[nermos1982]

عرفتى يا حبيبتى انتى ليه سبتينى
عرفتى ليه مش بأديكى بعتينى
عرفتى أد ايه انتى غاليه عاليا
وعرفتى أن مفيش أدك جرّح فيّا


سيبك من بحر الحنان
سيبك من كانا وكان
سيبك من الحب اللى أديته
سيبك من الشوق اللى راعيته
سيبك من عشرتنا الطويله
سيبك من دموع كل ليله


اجرحى تانى مايهمكيش اجرحينى
مانا مستنى بأديكى تدبحينى

دى نهايه طبيعيه مش مؤلمه
تعمل أيه الجروح لروح ميته ومستسلمه


كلمات ملهاش حل يا عماد.
كلمات جميلة اوى اوى واحساس صعب اوى اوى اوى
ربنا يفرح قلبك يارب ويبعد عنك العذاب والجرح

[MICKEY]

اجرحى تانى مايهمكيش اجرحينى مانا مستنى بأديكى تدبحينى دى نهايه طبيعيه مش مؤلمه تعمل أيه الجروح لروح ميته ومستسلمه

يابني سلم امرك ليه
هو وحده واجري عليه
ياأما ياخدك في حضنه ياأما ياخدك ليه
ههههههههههههه

جامده ياعمده بأمانه انت علي طول جامد
ربنا معاك ويريحك ... احم احم اقصد يريح قلبك هههههه

[انا كبريانوس]

دى نهايه طبيعيه مش مؤلمه
بصراحه نهايه مؤلمه لتجربه مؤلمه جدا وربنا يديك نهايه غير كده ويكون معاك

[الماكس مايكل]

كلمات جميله اوى واحساس صعب
ربنا يبعد عنك اى حزن
وموضوعك رائع كالعاده
ربنا يفرح قلبك

[lolaemo]

انا مين ؟؟؟ انا مين !!
انا مشاعر محكوم عليها تتعدم ومش ذنبها
لحظه أمل قبل ما تتولد بتموت جنين فى وقتها


انا علامات الدنيا بكل مرارها وذلها
أيام ودموع وذكرى كانت وعشتها


انا معادله الزمن بيعقدها مش بيحلها
رحله مجهوله لا عارف قربها ولا بعدها
الله على الجمال ياعماد روعة بجد تسلم ايدك

[eng_fofa]

المشاركة الأصلية كتبت بواسطة eng_fofa عرفتى أد ايه انتى غاليه عاليا وعرفتى أن مفيش أدك جرّح فيّا

كلمات فى منتهى الجمال
لكن دا احساس صعب جدا
ربنا يفرح قلبك ويسعد ايامك
من كتر ما القصيده عجبتنى
رديت عليها مرتين
هههههههههههههه
تعيش وتكتب

[tigeregypt]

صديقي الحبيب عماد
كلماتك ذكرتني بعبارة قراتها قديما وهي

لاتحاول قتلي لاني بالحقيقة مقتول

اكتفيت بالقليل
لاني لو قلت اللي في نفسي حقلبها جنازة ههههههههههههههههههههههههه هه
ربنا يفرح قلبك

[goneer]

بجد انا مش عارفة اقول ولا اكتب حرف
بصراحة انا قرأت فيها لمدة 3 أيام لكن مش عارفة اقولك اية على كتابتك او احساسك وسامحنى ياشاعر دى اول مرة كلامى ليك ميكنش مدح بالعكس انا مختلفة معاك جدااااااااااااااااااااااا ااااااااااااا
لان مش صح اصلا ان فى انسان يحس نفسة انة مقتول وانة ناتج لزمن اصم ابكم اية الزمن دة ياشاعر علشان يصنع انسان

وراح فين ربنا ال انت كاتب لية اجمل قصيدة قرائتها "جواب" وكمان كاتب "انت الحقيقة" طب ازاى تكون انت ال كاتب دول وبتمد ايدك لينا بالامل وبعد كدة تكتب "أنا مين"

لأ ياشاعر مش موفقاك لانك نسيت ان فى رب هو ال مدبر الاحوال وبيخلق حال من محال لانة يقدر يغير جميع الاحوال

انا أسفة اذا كانت كتابتى قاسية بس انا فعلا بقالى 3 ايام مش قادرة اغير موقفى ....بس دة ميمنعش ان كتاتك بس متفوقة كشاعر

[عماد حسنى]

المشاركة الأصلية كتبت بواسطة ميلاد صدقى اجرحى تانى مايهمكيش اجرحينى مانا مستنى بأديكى تدبحينى دى نهايه طبيعيه مش مؤلمه تعمل أيه الجروح لروح ميته ومستسلمه فنان مبدع ومتجدد بس حزين جدا اجمل ما فى قلمك انة هو كمان فنان وفسرت اد اية المشاعر والاحساس اللى دايما غرقان ابدع كمان وكمان يا اديب اختيارى لبعض السطور مش معناة ان الباقى مش ممتاز لأ ولكن اللى اقتبستة انا من سطور زلزلنى وحرك جوايا الكثير والكثير يا فنان الرب يسوع يباركك ويرعاك ويكون معاك

ربنا يخليك يا ميلاد بس ما وصلتش لدرجه فنان
ده بس من زوقك ومحبتك
اشكرك جدا جدا على مرورك وردك اللى دايما بيكون اكبر منى ومن الموضوع نفسه
ربنا يفرح قلبك وكل ايامك الف الف شكر يا ميلاد

[عماد حسنى]

المشاركة الأصلية كتبت بواسطة eng_fofa عرفتى يا حبيبتى انتى ليه سبتينى عرفتى ليه مش بأديكى بعتينى عرفتى أد ايه انتى غاليه عاليا وعرفتى أن مفيش أدك جرّح فيّا احساس صعب ومميت ياعماد معنديش كلام اقوله غير ربنا يفرح قلبك

ربنا يخليكى يا فوفا
نورتى الموضوع بحضورك وردك
شكرا جدا جدا ليكى
ربنا يفرح قلبك وقلوب كل ولاده