخصية و الفردية !




بيترو أكمل


* تم حزف الميل بناء ع قوانيين المنتدي


التعديل الأخير تم بواسطة elfankoush1 ; 03-13-2009 الساعة 03:21 PM سبب آخر: change font to larger one

رد مع إقتباس
بياناتي
 رقم المشاركة : ( 14 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: الفحص الطبي قبل الزواج

كُتب : [ 03-13-2009 - 03:26 PM ]


امممممممممممم انا رايي بصرحه انه المفروض فعلا يكون فى كشف
ع الاقل عشان النسبه القليله دي
يعنى بالاولى ان كنا عرفين ان فى حاجه فى الطياره ممكن توقعها المفروض نصلحها حتى لو احتمال وقعها بالسبب ده 1 %
يعنى من اجلى ال 1 %

رد مع إقتباس
بياناتي
 رقم المشاركة : ( 15 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

افتراضي رد: الفحص الطبي قبل الزواج

كُتب : [ 03-14-2009 - 12:40 PM ]


أحترم جميع الآراء الواردة في المنتدي , أشكر أدارة المنتدي لأنها تتيح فرصة المشاركة للجميع بدون أي حجر علي آرائهم لأن هذا هو عشمنا في الكنيسة و الخدام و الرعاه أن يحترموا الرأي و الرأي الآخر مهما كان مختلفاً معهم .



فالديموقراطية في الكنيسة موجودة و لازم تفضل موجودة لأن الكنيسة هي بيت الله و أحساسي أني أري رأيي علي الشاشة بيزود من أحساسي أن الكنيسة هي بيتي اللي أقدر أقول رأيي فيه بصراحة مطلقة .



ممكن بعد أذنكم أكمل رأيي ...



الكشف الطبي قبل الزواج لو أصبح أجباري .. يبقي لازم نبحث في الكتب المسيحية عن كلمة أجباري و أصلها و مدي تواجدها أو عدم تواجدها في التاريخ الكنسي .


لن نجد كلام عن الكشف الطبي بالطبع في الأنجيل بس فيه " روح الأنجيل "


1-عنصر الأجبار غير متواجد بالمرة في حياه السيد المسيح له كل المجد الذي قال :



" ها أنا واقف علي الباب و أقرع " أي أنه فقط يقرع و لكنه ينتظر حتي يقوم الشخص بفتح الباب عن أقتناع .


2- الرسول العظيم بولس يقول


" ليس أننا نسود علي أيمانكم بل نحن مؤازرون لسروركم " كورنثوس الثانية 1-24



3- قول السيد المسيح له المجد :


" رؤساء الأمم يسودونهم و العظماء يتسلطون عليهم .. فلا يكون هكذا فيكم " مت 2



4- من كتاب الحب الرعوي لأبونا " تادرس يعقوب ملطي " الطبعة الثانية 2005 صادر من كنيسة الشهيد مارجرجس أسبورتنج :


ص 209 .. يناقش أبونا تادرس قول للقديس يوحنا ذهبي الفم


يعطي نصيحة رائعة عن أن المسيحيون ليس لهم أبداً أستخدام القوة الجبرية


كما يوجد في الكتاب مقارنة روحانية عن الفرق بين معاملة راعي الغنم للغنم و بين معاملة راعي النفوس أو الخادم لقطيع شعب الله



و يقصد الكاتب أنه يمكن أستخدام القوة لعلاج الأغنام بمنع الطعام عنها أو ربطها بالحبال لكي لا تتحرك


و لكن بالنسبة لقطيع شعب الله .. يشدد الكاتب و يستشهد بقول للقديس يوحنا ذهبي الفم أنه لم يعطي لنا نحن المسيحيون أن نستعمل القوة الجبرية لتصحيح الخطأ بل نستعمل الأقناع .


المقارنة رمزية و الهدف منها أن يفهم منها الناس عدم وجود مبدأ الأجبار في المسيحية .



أيضاً نفس الكتاب ص 598 يقول القمص تادرس أن دور الخادم في حياة الفرد ينطبق عليه قول السيد المسيح


" أنتم ملح الأرض " و يقول أن الملح يوضع في الطعام بنسبة ضئيلة بحيث لا يشعر الشخص بطعم الملح بصورة مبالغ فيها فاذا زاد الملح فسد الطعام .. و يقول الكاتب بالحرف الواحد


" ليكن الكاهن كالملح لا يفرض شخصيته و ميوله و مواهبه علي الغير .. أنما يقدم لمسات الحب كالنسمة الهادئة لتسند و تعين دون أن تحطم مواهب الغير و حرية أرادتهم .



