تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



التأملات الروحية والخواطر الفكرية يتناول التأملات الروحية للأباء الأولين أو القديسين المعاصرين أو أعضاء المنتدى

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


للموت مخارج

اكتب لكم وللعالم اجمع ولكل اصدقائى ولكل فرد من افراد عائلتى واحكى لكم واشارك معاكم اللى حصل معايا الحكاية باختصار انا ماكنتش بعرف اسوق اى عربية واتعلمت السواقة من

اضافة رد

 
أدوات الموضوع انواع عرض الموضوع

رقم المشاركة : ( 1 )
nana222
ارثوذكسي ذهبي
nana222 غير متواجد حالياً
 
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19
قوة التقييم : nana222 is on a distinguished road
للموت مخارج

كُتب : [ 03-23-2008 - 09:52 PM ]


اكتب لكم وللعالم اجمع ولكل اصدقائى ولكل فرد من افراد عائلتى واحكى لكم واشارك معاكم اللى حصل معايا

الحكاية باختصار

انا ماكنتش بعرف اسوق اى عربية واتعلمت السواقة من ثلاث سنوات وكل يوم من ساعت ما اتعلمت السواقة اصلى واقول ليسوع تعالى اقعد جنبى
انا مش بعرف اسوق لكن انت يارب بتعرف تعالى وعلمنى السواقة .
وفعلا كنت كل مرة بسوق وانا مطمئنة ان يسوع قاعد على الكرسى اللى جنبى .
من ثلاث اسابيع وانا رايحة الشغل كنت على طريق سريع (freeway ) وكنت كالعادة اصلى واطلب من يسوع يركب جنبى
واشغل اسطوانة ترانيم فى العربية . بعد نصف ساعة من السواقة على الطريق السريع وكانت ماشية جنبى عربية نقل كبيرة
وجرة وراها ماكينة كبيرة ولقيت فجاة عربية كبيرة اخرى ( حمراء) بتحاول تدخل قدام العربية النقل
اللى ماشية جنبى وطبعا لان الاثنين عربات كبيرة فلم يتسع الطريق لهم سويا .
فانحدرت العربية الكبيرة( الحمراء) وفقدت توازنها واذا بى اجد العربية الكبيرة هذة فى لحظات تقف امام عربيتى بالعرض
على الطريق وليس امامى من الوصول اليها الا عدة لحيظات قليلة
طبعا فرملت بكل قوتى بس كان مافيش فايدة ومافيش وقت لان كل دة حصل فى ثوانى.
كل اللى عملتة وانا ضاغطة على الفرامل انى اغمضت عينى وقلت لنفسى مش لازم اتفرج على نفسى وانا بموت هاموت ازاى .
وندهت على يسوع بصوت عالى جدا باستمرار وبدون توقف حتى وانا بسمع الخبط من كل ناحية فى العربية
ولدرجة انى افتكرت من كثر الخبط ان العربية اتقلبت لانى لقيت الخبط فوق العربية فقلت انا اتقلبت بالعربية
وكان كل فكرى فى هذة اللحظة ( فى يدك استودع روحى يارب) . وبعد ثوانى توقف الخبط ووقفت العربية
واول ما فتحت عنية لقيت العربية الكبيرة الصخمة ( الحمراء) فوق عربيتى وواقفة على كبوت العربية وانا تحتها .
ولقيت عربيتى داخلة فى الحيطة من الناحية الشمال والعربية النقل خبطتنى من الناحية اليمين والعربية الكبيرة الحمراء
فوق عربيتى من الامام وثلاث عربيات اخرى فى الحادث.

بسرعة الناس اللى فى الشارع حاولوا يطلعونى من العربية وبالفعل طلعونى من العربية
ولكن لكم ان تتخيلوا منظر العربية من الامام ومن اليمين ومن الشمال وموتور العربية والبطارية بتاعتها وقعوا فى الارض
والعربية انتهت تماما بمعنى اوضح اتدمرت
ولكن لكم ان تتخيلوا ايضا هل ينفع مع هذة العربية ان تكون حاجة فيها لسة بتشتغل ؟؟؟؟؟
اه.... كان فى حاجة واحدة بس لسة شغالة الكاسيت والترانيم لسة شغالة وطبعا دة شىء مش طبيعى
ان عربية متدمرة و ان الكاسيت يشتغل . بس يسوع عايز يقولى انا كنت موجود ولسة موجود فى العربية
انا مامشتش وسيبتك لوحدك ... انا هنا... .

