[سيف الاسلام]

ميرسي ليكي يا ايمي

وزي ما قولتي .. مش موضوع الكلام في شخص السيد المسيح
بس ضيعي من وقتك ربع ساعه وفكري
هتعرفي الصح



الحاجة التانية

نفسي افهم ليييييييييييييييييييييييي ييه الاخبار المغلوطة دي
يعني ما العيد عدي علي خير ومحصلش اي مشاكل
وكلنا شوفنا وقفة المسلمين مع المسيحيين في الكنايس
والكل موجود مع بعضه
دليل علي ان المصريين مستحيل يكون ده تفكيرهم

يبقي ليه الاخبار دي
مع احترامي لكل المنتديات المسيحية ...
من باب اولي انها تهدي الجو .. وحتي لو في حاجه مش تقولها وتحاول تشعلل الموضوع تاني .. وتكهرب الوضع
لكن مش يبقي الجو تمام .. والناس فرحانه وتطلع الاخبار المغلوطة

انا ناو متأكد ان في مواقع واصوات مسيحية فعلا بتشعلل الوضع
عشان يوصلوا للي عايزينه ..
لكن لو الامور هديت والناس عاشت في سلام ...
يبقي هما مش هيلاقوا حاجه يعملوهاااااااا

شكرا ليكي

[emmmy]

كل دة وبنشعلل الموقف
بقى احنا عمالين نقول محدش يفقد اعصابة ومحدش يكتب حاجة تثير الغضب فى الشباب حتى مجرد القصيدة اللى هى مجرد كلمات تعبر عن طاقة غضب جوة الاقباط منعناها علشان نحافظ على سلامنا وننفذ وصية المسيح احبوا اعدائكم
وانت جاى تقولى بنشعلل الموقف
لا بجد حرررام --- طيب والناس اللى ماتوا يا سيف واهاليهم والنار اللى جوة قلوبهم والمصابين
معنى ان المسالة تعدى بالبساطة اللى انت طالبها دى وكان شئ لم يكن
يبقى الموقف هيتكرر كل يوم يا سيف
احنا مش هنعرف ناخد حقنا بايدنا دة صحيح وصدقنى مش خوف ولا حتى علشان عارفين ان القانون ظالم ومش هيعملنا حاجة زى ما حصل فى احداث نجع حمادى
لكن علشان دة مش اسلوبنا مش طرقتنا مش تعاليمنا
لو عاوزين هنقدر وعددنا مش قليل
لكن صدقنى -- صدقنى ان كان اللة معنا فمن علينا
قفوا وانظروا خلاص الرب
بس هى مسالة وقت وصبر
لكل شئ تحت السماء وقت

[سيف الاسلام]

يا اخت ايمي
مين قال ان الامور تعدي بالبساطة دي
ومين قال ان حقكم يضيع
لا طبعا
انا مقولتش كده

انا بقول بلاااااش اخبار مغلوطة
يعني محدش في مصر كلها سمع عن الاخبار اللي بتقولي عليها دي
ولا الموقع المسيحي ده بس اللي عرفها ؟

يعني بالمنطق كده .. اكيد مستحيل ده يحصل
يا عالم دا لو مصريين اللي عملوها في المرة الاولي .. يبقي اكيد مش هيكرروها بعدها بكام يوم يعني
ولا العقل راح فين ؟


انا كل اللي اقصد ان الشعللة والكلام ده مش هتجيب نتجية
الحق مش بيرجع الا بالتفكير والتحضير والصوت المسموع العاقل
ولا محدش هيتحرك
اقصد انه بدل الشعلله دي .. يكون في لجنة او وفد من عندكم يطالب بحقوقكم ويتناقش فيها .. مش يقول كان في كنايس هتنضرب ومعرفوش يضربوها
ايييييه الكلام ده
انتي لو مقتنعه ان الكلام ده صح ... ان هسكت واقتنع انه صح

حاجة تانيه

انا كــ واحد من البلد دي .. مش مقتنع بكلامك .. انك بتقولي لو عايزين ناخد حقنا هناخده بادينا .. او ان عددكم مش قليل

انا مش هتكلم في النقطة دي ..
لانها هتشدنا لموضوع تاني خااااااالص ...
وهتأكدلي ان في افكار مش كويسة في دماغكم