5- من الكتب الرائعة أيضاً كتاب " موسوعة الخادم القبطي – لاهوت رعوي " بلش تتخضوا .. ده مش كتاب عن اللاهوت الألهي لكنه كتاب مبسط و عميق عن الرعاية و العلاقة بين الخادم و المخدوم و أزاي المفروض تكون


هاتوه و أقرؤه خصوصاً ص 143 و 144 .



النتيجة النهائية : لم أجد أجبار أو أكراه مادي أو معنوي في حياه السيد المسيح أو رسله الأطهار


أو أي قول لآباء الكنيسة الأولين يشجع علي فرض الرأي بالقوة الجبرية علي شخص غير مقتنع


بأي أمر .



أخيراً.. الي ا\ الفيلسوف .. من حقك طبعاً أن تقول أنك عايز يبقي فيه فحص علي الكل علشان نسبة الواحد في الألف اللي عندهم مشاكل و لكن من حقي ألا أوافقك في الرأي .. طيب و ال 99,99 % اللي معندهمش مشاكل ذنبهم أيه يجبروا علي حاجة هما مش عاوزينها ؟؟!!


موضوع الطيارة ده مجرد مثال صغير لتقريب رأيي و لكن لاحظ من فضلك أنك لما بتصلح طيارة فأنك تتعامل مع ماكينة حديدية لا مشاعر لها لكن لما بتتكلم عن فحص طبي علي أجزاء خاصة جداً من جسم الشخص فأنك تتحدث عن أجساد بشر لهم مشاعر و أرادة ,ان هناك حرمة للأعضاء التناسلية للأشخاص تكفلها روح المسيحية و يكفلها القانون و الدستور و المعاهدات الدولية .



كمان بعد أذنك فيه حاجه كمان .. من حقي أن أقبل أو أرفض أي حاجة هتتعمل في جسمي !!



علشان أقبل أني أتعرض لفحص محرج .. لازم يكون فيه ضرورة علاجية مؤكدة تهون عليا الأحراج بتاع الفحص


أما أني أروح أعمل كشف محرج علشان فيه واحد من كل كام ألف واحد عنده مشكلة ( و أنا غالباً عارف أني كويس ) فأن هذا الأمر لا يمكن فرضه علي أبداً بس ممكن أقبله لو أنا مقتنع بيه


و علشان أكون مقتنع لازم أشعر أن المشاكل اللي بأسمع عنها هي " حقيقية و غير مبالغ فيها "


و لازم كمان أكون علي الأقل شاكك بصورة قوية أن جسمي أنا فيه حاجة غلط .


أتمني أن كلامي يكون معقول الي حد ما ..



و أشكرك أيها الفيلسوف و أشكر جيوفاني علي أهتمامكما بالموضوع ...



الفنكوش .


التعديل الأخير تم بواسطة elfankoush1 ; 03-14-2009 الساعة 12:50 PM سبب آخر: add

رد مع إقتباس
بياناتي
 رقم المشاركة : ( 16 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: الفحص الطبي قبل الزواج

كُتب : [ 03-14-2009 - 09:28 PM ]


رايك جميل وحل وانا متفق معاك فى حاجات كتير
بس قولى لو انت عاوز تتبرع بالدم مش لازم الاول يحصل كشف ع جسمك ونشوف ان كان خالى من الامراض ولا لأ ؟؟

كمان الزواج فمن حق الشريك التانى انه يتأكد من خلوك من الامراض الى ممكن تضره بعد كده
وانا فى رايي ان تعاليم الرسل بتوصي ان يكون الطرفين ع درايه كامله بمشاكل الطرف التانى الصحيه وانا هحاول اوصل للموضوع من كتب الدسقوليه او الكتب الرسوليه التانيه

كمان موضوع الكشف الطبى قبل الزواج اصبح قانون اجباري ع كل الزوجين
واصبج قانون مدنى اجباري قبل الزواج

اشكرك ع نقاشك الحلو ياجمل اخ

رد مع إقتباس
بياناتي
 رقم المشاركة : ( 17 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

Sm111 رد: الفحص الطبي قبل الزواج

كُتب : [ 03-16-2009 - 02:00 PM ]


الي الأخ العزيز \ فيلسوف ....



