[الناى الحزين]

الصيام الكبير بقى 25 يوم بس


ايوا ده فعلا مش كلام وبس
مش مصدق
وسامعك بتقول هو الواد ده بيخرف ولا ايه

تيجى وحده تانى تقولى يا عم ناى اخلص عاوزين نعرف ازى
لو كلامك صح هيبقى الصيام خلص ودخلنا فى اسبوع الالالم

اقولكم اصبروا بس

اقولكم ازى احنا السنه دى هنصوم 25 يوم بس

وعلشان تتأكدوا من كلامى هنسأل اب راهب وهو هيجاوب على السؤال
وهيقولنا ازى

الناى الحزين: اغابى يا ابونا اخبارك ايه

ابونا الناى الحزين: اغابى يابنى اهلا بيك ونشكر ربنا انا بخير

الناى الحزين :يا ابونا الصوم الكبير طويل قوى وانا بتعب فيه مش قادرين تخلوه يعنى اسبوع او 10 ايام لازم يعنى حكايه ال 53 يوم دول

ابونا الناى الحزين: ههههههههه 53 يوم ايه بس يابنى حرام عليك
على العموم انا بصوم 25 يوم بس ومش بصوم الصيام الطويل ده
الناى الحزين: ايه؟ مش معقول دى مفجأه طب ازى يا ابونا انا موافق 25 25 مش مهم المهم انه ما يعديش ال 26 يوم

ابونا الناى الحزين : هههه هقولك يابنى
بس نحسبها مع بعض
هات كدا ورقه وقلم
وفتح مخك معاياه وبلاش تنبله

الناى الحزين : حاضر يا ابونا الورقه اهى بس مش معايا قلم

ابونا الناى الحزين : خد يابنى القلم اهو واحسب معايا

هو احنا المفروض اننا بنصوم كام اسبوع

الناى الحزين: 7 اه 7 يا ابونا مش كدا؟

ابونا الناى الحزين: هههههه انت كمان مش متأكد
على العموم هما اه 7 اسابيع
اخصم من كل اسبوع يومين اللى هما سبت وحد مش بنصومهم انقطاعى يعنى بناكل ونشرب عادى
ودول بقى 14 يوم كويس؟

الناى الحزين : اه كويس كويس قوى كمان

ابونا الناى الحزين : وكمان عندك فى كل اسيوع يومين كدا كدا بنصومهم اللى هما الاربع والجمعه يعنى مش بنعمل حاجه جديده لاننا بنصومهم فى ايام الصيام والايام اللى مفيهاش صيام
يبقى ادى كمان 14 يوم كويس؟

الناى الحزين : اه كويس قوى قوى فعلا

ابونا الناى الحزين : وكمان فيه يومين تانى بيجوا فى الصيام مش بنصوم فيهم انقطاعى؟
وهما عيد الصليب وعيد البشاره
يبقى كدا المجموع كله 30 يوم
يبقى باقى كام يوم من الصياام؟

الناى الحزين : 25 يوم يا ابونا

ابونا الناى الحزين : اهو هما دول بقى اللى بنصومهم
ها؟ يبقى الصوم الكبير كام يوم يا ناى يابنى

الناى الحزين : 25 يوم يا ابونا

ابونا الناى الحزين: ربنا يباركك يا ناى يابنى

ضحك عليا ابونا واكلنى الاونطه
وفعلا اكتشفت انى بصوم 25 يوم بس مش الصيام كله

يلا خيرها فى غيرها وتتعوض فى المره الجايه

المصدر: †† ارثوذكس †† - من قسم: مناقشات دينية وروحية

[finyara]

ههههههههههههههههههه كل ده علشان تختصر الصيام يلا اهو ابونا الناى سهلهالك خالص مالكش حجة بقى وهتسمع الصوت(انت بلا عزر ايها الانسان) يعنى هنعملك ايه اكتر من كده..............كل سنة وانت طيب

[ماروجيرافك]

سبت وحد مش بنصومهم انقطاعى يعنى بناكل ونشرب عادى

ده علي اساس يعني ان كل الناس بتصوم
انقطاعي هه
جميل اوي عرضك للموضوع يا ناي

[الناى الحزين]

المشاركة الأصلية كتبت بواسطة finyara ههههههههههههههههههه كل ده علشان تختصر الصيام يلا اهو ابونا الناى سهلهالك خالص مالكش حجة بقى وهتسمع الصوت(انت بلا عزر ايها الانسان) يعنى هنعملك ايه اكتر من كده..............كل سنة وانت طيب

وانتى طيبه
ومتشكر قوى قوى على المشاركه الجميله دى

[الناى الحزين]

المشاركة الأصلية كتبت بواسطة ماروجيرافك ده علي اساس يعني ان كل الناس بتصوم انقطاعي هه جميل اوي عرضك للموضوع يا ناي

الاجمل هو ردك ومشاركاتك يا مارو
كل سنه وانت طيب
ربنا يفرح قلبك

[elphilasouf]

هرطوقى وكافر وزنديق

ايه يابنى الى بتقوله ده
انت يعنى بتهون علينا الصوم ولا ايه
لألألألألألألألألألألألأل أ
موضوع وحش اوي

[الناى الحزين]

المشاركة الأصلية كتبت بواسطة elphilasouf هرطوقى وكافر وزنديق ايه يابنى الى بتقوله ده انت يعنى بتهون علينا الصوم ولا ايه لألألألألألألألألألألألأل أ موضوع وحش اوي

وحش وحش
لما هو وحش ايه اللى جابك هنا
يلا بره

[نبيل نصيف جرجس]

يخرب عقلك يا ناى بجد انت زى السكر ومواضيعك كلها زى السكر زيك ربنا يباركك يا رب ويحافظ عليك
ماشى يعم ربنا يجعل كل ايامنا صيام مش اكل وبس يا ناى المهم الروح تصوم هية كمان موضوع الصوم مش حرمان للاكل
الصوم من فوادية انة بيخلى الانسان يكسر كبريائة وشهواتة ويخلية كمان يقدر يكون متحكم فى نفسة مش جسدة المتحكمة
المهم من الموضوع كلة الروح هية الل تتحكم عشان تقودنا لربنا يسوع
حتى ابقى اسال ابونا الراهب لو مش مصدقنى يخرب عقلك يا شيخ

[الناى الحزين]

المشاركة الأصلية كتبت بواسطة نبيل نصيف جرجس يخرب عقلك يا ناى بجد انت زى السكر ومواضيعك كلها زى السكر زيك ربنا يباركك يا رب ويحافظ عليك ماشى يعم ربنا يجعل كل ايامنا صيام مش اكل وبس يا ناى المهم الروح تصوم هية كمان موضوع الصوم مش حرمان للاكل الصوم من فوادية انة بيخلى الانسان يكسر كبريائة وشهواتة ويخلية كمان يقدر يكون متحكم فى نفسة مش جسدة المتحكمة المهم من الموضوع كلة الروح هية الل تتحكم عشان تقودنا لربنا يسوع حتى ابقى اسال ابونا الراهب لو مش مصدقنى يخرب عقلك يا شيخ

هههههههههههه
صدقنى انت اللى زى العسل يا عسل
بجد ردك اسعدنى جدا يا بلبل
ربنا يفرح قلبك ويسعدك كمان وكمان
وكل سنه وانت طيب يا احلى بلبل

[kottah_sh]

موضوعك لذيذ يا ناى

بس صدقنى الواحد بيصوم ومش بيحس بالصيام من حلاوته
وخصوصا الصيام الكيبر

ربنا يباركك يارب
وبركه الصيام تكون معاك