[وردة حزينة]

تعلم ان تستر على ابنك قصه روووووووووعه

استر علي ابنك

الانسان اللى عنده مبدء صعب جدا انه يحرج اهله

او حتى معرفه


مايكل

مايكل ده مشكله
عنده34 سنة متجوز
وخادم اعدادى
سعاعات شغال وساعات لا!!!!!!!!!!!! !!؟
حتى الخدمة ساعات بيخدم وساعات لا!!؟
المهم
مشكلته
انه عايش الدنيا من غير هدف
حتى جوازه من غير هدف

مايكل كل لما يشوف حد يستلف منه
وخصوصا اولاده فى الخدمه


مايكل: ازيك يا مارك
مارك: ازيك يا استاذ مايكل
مايكل: بقولك ايه يا حبيبى معاك فلوس؟؟؟
مارك :ايوة يا استاذ مايكل 5جنيه
مايكل : طيب معليش هات 3 جنيه علشان انا فلوسى نيستها وبكرة ادهالك


طبعا ما فيش بكرة

يستلف حتى من اولاده فى الخدمة
من امهات المخدومين اولاده


المهم سيرته على كل لسان
الكنيسة كلها عارفه كده عنه


المهم

هو شخص غير مرغوب فيه
ودايما عامل نفسه قديس


فى مرة مراته تعبت
وكان عاوز يوديها لدكتور بس معوش فلوس
مع الاسف
فكر

خطط

راح


راح دخل الكنيسة
والكنيسة فاضية وكان بالليل
وفكر انه يسرق صندوق الكنيسه

ومسك سلكة وحاول يطلع الفلوس

وفعلا طلع على حظه ورقه 100 جنيه
وهو خارج قابله ابونا
ابونا : ازيك يا اخ مايكل
مايكل : الحمد الله كويس
كنت جى احضر التسبحة بس ما لقتش حد
صلواتك يا ابونا
ابونا : الميسح يحميك ويحافظ عليك



وبعدها بيومين
الفكرة عجبته
راح فى نفس المعاد وعمل نفس الحكايه
وسرق مرة واتنين


وفى مرة
وهو بيسرق شافته ام واحدة من المخدومين عنده
مايكل اضخد ووشه جاب الوان ومعرفش ينطق

الام: ايه ده هو انت بتسرق مش كفايه بتستلف فلوس منى ومن ابنى مارك


مايكل : ارجوكى بلاش صوت عالى
الام: ده انا هفضحك
مايكل :ارجوكى انا هديلك كل اللى اخته منك
الام : طبعا من السرقة

وصوتهم على وهو حاول يسكتها وحاوك يحط ايده على بقها علشان تسكت وهى مسكت فيه

وبقت حكايه والناس اللى فى الكنيسه اتلمت

حتى ابن الست جيه وحاول يضرب استاذ مايكل

وفجاة دخل ابونا ابراهيم
الامك: شفت الواد ده بيسرق و و و و و




===========

شباب
مين يقول مشكلت مايكل الحقيقيه ايه؟؟؟

وتفتكروا ابونا ابراهيم هيعمل معاه ايه؟؟؟؟




+++++++++++


مايكل كان عايز يجرى يهرب
كان عاوز ان الارض تنشق وتبلعه


الكنيسة كلها اتلمت والناس كلها بتقول الحق الواد مايكل بيسرق الكنيسة ومامت مارك مسكته



وبقت فضيحة بجلاجل


المهم

لما دخل ابونا ابراهيم
الكل سكت
وشوية وقالت ام مارك: شوفت الواد ده بيسرق و .... و و و و

بص ابونا الى مايكل بصت عتاب اب لابنه

وكملت الام:وكمان كان بيستلف من..........؟



وهنا قال ابونا بصرامه: ايه يا ست انتى
عيب كده !!!!!!!! ازاى تتكلمى كده على خادم من الكنيسة

الام: يا ابونا ده انا شفته بيسرق فلوس الكنيسة وكمان............ ..!؟
قطعها ابونا
ابونا : ايه قلتلك عيب
من اللى قال انه كان بيسرق؟؟؟؟؟؟