أشكرك علي أهتمامك و ردك ..



أسمح لي أكمل مناقشة معاك ...



انت بتقول " من حق الطرف التاني أنه يطمأن علي خلوك من الأمراض ..



كويس .. يبقي الموضوع ده بيني و بين الطرف الثاني لأنه في الزواج يكون فيه أطراف كتير أوي


( الكنيسة + الأهل + العريس و العروسة ) من وسط كل هذه الأطراف هناك طرفان فقط أصليان هما العريس و العروسة و بقية الأطراف لها دور مهم و لكنها ليست أطراف " أصلية "..


فالكنيسة هي وسيط أساسي لنزول الروح القدس في سر الزواج و لكن في النهاية فان السر ينزل علي العريس و العروس فقط .. أكرر العريس و العروسة فقط .. اذن من المفروض ان لا يتدخل ( وسيط ) ليفرض علي الأطراف الأصلية ما لا يقتنعون به !!



ينبغي أن يترك أمر الفحص الطبي ليكون بالتفاهم بين العريس و العروسة أو الخطيب و الخطيبة و نتركهم يعملوا


الأجزاء التي يقبلونها من الفحص بدون ضغوط لأنه فيه جزئيات في الفحص بتكون محرجة و العريس مش عايزها أو العروسة مش عاوزاها و عندهم أستعداد للتنازل عنها و بيضطروا لعملها " غصب عنهم " !!



حضرتك بتقول " التبرع بالدم " .. طيب مش ممكن حد يجبرك علي التبرع بدمك أصلاً لأنك لما بتعمل كدة بتعمل


عمل أنساني أنت مقفتنع بيه .. ممكن يتطلب منك .. لكن مش ممكن يتم أجبارك علي التبرع بدمك .



قانون مدني .. ماشي .. بس الدولة مش رأسها المسيح .. أما الكنيسة فلها رأس واحد هو السيد المسيح له كل المجد و تعاليم السيد المسيح واضحة و صريحة و روح الأنجيل تنهي عن فرض الرأي بالقوة الجبرية ..


و سياسة كل جكومات العالم هي فرض مل تريده بالقوة الجبرية علي الأفراد ..


بينما الكنيسة هي كيان قائم علي المحبة و ليس القوة .. أيضاً فأن الأداريات هي أكثر ما يهم الدولة


أما الروحانيات فهي أكثر ما يهم الكنيسة .. فالكنيسة كيان روحي عميق و ليست جهة أدارية .



علي فكرة .. فيه دعوي قضائية تقدمت بها أحدي منظمات حقوق الأنسان ضد سياسة الفحص الطبي الأجباري تتهمه


فيه بأنتهاك حقوق الأنسان في الخصوصية الجسدية و سرية البيانات الطبية و عدم أحترام أرادة الأشخاص و بمناقضته للدستور المصري و المعاهدات الدولية


و بغض النظر عن نتيجة القضية التي لم يتم الفصل فيها حتي الآن و التي ربما تخضع لمعايير كثيرة جداً تتحكم في


القرار النهائي الذي سيصدره القاضي .. الا انه ليس من مصلحة الكنيسة علي الأطلاق أن تتساوي سياستها أمامي مع سياسة أي حكومة من حكومات العالم !!!



للكنيسة في قلبنا كلنا مشاعر خاصة .. علشان كده عشمنا فيها أكبر من عشمنا في أي مكان تاني !



خليني كمان أكلمك عن نقطة ثانية : خصوصية البيانات الطبية



الأساس في تعامل الطبيب مع المريض هو السرية و عدم فضح أسرار المريض الطبية أمام أي شخص


و يقسم الأطباء علي ذلك قبل مزاولة مهنتهم الأنسانية , حيث تعتبر بيانات الشخص الطبية أمر خاص به وحده


و أمر شخصي , فكيف يقوم الطبيب بكتابة تقرير عن الحالة الصحية للشاب أو الفتاه و سيتم بالتأكيد الأطلاع عليه من الطرف الآخر و غالبا أخبار الأهل بنتائج الفحص للطرف الآخر لأنهم بلا شك سيسألون عن نتائج الفحص ؟!



