[بنت الراعي]

المشاركة الأصلية كتبت بواسطة مرمر سليمان انا عن نفسي بصلي من الاجبية ولكن في بعض الوقت بقول فالنشكر وارحمني وبعدها ببتدي اتكلم مع ربنا شوية ولكن انا رأي اننا بنصلي الاول من الاجبية لكي نستقبل حضور الرب وانا منتظرة بقية الاراء وميرسي جدا لموضوعك لانه فعلا مفيد جدا

ميرسي ليك يا مرمر الصلاه بالاجبيه مهمه جدا بس برده لو اتكلمنا مع ربنا هانستقبل حضوره
ميرسي علي مرورك وربنا يعوضك

[بنت الراعي]

بصوا بقي يا جماعه انا بحب اصلي بالاجبيه وبحب اصلي
برده صلاه ارتجاليه احكي مع ربنا واشكره ولو عندي مشكله احكيها له واسمع رده ليا في الكتاب المقدس

[melanora]

الصلاة الارتجالية حلوة بس بردو صلاة الاجبية مهمة

[بنت الراعي]

اكيد مهمه ميرسي لمرورك وربنا يعوضك

[كيرو رافت]

الصلاه ....................... هى صله بين الانسان والله
هى علاقة حب بينه وبين الله
انا شخصيا بصلى الصلاه الارتجاليه ولكن بلاقى نفسى اكتر مع الاجبيه لانى بعيش فيها مشاعر النادم التائب مع داود المرنم وبعيش فيها فرحة الحصول على المغفرة وبعيش فيها حياه الشكر لربنا وبعيش فيها الحزن والندم والتوبه كل هذه المشاعر بلاقيها فى الاجبيه لانها كلها مشاعر حقيقيه عاشها دأود النبى
الصلاه يصليها البشر على ثلاث مراحل متدرجة
اولا الصلاه بتغصب عندما تغصب على نفسك ان تقوم وتصلى
ثانيا الصلاه بتعود بعد مرحلة التغصب تحس انك تعودت على الصلاة واذا لم تصلى تشعر وكانك ينقصك شئ ما
ثالثا الصلاه بحب وهى المرحله الاخيرة والاهم ان تشعر بحب الصلاه والتشوق الى الوقوف بين ايدى الله
ربنا يجعلنا كلنا ان نصل الى هذه الدرجة وهى الحب
بنت الراعى فعلا تستحقى هذا الاسم ربنا يبارك حياتك ويملا الحب قلبك لتقفى امام الله والحب يكون هو العامل المشترك بينكما

[بنت الراعي]

ميرسي اوي يا كيرو بجد ردك رائع
مع تحفظي علي الجمله الاخيره صدقني انا ماستحقش اني اكون بنته
لكن ربنا برحمته ومحبته خلانا كلنا ولاده
ميرسي اوي يا كيرو وربنا يعوضك ويباركك نورت الموضوع بمرورك

[كيرو رافت]

الموضوع منور بكاتبه موش بكلامى وانتى فعلا تستاهلى هذا الاسم ومن غيرك اولى به ربنا يمتعك ببنوته يا بنت الراعى بس هو فعلا الموضوع جميل وجديييييييييييييييييييييي ييييييييييييييييييييييييي ييييييييييييييد

[جورج أنور جورجي]

أكيد لا يمكن الاستغناء على الإتنين
* الصلاة بالأجبية صلاة عملوها قديسين كبار ليهم قامة روحية عالية بتغنى المصلى عن كل الأحتياجات الروحية وتعجبت لما عرفت معلومة إختيار المزامير حسب الساعات فمزامير باكر تلاقى فيها كلمات عن الصبح وعن بداية اليوم .... ألخ وهكذا باقى الساعات كلمات مناسبة جدا للساعة اللى بيصلى فيها
* الصلاة الارتجالية فهى صلاة أشد خصوصية بين المصلى والله يقال فيها ما يكن فى قلبك من أمور خاصة جدا ..
شكرا على الموضوع الجميل بنت الراعى ربنا يباركك

[بنت الراعي]

ميرسي اوي يا كيرو علي الكلام الكبير عليا اوي ده ربنا يعوضك

[بنت الراعي]

استاذ جورج والد سما
بجد نورت الموضوع اووووووووووي
ميرسي علي ردك الجميل والمقنع ربنا يباركك ويعوضك ويخلي لك سما وتفرح بيها