[fruity]

حتى ابليس هاجر من مصر

على باب سفارة مصر.. لمحت ابليس و ف ايده استماره..
بقول له على فين.. قاللي بص .. يا هجره يا اعاره..
يا عم زهقت.. كفرت ... الاقيش معاك سيجاره..
انا انتهيت خلاص .. لا نافع وسواس ولا خناس
ولا ليا عيش وسط الناس..

دي عالم مجرمين.. عندكوا فائض ف الفساد....في كل البلاد..
ومش محتاجين شياطين .. مليش عيش ف دي البلاد..

بقالي سنين عاطل .. و انتوا بتعرفوا تقلبوا الحق باطل..
و تسلكوا القاتل .. و تمشوا ف جنازة المقتول.. ومفيش مشاكل..

يا عم ده انا بقيت أوسوس بالمقلوب..
و أقول للحرامي .. كفايه بقى .. توووووب..
انت ايه . لوحدك هاتعمل كل الذنوب..

و أنا ابليس أشتغل واعظ ... ولا كمساري ف اتوبيس..
يا عم ده انا زمان

كنت استنى حد ينسى يسمي وهو بياكل لقمته..
دلوقتي كل اكلكم ملوث .. و بصراحه الواحد خايف على صحته..
ده مفيش ضمير اساساً عشان اموته..
و كل واحد بمزاجه .. خربانه ذمته..

يا عم ده كل حاجه اتسرقت..
وكده الاجيال الجديده م الحراميه اتظلمت..
يا راجل ده من كتر ما لطشت معايا..
خرجت ف مظاهره مع الناس اللي بتقول كفايه..
و برضه ......... مفيش فايده

منقوووووووووووووووووووووو وووووووووول

مع تحيات fruity

المصدر: †† ارثوذكس †† - من قسم: القسم الادبي

[menovich]

تسلم ايدك توتى على التوبيك الجامد

ولكن اسمح لى بنقلة الى القسم الأدبى

ربنا يباركك

[Malak sokar]

ووووووووووواااااااااووووو ووووو

[اسامة ثروت]

بجد رئئئئئئئئئئئئئئئئئئئئئئئئ ئئئئئئئئئئئئئئئئئع

[أملى فيك يا يسوع]

تسلم ايدك بجد جامد موت ربنا يباركك

[حنين سنين]

موضوع فعلا جميل ومفيد جدا ربنا يفرح قلبك

[marina m]

موضوع رائع وكلمات جميلة
تسلم اديك
ربنا يباركك