و كذلك فأنه يتم أجراء هذه الفحوصات في بعض الكنائس قبل الخطوبة و ليس قبل الزواج و يتم اعلام الطرفين بنتائج الفحص الطبي, فاذا حدثت مشكلة بين الخطيب و الخطيبة و قررأحدهم العدول عن الخطبة( أو لم تحدث خطوبة أصلا بسبب نتائج الفحص الطبي).. فما الذي يضمن عدم تسريب البيانات الطبية من أحد الطرفين بهدف التشويه (في حالة حدوث مشاكل عائلية) ؟!


أن العدل يقتضي أن يقوم من يطلب الكشف بصورة أجبارية بتوفير الضمانات الكافية للطرفين بعدم تسريب النتائج , و و في حالة عدم أمكانية ذلك فأعتقد أنه ليس من العدل أن يطلب الكشف بصورة اجبارية أصلا .


( يضار من هذا الأمر الرجال بصورة خاصة لأن معظم الفتيات لا يخفين أي شيئ علي أسرهن و تتفاقم هذه المشكلة في المدن الصغيرة بتأثيرها علي سمعة الأشخاص بصورة ملحوظة ) .



أيه رأيك في الكلام ده ؟!



الفنكوش



التعديل الأخير تم بواسطة elfankoush1 ; 03-16-2009 الساعة 02:01 PM سبب آخر: change font

رد مع إقتباس
بياناتي
 رقم المشاركة : ( 18 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: الفحص الطبي قبل الزواج

كُتب : [ 03-16-2009 - 04:57 PM ]


اولا محدش ينكر اهميه الفحص الطبى للمتقدمين للزواج وراجع الموضوع الاصلى لمعرفه اهميته..
هذا الجزء من الموضوع الاصلى

اقتباس
الفحص الطبي للمقبلين على الزواج هام جداً من أجل حماية كل من الطرفين من عدوىَ محتملة (ولوبنسبة ضئيلة) وأيضاً لاستقبال نسل سليم خال من الأمراض وخاصة الأمراض الجنسية والوراثية ...

أهمية وفوائد الفحص الطبي قبل الزواج
1) ليكون المقدمين على الزواج على علم بالأمراض الوراثية المحتملة لأطفالهما فيما بعد ... فإن وجد احتمال أمراض وراثية معينة نتيجة تلاقي بعض الصفات الوراثية من كل من الأب والأم (خاصة نتيجة زواج الأقارب) فأمامهما الاختيار مُسبقاً في عدم الإنجاب أو عدم إتمام الزواج ...

2) الزواج خاصة في المسيحية عقد وعهد يُبنى على أساس أن العلاقة بين الزوجين دائمة ومستمرة طوال الحياة لذا فمن حق كل طرف أن يعرف أكثر ما يمكن عن الطرف الآخر(بما فيه معلومات صحية وطبية) قبل أن يقرر الاختيار النهائي الواعي المُدرِك والذي لا رجعة فيه.

3) تقديم النصح للمقبلين على الزواج إذا تبين وجود ما يستدعي ذلك بعد استقصاء التاريخ المرضي والفحص اللازم واختلاف رمز الدم .

4) أن مرض"التلاسيميا" (نقص كرات الدم الحمراء وتدميرها تدمير مستمر والدم دائما ينحل ويُفقَد) وهو ما يطلق عليه "فقر دم البحر الأبيض المتوسط" وهو المرض الذي ينتشر بشكل واسع وواضح في حوض البحر المتوسط ، هذا المرض توجد وسائل قبل الزواج للوقاية من إنتقاله لأحد الزوجين .

5) المحافظة على سلامة الزوجين من الأمراض فقد يكون أحدهما مصاباً بمرض معدي فينقل العدوى إلى الشريك السليم.

6) بالفحص الطبي يتأكد كل واحد من الخطيبين من مقدرة الطرف الآخر على الإنجاب وعدم وجود العقم ، ويتبين مدى المقدرة على المعاشرة الزوجية عند الزواج (فالمعاشرة الزوجية تتطلب جهد جسماني وعصبي قد لا يتحمله أصحاب أمراض معينة ... وبعض أمراض القلب مثلا تشكل خطورة على الحمل والولادة ) .