الام: يا ابونا ده انا شوف.........؟
قطعها ابونا تانى
ابونا:؟ انتى بتكررى الغلط تانى؟؟؟؟
اولا هو ما كنش بيسرق!!!!!!!!!!!! !!!؟
ده كان بيحط فلوس انا اعطيتهاله بنفسى

الام: يا بونا ....انا .....قدسك يعنى.........؟

ابونا :كدبينى انا كمان!!!!!! وقولى انى انا كمان يسرق؟



الام: العفو يا ابونا



الكل مستغرب من رد فعل ابونا ومش عارفين هى الحقيقه فين؟؟؟؟


ومش قادرين يتكلموا او يردوا بكلمه على ابونا



المهم
مايكل كان اكتر منهم مزهول


الناس كلها مشيت ما فضلش غير ابونا ومايكل فى الكنيسة


ابونا:مايكل يا ابنى فى حد بيسرق ابوه؟؟؟
مش ربنا هو ابوك؟؟؟؟
على العموم ابوك ستر عليك


ايوة ابوك اللى مات عشانك ستر عليك




+
+
والاغرب
من كده حاجة مش ممكن تتخيلوها


مش ممكن

مستحيل
++

بس هو ده اللى حصل



ابونا فتح الصندوق اللى مايكل كان عاوز يسرقه !!!!!!!!!؟
ابونا : خد يا ابنى اللى انت عاوزه
ديه فلوسك ابوك




مايكل راح صرخ

صرخ صرخة كان محتاجها من زمااااااااان

صرخ وصوته هز الكنيسة
صرخ من جواه وقال
مايكل: يا ابونا انا حرامى
ايوه انا حرامى

بكى مايكل
دموعه
دموعه ملت عينيه وصوته رااااح من العياط


توبه
ربنا بيعرف ازاى يتوب كل واحد

مايكل غرقان فى الدموع ووشه فى الارض
ابونا ابراهيم بجد اب

ابونا ابراهيم حضنه
ومايكل اول مره يلاقى صدر دافى اصيل
ابونا: عيب كده يا واد هو فيه راجل يعيط؟؟؟
مايكل: لا يا ابونا فى حرامى لازم يتوب

ابونا : عيب يا واد قلتلك
مايكل: اصل يا بونا اصل.......؟
ابونا : ولا اصل ولا فصل ايه اللى حصل يعنى؟؟؟


ابونا:شوف يابنى ما حدش بيسرق ابوه


وكلمه بقت فى ودانه
ما حدش بيسرق ابوه



مايكل اوعدك امام ربنا انا مش ممكن اسرق تانى حتى لو هموت



بالفعل مايكل كان صادق بالفعل
وما مدش ايده تانى لاى حد حتى موضوع انه يستلف بطله


طوباك يا ابومقار طوبالك يا مقاريس
يا من تشبهت بالديان تستر خطايه النفوس



طوباك يا ابونا ابراهيم طوباك يا اب حنون
تشبهت بالديان وسترت خطايه مايكل

وديه العبارة اللى دائما كان بيصلها مايكل دايما

ودايما يعلم اولاده
ما حدش بيسرق ابوه

يارب تعجبكوا

المصدر: †† ارثوذكس †† - من قسم: القصص النصية

[markoky]

Merci
7elwa Wy
Rabena Yabarkick

[dolagy_jesus]

جميلة القصة ميرسى ليك
فعلا حكمة ابونا حركت حاجات كتير فى الخادم

[مينا موحد القطرين]

فعلا مايكل كان محتاج يفوق زى احنا محتاجين بردة حد يفوقنا مرسى ليكى قصة جميلة

[elphilasouf]

بجد حلوه جدا
وكمان اتقيمت

[BOOSY CAT]

بجد القصة دى ملهاش حل جميلة جداجداجدا ميرسى ليك اوى على القصة الجميلة دى

[يحنا1975]

قصه جميله ربنا يبارك بعملك يا رب

[nona queen]

قصه هايله وروعه فعلا
ميرسى ليك يا ورده يا قمر
وطبعا ده شىء متعودينه منك انك تمتعينا بالمواضيع العسل ديه اللى ذى اللى بتكتبها

[zaza2006]

قصة جميلة اوى يا وردة ميرسى ليكى

[Hanyking]

اللللللللللللللللللله حقيقى قصة روعة وجميلة جدا جدا ربنا يباركك ويعوض تعبك