وبسرعة اخدتنى عربية الاسعاف الى المستشفى فى حالة طوارىء وحكوا للدكتور على الحادثة الكبيرة اللى فيها
اكثر من 5 عربيات وموتوسيكل وعلى ان عربيتى اكثر عربية فى الحادثة اتدمرت .
الدكتور افتكر هايدخل على واحدة ميتة ولكن وجدنى اجلس واشكر ربنا على ما حدث معى .
الدكتور طلب بسرعة اشعه على صدرى ويدى ورجلى فى الحال وبالفعل عملت الاشعة ولم يجدوا بها اى كسور . اشكر ربنا
كلها كانت كدمات بس من الخبطات .

انا دلوقتى بكتب لكم بعد ثلاث اسابيع من الحادثة وكل ما حد يشوفنى من الدكاترة يقولى دة معجزة . بما فيهم الدكاترة الغير مؤمنين بوجود الله .

فعلا.... فعلا... هى معجزة بكل المقايس
الحادثة دى خلتنى اشوف بوضوح الاية اللى طول عمرى بحبها وبقولها
"الله لنا اله خلاص و عند الرب السيد للموت مخارج (مز 68 : 20)"
فعلا عند السيد الرب حتى الموت لة مخارج

انا النهاردة حكيت الحكاية دى واسفة للاطالة علشان عايزة اشارك معاكم

1- اول حاجة مهمة اوى " يسوع موجود هنا على الارض مش بس فى السما ودة حقيقى مش كلام فى وعظة وتشجيع للمتعبين وخلاص ."

2- الحاجة التانية ان اوعى تتخيل انك لما بتصلى يسوع مش بيسمع الصلاه لا يسوع بيسمع وبينفذ لك طلباتك بس انت اللى مش شايف .
انا قاعدت ثلاث سنوات اطلب منة انة يجى ويعقد جنبى وانا بسوق العربية وانا ماكنتش شايفة
ان فعلا كان كل مرة بيجى حقيقى ويقعد جنبى شفتة بس وقت الحادثة .
مهما طلبت من طلبات حتى لو غريبة ( يسوع يقعد على الكرسى اللى جنبى مثلا- انة يشاركك فى مشكلة – انة ياكل معاك – انة يعيش فى بيتك –
اى طلب حتى لو انت شايفة غريب ) يسوع فعلا بيحضر وبينفذ طلبات اولادة بذاتة .
اطلب منة كصديق . كاأخ . كاحبيب - كاأبن
اطلب بايمان وهتلاقى اللى بتطلبة بيتحقق حسب مشئتة الصالحة .

3- اتعلمت من هذة الحادثة اننا نشكر ربنا فى كل وقت وفى كل ثانية من عمرنا رغم الضيق . رغم الالم . نرجع الية بكل قلوبنا وافكارنا بتوبة حقيقية وندم على خطايانا . لاننا فى اقل من لحظة ممكن نكون واقفين قدامة وبيحاسبنا على اعمالنا. هانقول له اية ؟؟؟

4- لو انت تعبان او زهقان او مريض او مديون او مظلوم او فى اى مشكلة مالهاش اى حل .... عايزة اقولك كلمة واحدة بس ثق من كل قلبك ان
عند السيد الرب للموت مخارج

يمكن ربنا مد فى عمرى وادانى فرصه تانية لسبب واحد بس ...... عارف اية ؟؟؟
علشان توصلك الرسالة دى النهاردة منى

ربى .... حبيبى .... سيدى
من نبع قلبى اناديك شاكراً
من كل قوتى اسجد تحت قدميك حامداً
بروحى ونفسى ...بشحمى ودسمى
بكل نسمة تدب فى كيانى انحنى امامك شاكرأً


اعظمك يارب ... احمدك ... اشكرك
اهتف لك مع خورس المرنمين لان اعمالك
معى فاقت شعر رأسى وحمايتك من كل ضربات العدوالشرير
فلا بضربة شمال ولا بضربة يمين
ولا بجميع فخافة المنصوبة لنا المرئية وغير المرئية
اعظمك يارب لانك احتضنتنى.. وتحت ستر جناحيك خبأتنى
اهتف وانشد مع امك الطاهرة البتول
القديسة مريم العذراء
تعظم نفسى الرب وتبتهج روحى بالله مخلصى

منقول للأمانه


رد مع إقتباس
Sponsored Links
بياناتي
 رقم المشاركة : ( 2 )
M@@@NOOOO
ارثوذكسي ذهبي
رقم العضوية : 13010
تاريخ التسجيل : Jan 2008
مكان الإقامة :
عدد المشاركات : 8,790
عدد النقاط : 10

M@@@NOOOO غير متواجد حالياً

افتراضي رد: للموت مخارج

كُتب : [ 03-23-2008 - 10:28 PM ]


ميرسى لموضوعك الحلو
ربنا يبارك حياتك
ومنتظرين المزيد من المواضيع الجميله والشيقه


رد مع إقتباس
بياناتي
 رقم المشاركة : ( 3 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: للموت مخارج

كُتب : [ 03-23-2008 - 11:02 PM ]