7) بالفحص الطبي يتم الحد من انتشار الأمراض المعدية والتقليل من ولادة أطفال مشوهين أو معاقين والذين يسببون متاعب لأسرهم ومجتمعاتهم.

8) ويدخل في إطار هذا الكشف معاينات في علم الوراثة إذا أمكن إجراؤها وهو علم حديث للتأكد مسبقاً من صحة النسل وسلامته . فالأخصائي يمكنه إرشاد العروسين بنسبة عالية من الدقة ومن خلال فحوصات عن الأمراض الوراثية ما إذا كانا قادرين على إنجاب سليم صحياً أم لا. فمرض ( المنغوليزم ) عند الأطفال مثلا وهو مرض عقلي وجسدي يأتي بالوراثة ويمكن تفادية بإجراء الفحوص الوراثية عند ذوي القربى ... كما يمكن اكتشاف سبب موت الأجنة قبل ولادتهم .

اقتباس

أن العدل يقتضي أن يقوم من يطلب الكشف بصورة أجبارية بتوفير الضمانات الكافية للطرفين بعدم تسريب النتائج , و و في حالة عدم أمكانية ذلك فأعتقد أنه ليس من العدل أن يطلب الكشف بصورة اجبارية أصلا .


وايضا من الموضوع الاصلى هذا الجزء
اقتباس
السلبيات المتوقعة نتيجة الفحص
1. قد يحدث تسريب لنتائج الفحص ويتضرر أصحابها خاصة العروس فقد يفسخ الخطيب خطبته لها.


فانا اخيرا وصلتلى وجه نطرك
لكن خلينا نتفق على ان من حق كل طرف منهم -المخطوبين - ان يعرف كل منهم عن الاخر الحاله الصحيه للطرف التانى معرفه تامه ، بشرط ان تكون فى سريه تامه فلا يعرف غير هـــذان الطرفان -الخطيبان - نتيجه الفحص الطبى او الحاله الصحيه لكل منهم .

يعنى المشكله كلها فى سريه النتائج مش فى الفحص
ودي مشكله مش فى ايدي والواجب تجاه الكنيسه او الحكومه تأمين سريه نتائج الفحص.....وانا عن نفسي لاجد ضامن لتأمين نتائج الفحص غير ان الذي دخل الشك فى نفسه يتقدم اولا فى سريه بالفحص بمفرده ليتأكد من نفسه .

رد مع إقتباس
بياناتي
 رقم المشاركة : ( 19 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

افتراضي رد: الفحص الطبي قبل الزواج

كُتب : [ 03-16-2009 - 06:17 PM ]


