[nana222]

فى سنين عمرى اللى موش كتيرة قوى قابلت ناس كتييييير جدا
اتعرفت على ناس اكتر وكان ليا اصدقاء موش قليليين
بالحقيقة ملقتش حد من كل دول بيفكر فى الاخرين الا القليل جدا جدا
ربما يتعدوا على صوابع الايد

طب هو احنا حتى فى حياتنا العادية موش بنقابل ناس كتير حوالينا؟؟
حد فكر فى غيرة وفى اللى حاصلة؟
حد برر لاخوة اللى جانبة هو بيعمل كدة لية؟

حد مرة فكر يا ترى اللى واقف جنبى فى الاتوبيس عندة اية من مشاكل او ازمات؟

فكرت تصلى لاجل حد متعرفهوش فى يوم؟

احنا بنستنى اخطاء الاخريين علشان ننفجر فيهم ونصب كل غضبنا عليهم
ونديهم من المتشفى فى عضمهم موش كدة؟

كل واحد عندة من المشاكل و الازمات الكتير المهم هل احنا بنقدر ظروف اللى حوالينا وبنحاول نوجد تبرير لتصرفاتهم ونتغاضى عنها؟

فلان اتصلت بية بالموبيل مردش من اول مرة يومة اسود موش كدة؟

فلانة بعتت رسالة على الميل وانت مشوفتهاش الا تانى يوم يبقى تانى يوم تلاقى رسالة مهببة وانت ازاى متردش وانت ازاى متعبرنيش انت لية بتعمل كدة كل مرة؟؟؟

مراتك دخلت المظبخ وموش سامعة التليفون وانت شغال رن مع انها بتعملك الغداء لكن لا خدى بقة وازاى متسمعيش التليفون اصلك نايمة على ودانك

صاحبك اتاخر عليك فى مشوار مهم رايحينة اديلة فى دماغة اصلة لقعى مع انة وقع من الاتوبيس وهى بيحاول يجيلك بسرعة علشان يلحق و اتبهدل

كتير فية مواقف موش بنقدر ان اللى معانا او حتى الغريب بيعملها بدون قصد شخصى فينا
يا ريت قبل ما نصدراحكام نصدر فرمان العفو والتبرير لحين اشعار اخر
زى ما القانون بيقول المتهم برئ حتى تثبت اية؟
وحتى ان ثبتت ادانة الكتاب قال لا تدينوا حتى لا اية؟؟

المصدر: †† ارثوذكس †† - من قسم: التأملات الروحية والخواطر الفكرية

[كيرو رافت]

فعلا يا نانا يا ريت نصبر على الاخرين زى ما بنرجوا منهم الصبر علينا ونلتمس ليهم الاعزار ساعتها الدنيا فعلا ها تبقى احلى واحلى ويا ريت دا يكون شعارنا فى المنتدى ونبدا بانفسنا فى قريتنا الصغيرة منتدانا الحبيب كنيستنا الصغيرة

[Team Work®]

كلامكم حلو قوى بجد اشكركم جدا

[adel baket]

كلمات رائعه معزية نانا
الرب يبارك تعب محبتك

[nana222]

شكرا هيما لمرورك الجميل

[nana222]

شكرا كيرو لمرورك الجميل

[nana222]

شكرا عادل لمرورك الجميل