شكرا مانو لمرورك الجميل


رد مع إقتباس
بياناتي
 رقم المشاركة : ( 4 )
rossaa
ارثوذكسي صانع
رقم العضوية : 12223
تاريخ التسجيل : Jan 2008
مكان الإقامة : مصر
عدد المشاركات : 466
عدد النقاط : 10

rossaa غير متواجد حالياً

افتراضي رد: للموت مخارج

كُتب : [ 03-25-2008 - 01:25 PM ]


الف سلامه عليك

وهى فعلا معجزه بكل المقاييس

وهى دليل على وجود ربنا معانا

ربنا يباركك

رد مع إقتباس
بياناتي
 رقم المشاركة : ( 5 )
adel baket
ارثوذكسي بارع
رقم العضوية : 141
تاريخ التسجيل : Apr 2007
مكان الإقامة :
عدد المشاركات : 2,031
عدد النقاط : 10

adel baket غير متواجد حالياً

افتراضي رد: للموت مخارج

كُتب : [ 03-26-2008 - 05:41 PM ]


شكرا على القصه وتاملك الرائعين
والرب يبارك حياتك وخدمتك نانا

رد مع إقتباس
بياناتي
 رقم المشاركة : ( 6 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: للموت مخارج

كُتب : [ 03-30-2008 - 01:04 PM ]


شكرا روزا لمرورك الجميل


رد مع إقتباس
بياناتي
 رقم المشاركة : ( 7 )
nana222
ارثوذكسي ذهبي
رقم العضوية : 497
تاريخ التسجيل : May 2007
مكان الإقامة :
عدد المشاركات : 6,286
عدد النقاط : 19

nana222 غير متواجد حالياً

افتراضي رد: للموت مخارج

كُتب : [ 03-30-2008 - 01:05 PM ]


شكرا عادل لمرورك الجميل


رد مع إقتباس
بياناتي
 رقم المشاركة : ( 8 )
vlad100001
ارثوذكسي بداء يشتغل
رقم العضوية : 7228
تاريخ التسجيل : Nov 2007
مكان الإقامة :
عدد المشاركات : 48
عدد النقاط : 10

vlad100001 غير متواجد حالياً

افتراضي رد: للموت مخارج

كُتب : [ 03-31-2008 - 08:34 AM ]


الف سلامه عليك

وهى فعلا معجزه بكل المقاييس


وهى دليل على وجود ربنا معانا وحمايتة لنا

رد مع إقتباس
بياناتي
 رقم المشاركة : ( 9 )
تامر مجدى خادم الملاك
ارثوذكسي مكافح
رقم العضوية : 17336
تاريخ التسجيل : Feb 2008
مكان الإقامة :
عدد المشاركات : 113
عدد النقاط : 10

تامر مجدى خادم الملاك غير متواجد حالياً

افتراضي رد: للموت مخارج

كُتب : [ 04-06-2008 - 10:42 PM ]


كنت وأنا صُغير فى مدارس الأحد كان بيقولى الأستاذ
أنت طول مانت ماشى وأنت ضامم أيدك
صك تماما ً أن أنت ماسك فى أيدك
أيد رب المجد يسوع
صلى من أجلى

رد مع إقتباس
بياناتي
 رقم المشاركة : ( 10 )
nermos1982
ارثوذكسي ذهبي
رقم العضوية : 394
تاريخ التسجيل : May 2007
مكان الإقامة :
عدد المشاركات : 8,638
عدد النقاط : 18

nermos1982 غير متواجد حالياً

افتراضي رد: للموت مخارج

كُتب : [ 04-07-2008 - 08:50 PM ]


اوعى تتخيل انك لما بتصلى يسوع مش بيسمع الصلاه لا يسوع بيسمع وبينفذ لك طلباتك بس انت اللى مش شايف

موضوع جميل اوى نانا.ياريت فعلا نثق فى وعود ربنا.ياريت نثق انه هاينفذلنا فعلا طلباتنا بس فى الوقت المناسب لانه عارف الخير لينا "لكل شئ تحت السموات وقت"


رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سكب للموت نفسه وأُحصيَّ مع أثمة وهو حمل خطية كثيرين وشفع في المذنبين aymonded تصميمات الأعضاء 12 05-24-2011 11:03 PM
استعد للموت الان samerco75 القصص النصية 5 11-03-2009 12:11 AM
{ فوق كل تحفظ احفظ قلبك لأن منه مخارج الحياة } ادروسيس التأملات الروحية والخواطر الفكرية 10 10-13-2009 03:57 PM
{ فوق كل تحفظ احفظ قلبك لأن منه مخارج الحياة } adel baket التأملات الروحية والخواطر الفكرية 1 08-20-2009 11:30 AM
للموت عدة وجوه مااجملها tigeregypt القسم الادبي 4 04-09-2009 10:33 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 01:58 PM.