المشكلة في أن أجبارية الفحص تتناقض مع مبادئ مسيحية و أنسانية
تسريب البيانات هو جزء من المشكلة
التضخيم الأعلامي المبالغ فيه للموضوع أيضاً مشكلة لأن الموضوع يتم التعامل معه من زاوية
" سكر حلوة الدنيا سكر .. تارا لم لم !! " و أنك لو رحت عملت الفحص قبل ما تتجوز حياتك هتبقي جنة ..
وولادك " صعب أوي " ان يطلع عندهم مشاكل طبية مع أن الفحص لا يبحث الا في مرضين وراثيين فقط لا غير من وسط المئات من الأمراض الوراثية التي يمكن أن تصيب الطفل ! ( أنيميا + توافق أر أتش )
و أن الفحص " خطير " لأنه هيمنع الأمراض المعدية .. مع أن الأمراض اللي يتضمنها الفحص ممكن تيجي للشخص
في أي وقت من عمره بعد الزواج ( أمراض القلب + أمراض الدم المعدية الفيروسية المعدية ) و شريك حياته ممكن تتنقل ليه برضه !!
و مع أن أكثر دول العالم تقدماً في المجال الطبي لا تطبق موضوع الفحص الطبي بصورة أجبارية علي مواطنيها لعدم جدواه للأسباب السابقة و أحتراماً لخصوصية أجسادهم !!
و المشكله كمان .. أن فيه أشخاص بيقولوا : " علشان تتطمن هتخلف و لا لأة " مع أن تحليل السائل المنوي لا يقيس قدرة الحيوان المنوي علي أيجاد البويضة ( قدرة كيميائية ) و لا يقيس قدرة الحيوان المنوي علي أختراق البويضة
و كل الناس اللي بتتكلم في الموضوع ده نسيت أن فيه تقرير لمنظمة الصحة الغالمية صادر عام 2001 بتنتقد فيه
بشدة هذا التحليل و بتوصفه كالآتي :
لا يمكن الأعتماد عليه بدرجة كبيرة و بأنه تحليل يفتقد للدقة و المعايرة و المقاييس الثابتة بين المعامل المختلفة ( معامل أوربا و أمريكا التي هي أكثر تطورا من معاملنا ) و بأن الفني القائم بفحص العينة يعود اليه تقدير عدد الحيوانات المنوية حسب أهوائه الشخصية و رأيه الخاص و كذلك الحركة و الشكل العام للحيوان المنوي , و كذلك ثبت بصورة علمية
مؤكدة وجود تذبذب كبير جدا لنتائج نفس الفرد في خلال فترات زمنية قصيرة و أيضا وجود عوامل كثيرة للغاية تتحكم في النتائج منها الأخطاء الحسابية للفني القائم بعمل التحليل
كمان الناس تتجاهل أنه فيه ناس سليمة جداً طبياً و لكنهم لا يرزقون بأطفال علي الرغم من قيامهم
بأجراء أدق التحاليل التي أثبتت سلامتهم التامة !
كمان فيه مشكلة ثانية .. أن الموضوع عايم .. بتدخل للدكتور .. من حقه أنه يطلب منك أي حاجة ممكن تتخيلها !!
يعني لو الدكتور ما أستخفش دمك .. ممكن أوي يطلب منك أنه يعمل لك " كشف بروستاتا " مثلاً .. و لو جدع
ابقي قول لأة .. أبسط حاجة هيقول لك .. " و أنا مش هأوقع علي الشهادة الا بعد الفحص دة "
أيه اللي يحمي الناس من دكتور متزمت و متعنت طالما أن الفحص يعطي للطبيب سلطات غير محدودة ؟!
سؤال كمان .. أفترض أن واحد هيتجوز من منطقة تطبق الفحص الطبي بصورة أجبارية و هوة مش مقتنع و خطيبته مش مقتنعة .. يبقي ليه يعملوا الكشف طالما أن هما الأثنين مش عاوزينه ؟!
لما يروحوا يكشفوا " غصب عنهم " يبقي ده أسمه " قهر " و لا لأة ؟!
ليه ما يكونش الفحص الطبي أختياري و لو في بعض جزئياته الخاصة جداً ؟!ّ

رد مع إقتباس
بياناتي
 رقم المشاركة : ( 20 )
elfankoush1
ارثوذكسي جديد
رقم العضوية : 54023
تاريخ التسجيل : Mar 2009
مكان الإقامة :
عدد المشاركات : 16
عدد النقاط : 10

elfankoush1 غير متواجد حالياً

افتراضي رد: الفحص الطبي قبل الزواج

كُتب : [ 03-28-2009 - 11:50 AM ]


عندي تعليق بسيط علي جزئية " فحص غشاء البكارة للتأكد من سلامته و مدي صلابته أو الكشف عن أي أمراض او التهابات " و هي فقرة منقولة بالنص من المشاركة الأصلية ...


يا جماعة .. ده أسمه بالبلدي كدة " كشف عذرية " ...

يا سادة يا محترمين .. كشف العذرية الأجباري مجرم دولياً و يصنف في القانون الدولي تحت بند التحرش الجنسي


و هو فحص مهين و مذل للمرأة لأنه كشف أخلاقي و ليس طبي لأن الطب الحديث أثبت بصورة قاطعة أن غشاء البكارة ممكن جداً يتمزق لأسباب لا تتعلق بممارسة الجنس ( سقطة عنيفة – شلوت قوي – رياضة عنيفة – حادث مروري ) و كمان فيه عمليات ترقيع للغشاء و لا يستطيع أي شخص أو طبيب في العالم أكتشافها .


