[جوسى]

احبائى اعضاء و مشرفى منتدى ارثوذوكس
لكل انسان حزن في حياته لكن هذا الحزن هل يبقى فيك ام انت فيه؟؟
لكم اود ان اقرأ و جهات نظركم بما سأطرحه هنا بين احضان موضوعي

نلاحظ الكثير من الناس يعيشون في مستنقع ( حزن ) لا يخلوا من ألم و هموم وحسرات ..
لكنهم لا يبوحون بتلك الهموم لاي شخص كان ! فنلاحظ ذاك الحزن على قسمات وجهه احيانا ..
اما النوع الآخر .. فنلاحظهم .. يبطنون غير ما يظهرون فيكون قلبهم محطم اشد تحطيم لكن .. لا يظهر من ذاك الحزن شي حتى على
وجوههم !
والنوع الاخير .. هم من يبوحون بما في صدورهم ليشتكوا للناس المقربيين و يفضفضوا عما في القلوب ..
فأي نوعِ من الاشخاص انت/انتي ؟

المصدر: †† ارثوذكس †† - من قسم: الموضوعات الشبابية

[كراكيب]

انا هبدا
بصي ياستي هو الموضوع بيتعلق بطبيعة الشخص يعني انا من طبيعتي اني مبحكيش اي حاجة خاصة بيا طالما بتتعلق بشخص تاني ومبحكيش مشاكلي لحد لكن الحمد لله انا بقدر احلها لنفسي واتغلب عليها ومهما كانت المشكلة انا بقول لنفسي ان الحياة لازم تستمر وبكرة هيعدي وهنسي كل حاجة
وليا زمايلي مبيعرفوش يناموا الا لما يحكولي عن مشاكلهم بالتفصيل ودي عادة فيهم ومش بيسبوني الا لما ندور سوا علي حل
انا برده بميل للنوع الاخير اللي بيحاول يخبي حزنه لكن عامة انا حزني مابيطولش
شكرا للموضوع

[بنت الراعي]

جوسي اسمحي اني احييكي علي اختيارك مواضيعك
انا عن نفسي مش بحب احكي مع حد غير ربنا لانه هو اكتر حد هايحس بيا وكمان هو الوحيد اللي في ايديه الحل واحيانا كتير مش بعرف انام غير اما احكي له عن اللي تعبني ممكن اي حد تاني حتي لو كان صديق او اب اعتراف مايفهمنيش اوي وميعرفش يحل زيه وممكن يتكلم احيانا مع حد تاني عني
بس عموما انا اميل للنوع اللي بيتكلم بس مش مع اي حد

[marooooo]

فعلا مش كل الناس بتعرف انها تحكي في ناس طبيعتها كده لكن انا مثلا مش بقدر اني اخبي خالص

[Michael_Sabry]

موضوع رائع يا جوسى

فعلا كل شخص ليه طبيعه خاصه بيه و كل واحد بيحاول يدارى همومه و حزنه بطريقته او يعبر عليها بطريقته
انا مثلا لما بكون مضايق ممكن مايبنش عليا غير لو انا قلت لحد انى مضايق وبحاول اخبر عن الناس

[thered flower]

مرسيه ياجوسى على موضوعك الجميل ده بس انا بحب احتفظ بالاحزان بداخلى دون يرى على احد ولكن الاقرباء منى بيحسو لكن مابقولش على حاجة

[جوسى]

اشكركوا على الردود الجميله دى
وانا من الناس اللى بشكى همومى لدموعى
ممكن بعدين احكى على اللى مضايقنى
لما اكون ارتاحت
ميرسى ليكو

[dolagy_jesus]

الاول احب اشكرك جدا جوسى على مواضيعك الجميلة
اما بالنسبة لى فدموعى ويسوعى اكتر حد بيحسوا بى
يمكن لان لكل واحد مشاكلة ومش احب ازود على حد المشاكل
بس لما باهدى شوية ممكن اتكلم سواء اب اعترافى
او اعز اصدقائى
ربنا يفرح قلبك
+دولاجى+

[esh]

انا مبعرفش اتكلم مع اني كل اصحابي بيحكولي انا جوايا حاجات كتيييير بس..........

[جوسى]

بس ايه
اشكرك على مرورك
و اشكر كل الاعضاء
و فى انتظار انك تقول انت حزين ليه