[مهاب صابر]

كنت حامل فى الطفل الثالث و ان كان حمل خطير على و على الجنين و عشان كده نصحنى الدكتور اننى ماتحركش و فى الوقت ده كنت سمعت ان كنيسة الملاك ميخائيل باسيوط و الموجودة بشارع النميس ظهر فيها نور شديد اثناء القداس
زعلت فى نفسى قوى وقلت : " ياعنى كل الناس ينالوا بركة النور و الست العدرا و انا قاعة على السرير كدة؟"
نمت و انا زعلانة و فى اشد الضيق و احسست بشخص يتحرك من حولى فاستيقظت و قلت اقعد عينى مفتوحة عشان اشوف فيه ايه
احسست احساس قوى جدا ان الست العدرا ورايا و اللى خلانى من الخوف مش قادرة اتحرك اننى سامعة صوت نفس انسان فوق راسى و انا مطروحة على السرير و النفس ده اختفى صوته بعد دقيقة بالضبط

قلت بثقة لنفسى و انا صوتى عالى و بكلم روحى فى الاوضة و مفيش حد غيرى فى البيت

:دى اكيد الست العدرا حنينة و مش عايزة تزعلنى عشن انا كان نفسى اشوف انوارها و ما قدرتش

و الحمل فقدت فيه الجنين بعدها بايام و مات فى بطنى

مررت بوقت عصيب فى السقط و قلت يا عدرا و يا بابا كيرلس اقفوا معايا لان الطفل كان متوفى بقاله 4 ايام حدث تسمم سرى فى دمى و حرارتى اصبحت 40 و اطرافى باردة زى التلج و شفايفى زرقا يا عنى باختصار باموت و دخلت اوضة العمليات فى حالة متدهورة تصل لشبه شلل فى الاطراف و انا سامعة الممرضات يقولوا بسرعة اعملوا حاجة دى ضغطها واطى قوى
رنا انقذنى و عملت عملية تفريغ قاسية و فى البيت كنت مطروحة فى السرير و حالتى سيئة و لكن اشكر الرب جدا اننى ما موتش
و انا فاتحة عينىد " ليس حلما فانا مستيقظة " وجدت يد رجل بيضاء اللون تمد يدها لتسحب الغطاء و تغطينى لحد رقبتى و لفت نظرى ان الكم اسود اللون
فى الصباح شكرت اخى و قلت له " شكرا عشان قمت تغطينى فى عز الليل تعباك معايا انت كنت لابس تى شيرت اسود ليه ؟"
قالى انا ماقومتش فى الليل خالص
انا تعجبت فى داخلى ميت اللى جه غطانى و لابس اسود و انا صاحية كده؟

اشكر الرب على قديسيه لاننا غاليين قوى فى عنيه و مش ممكن يسينا ابدا لانه ابونا الراعى و قديسيه حنينين علينا

لالهنا الجد و شفاعتك معانا يا ام النور



و

المصدر: †† ارثوذكس †† - من قسم: معجزات القديسين والقديسات

[شنودة شوقى ابن المسيح]

ياعدرا اشفعي لينا

[الامير الحزين]

شكرا على السيرة العطرة
بركة صلاتة تكون معنا

[بنت الراهب الصامت]

المعجزة بجد جميلة اوووووووووووووووووووووووو ووى
بركتهم تكون معانا امين