و كمان كلمة أجباري نفسها غير متفقة مع القوانين الدولية و الأنسانية و المبادئ الدينية التي تحترم أرادة الأنسان و حرية فكره و حريته الفردية في الأقتناع أو عدم الأقتناع بأي شيئ يتعلق بجسده , و كمان كلمة أجباري تتضمن أستعمال أساليب الترهيب أو الترغيب المختلفة و هذه تشمل أفزاع الناس بكلام مثل " مين اللي يضمن لك يا بنتي أنه مش هيطلع غبي و يقول عليكي غير عذراء بعد الزواج ؟! " أو أستعمال الضغوط الأجتماعية مثل " ماتروحي تكشفي .. هوه أنتي خايفة من الكشف ليه ؟! أنتي مخبية حاجة ؟! "


و كمان فيه ناس بتقول أنه مافيهاش حاجة خالص طالما أن الفحص يجري علي يد طبيب أو طبيبة و هذا منتهي


المغالطة حيث أن هذا الفحص المهين يجري علي يد طبيبة للتستر علي أجراميته علي الرغم من أن أي " داية "


ممكن تعمله !!!


أيضاً .. يعترف الطب بمبدأ " ضد النصيحة الطبية " حيث يحظر علي الطبيب أجبار المريض علي أي شيئ


( طالما أن المريض غير فاقد الأهلية اي بكامل قواه العقلية ) ..


أدعوكم للبحث في شبكة الأنترنت علي كلمة :


Forced virginity examination


علشان تشوفوا بنفسكم أد أيه الفحص ده مهين و مذل للمرأة و أدعو كل فتاه للوقوف بشدة و بقوة و بعنف ضد أي


شخص يطالبها بأجراء هذا الفحص المهين لأي سبب و التقدم بشكوي رسمية ضده في المجلس القومي للمرأة


حيث أن مصر موقعة علي معاهدة " سيداو " التي تحظر هذه الفحوصات المهينة .


أيضاً أدعو الجميع أن يعرفوا أن الأشخاص الذين يطلبون الفحص يعرفون أنه مجرم دولياً لذا يحاولون الأختباء وراء


مصطلحات مطاطة مثل " الكشف عن الأمراض التناسلية كالزهري و السيلان " أو " الكشف عن التشوهات الخلقية للأعضاء التناسلية " و هي مرادفات لفحص العذرية و هذه أيضاً ممنوع أن يتم أجراؤها بصورة أجبارية لأن الحظر


يشمل أي فحص يتضمن أجبار الشخص علي الكشف بدون أرادته علي الأجزاء الحساسة من جسده كالأعضاء التناسلية و منطقة الشرج .


و بعدين .. أي واحد يشك في أخلاق بنت .. ما يتقدمش لها من الأول و خلاص !

وشكراً لكم ..
و كمان عندي سؤال مهم أوي .. هوه مافيش و لا بنت قرأت الكلام دة ؟! أزاي البنات يقبلوا علي نفسهم أن يتعمل لهم
كشف عذرية ؟!
و أزاي أي راجل يقبل علي خطيبته و علي كرامته أن ده يحصل ؟! ليه .. هي البنت اللي أنت متقدم لها دي .. أنت جايبها منين علشان يتعمل لها كشف عذرية و أنت مش مدي للموضوع أهمية ؟!
وشكراً لكم ..





التعديل الأخير تم بواسطة elfankoush1 ; 03-28-2009 الساعة 11:55 AM سبب آخر: ADD

رد مع إقتباس

اضافة رد

مواقع النشر (المفضلة)

الكلمات الدلالية (Tags)
شكرا, دلوقتي, بجد, بمناسبة, بيشوى, بيها, حبيبي, حاجة, حصلت, حلو, حكاية, الدكتور, البداية, البنت, الحكاية, الزواج, السبب, الموضوع, الكشف, الكنيسة, اووووووووى, رائع, جدا, إجابة, إعداد, عشان, عايز, عملت, على, زواج, ساعة, تخيل, تعرف, ؟؟؟؟؟؟؟؟؟؟؟, size, معانا, معايا, مهم, مفيش, قالت, لغاية, ليك, نهائي, واحدة, والدها, وربنا, وكانت, فعلا, فعلاً, فيها

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفحص الطبى قبل الزواج emmmy قسم المناقشات الثقافيه والعلميه 11 05-05-2010 08:55 PM
موسوعة 1000 سؤال اجاب عنه قداسة البابا شنودة فى المحاصرات الاسبوعية Rss مواضيع منقولة من مواقع اخرى بخدمة Rss 0 08-13-2009 08:00 AM
الزواج العرفى2 مادونا نبيل المنتدى العام 6 04-30-2009 12:07 AM
قبل الزواج وبعد الزواج.... the shark الضحك والفرفشة 0 08-11-2008 09:19 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 03:05 PM.