وان التصريحات الغير مسئولة اللي اتقالت في فترة الحادث دي صح

انا مش هتكلم في الموضوع ده
عشان كده هنبد ندخل في سياسة عامة وكلام كبير علينا

ومتزعليش ياستي ...
لا للتهدئه .. نعم للعصبية

والتكسير والضرب والقمع والمظاهرات هيا الحل

اي خدمة يا ايمي

[emmmy]

وهتأكدلي ان في افكار مش كويسة في دماغكم

وان التصريحات الغير مسئولة اللي اتقالت في فترة الحادث دي صح

لو انت مصدق نفسك يا سيف خلاص اوك
ولو انت حااسس ان دة قصدى ومقتنع براحة وانت بتغالط الامور والمعانى
وبتدخلنا فى متاهة تانية وتفتح ابواب ملهاش لازمة
يبقى خلاص
ومتزعليش ياستي ...
لا للتهدئه .. نعم للعصبية

والتكسير والضرب والقمع والمظاهرات هيا الحل

اي خدمة يا ايمي

انت شايف كدة
مرسى على العموم

[سيف الاسلام]

انا فعلا لما شوفت ردك اعصابي شدت اوي
لان مقصدش اللي فهمتيه خالص

وقصدي انه بلاش كلام يشعلل الموضوع
زي اللي قايله الموقع المسيحي ده
واعتقد انك موافقه علي كلامي ده
ولا ايه ؟

الحاجة التانية

انا متأكد ان في ناس مسيحيين افكارهم مش سلمية
ولا عايزين هدوء .. ولا ليهم رغبة في حياه مع مسلمين
بس مكنتش اعتقد ان في منهم في مصر كتير اوي كده

ابقي اسمعي برامج قناة الكرمة
وهتعرفي مين بيفكر في التعصب والافكار السلبية

[hany1982]

نشكر ربنا على كل حال واكيد هو بيعملنا الخير دايماً ويارب يبعد عن كنيستنا الشر والاشرار

[emmmy]

المشاركة الأصلية كتبت بواسطة سيف الاسلام انا فعلا لما شوفت ردك اعصابي شدت اوي لان مقصدش اللي فهمتيه خالص وقصدي انه بلاش كلام يشعلل الموضوع زي اللي قايله الموقع المسيحي ده واعتقد انك موافقه علي كلامي ده ولا ايه ؟ الحاجة التانية انا متأكد ان في ناس مسيحيين افكارهم مش سلمية ولا عايزين هدوء .. ولا ليهم رغبة في حياه مع مسلمين بس مكنتش اعتقد ان في منهم في مصر كتير اوي كده ابقي اسمعي برامج قناة الكرمة وهتعرفي مين بيفكر في التعصب والافكار السلبية

متخلطشى الامور يا سيف
قناة الكرمة دى قناة مش ارثوذكسية
وزى ما بتطلب مننا منخلطشى الامور وناخد ناس بذنب ناس وان المسلمين مش كلهم زى بعض انت كمان افهم ان فى حاجة اسمها طوائف فى المسيحية اشمعنى اللى فاتتك يعنى ومش عارفها

[كراكيب]

• لما هو في ناس مسيحيين ياسيف الاسلام افكارهم مش سليمة ساكتين ليه كانوا فين ايام الكشح سكتوا ليه
• كانوا فين ايام الخانكة سكتوا ليه
• كانوا فين ايم نجع حمادي سكتوا ليه
• كانوا فين في امبابة والعياط اللي انت اكيد متعرفشي اللي حصل فيهم سكتوا ليه
• كانوا فين في الشارع اللي انا شخصيا بتعرض فيه لاهانة من مسلمين مصريين ولا بقي م القاعدة ولا م الخارج ولا م التعتيمات اللي بتتقال دي
• طبعا المسلمين المصريين الحلويين اكتر بكتير
• لكن نشكر ربنا لو اتقال ان في نسبة مسيحيين فكرهم شادد شوية يبقي اولا معاهم حق وثانيا ميتخافشي منهم لانهم عمرهم ماعملوا تلت اللي اتعمل فينا من مسلمين مصريين قبل مايبقوا من برة اذا كان في من برة
• شكرا ياايمي
• شكرا سيف الاسلام الذي يعتبر من احد المسلمين المستنيرين

[emmmy]

تسلم ايدك يا ميلاد

[فرح®]

مرحبا يا جمااااعة .....هااااااي ..ما حدا بيرد ليه يا جدعااان
نشكر الرب على كل شيء