[منيمو]

الحياة ديت علامات.............فيها فرحة و فيها اهات
فيها ضحكة و فيها ضيقات........فيها سعادة بس للى يفهم العلامات

الحياة علامة استفهام (؟)
اللى يفهمها يعيش فى امان
يعيش مبسوووط يعيش فرحان
يبقى عايش بابتساام

الحياة ديت بين قوسين <>
فيها فرحان و فيها حزين
فيها من الزيرو 0 للانفنيتى
و فيها فرحانين بالملايين
بس بردو هما مختفيين
مش متشافين بين القوسين مش ملحوظين

الحياة علامة تعجب(!)
يعنى يبقى عقلك مستغرب
ع اللى سابنا و راح اتغرب
و ع اللى يا عينى بقا مصدووم
بيفكر فى بكرة قبل اليوم
و اللى مستغرب من الاسعار
اللى بتغلى و تولع نار
و ع اللى انصدم و بيتة انهدم
و ع اللى داق ظلم الجبار

و الحياة المفروض تبقى علامة يساوى (=)
و مفيش بين فقير و غنى سدود
و بلاش شغل عمو حاوى
و يبقى فيها عداااالة
و مش شغل كسالى

هى دى علاماتها لازم انت تفهمها عشان تعرف تعيشها و متكسلششش....متكنش جاهل و متفهمشش....عشان اللى مش هيفهم العلامات فعلاااا هيتمنى الممات


مستنية ردودكم

المصدر: †† ارثوذكس †† - من قسم: القسم الادبي

[اشرف وليم]

شكرا لتعب محبتك
الرب يبارك حياتك
موضوع اكثر من رائع

[viyola]

اشكرك كتير جدا علي العلامات اللي لازم نفهمها وناخد بالنا منها .. موضوعك حلو وبسيط في الكلام لكن... جواه كلام وكلام واعلام .. ورموز واستفهام ..
حقيقي يابخت اللي يفهم نوع العلامة اللي متوجهاله
كلامك جميل جدااااااا .. ربنا يباركك.

[عماد حسنى]

فى ناس عايشه ومش فاهمه
وناس فاهمه ومش عايشه
بس الاحسن ان الواحد يفهم ..لكن ان مافهمشى يبقى ميعملهاش اى حساب ..
شكرا جدا جدا يا مينمو موضوعك حلو جدا جدا
ربنا يعوضك ويفرح قلبك

[منيمو]

ميرسى لمروركم نورتوا الموضووووع

[كيرو رافت]

كالعاده يا متيمو موضوعاتك دايما بتمس ارواحنا
وبتضغط على جروحنا واتعابنا
كلمات قويه ورائعه
ربنا يفرحك يا رب ويكون معاكى

[دودي بوب]

ميرسي يا قمر علي كلامك الجميل
تعيشي وتكتبي
ربنا معاكي ويفرح قلبك علي طول

[منيمو]

ميرسى كيرو و دودى لردودكم الحلوة ربنا يعوضكم نورتوا الموضوع